Bókasafnið - mar 2024, Qupperneq 52

52 Gunnhildur Kristín Björnsdóttir | Minning : Arndís Sigríður Árnadóttir
Arndísi liggja sömuleiðis greinar í bókasafnsfræði, meðal annars um samræmt aðgengi og
varðveislu listheimilda, stafræn myndgagnasöfn og íslensk bókverk. Með Arndísi er farin
dýrmæt þekking. Í sjónmáli voru þrjár bækur, bók hennar um Svein Kjarval og sögu MHÍ í
samstarfi við fleiri höfunda. Þá voru einnig skrif nokkuð á veg komin um íslenska hönnun í
samstarfi við Elísabetu V. Ingvarsdóttur.
Arndís átti þátt í að stofna norrænt samstarf listbókasafna (ARLIS/Norden) en bóka safn
MHÍ var að hennar frumkvæði, ásamt bókasafni Listasafns Íslands, aðili að samtökunum
frá upphafi 1986. Sjálf sat hún árum saman í stjórn samtakanna. Arndís hvatti önnur íslensk
bókasöfn með listheimildir að taka þátt og fyrir hennar tilstuðlan urðu þau flest aðilar að
samtökunum. Þátttaka íslenskra listbókasafna í ARLIS/Norden hefur verið til mikilla hagsbóta
og víkkað sjóndeildarhring starfsmanna safnanna. Auk þátttöku í ARLIS/Norden, sat Arndís
í stjórn Skógræktarfélags Garðabæjar, var félagi í Listfræðafélagi Íslands og Reykjavíkur­
akademíunni. Hún var heiðursfélagi í Upplýsingu frá 2012.
Fræðimennska og fagmennska voru Arndísi í blóð borin. Sjálf var ég svo heppin að njóta
leiðsagnar hennar á þrjá vegu, sem nemandi í bókasafnsfræði, sem myndlistarnemandi og
bókasafnsnotandi í MHÍ og sem samstarfsmaður. Hún var framúrskarandi kennari, vel
skipulögð, hafsjór af fróðleik og góð fyrirmynd. Það var gaman í tímum hjá henni. Hún hafði
einstakt lag á að vekja áhuga, það get ég vottað, bæði sem nemandi hennar og samstarfsmaður,
og með því að fylgjast með henni aðstoða aðra bókasafnsgesti í MHÍ og LHÍ.
Arndís var glæsileg kona með hægláta og fágaða framkomu. Hún fylgdist vel með í sínu fagi,
var áhugasöm um nýjungar, einnig það sem á undan var gengið, og sýndi ætíð ráðdeild og
smekkvísi. Arndís bar yfirbragð heimskonu og eins og einn kollegi okkar komst að orði, þá
var það í hennar stíl að kveðja jarðvistina í háborginni París.
Heimildir
Arndís S. Árnadóttir. (1997). Bókasafn Myndlista­ og handíðaskóla Íslands. Í Guðrún
Pálsdóttir og Sigrún Klara Hannesdóttir (ritstj.), Sál aldanna: Íslensk bókasaöfn í
fortíð og nútíð (bls. 173­193). Háskólaútgáfan.
Arndís S. Árnadóttir. (E.d.). Hönnun og fræði. https://listrad.wordpress.com/
Arndís S. Árnadóttir. (2011). Nútímaheimilið í mótun: fagurbætur, funksjónalismi og
norræn áhrif á íslenska hönnun 1900-1970. Háskólaútgáfan.
Elísabet V. Ingvarsdóttir. (2023, 7. október). [Minningargrein]. Morgunblaðið, 40.
Páll Baldvin Baldvinsson. (2012, 2.­4. mars). Byltingarkennt innlegg: Nútímaheimilið í
mótun er tvímælalaust eitt merkilegasta rannsóknarverk sem hér kom út á liðnu ári.
Fréttablaðið, 40.