Skógræktarritið - 15.10.2010, Blaðsíða 19

SKÓGRÆKTARRITIÐ 201018
Tré ársins 2010 er álmur (Ulmus glabra) og stendur
við Heiðarveg 35 í Vestmannaeyjum. Ef til vill hafa
margir hváð þegar sagt var frá því að tré ársins 2010
væri í Vestmannaeyjum. Vestmannaeyjar hafa ekki
verið taldar með heppilegustu vaxtarstöðum trjá-
gróðurs enda oft veðrasamt á Stórhöfða. Hitastig
í Eyjum er aftur á móti að jafnaði hærra en víða
annars staðar á landinu og mikil frost eða snjóar
heyra til undantekninga. Álmurinn fallegi er því
kannski sönnun þess að sé rétt tré valið er það til-
búið að takast á við ýmsa dynti náttúrunnar. En það
var kannski ekki fyrirséð að álmurinn ætti eftir að
þola Heimaeyjargosið árið 1973 en þar hafði hann
einnig betur í átökum við náttúruöflin. Kom grænn
og fagur upp úr öskunni og lét sér fátt um finnast.
Álmurinn á Heiðarvegi 35 er vel að tilnefningunni
kominn og er mikil prýði í garðinum. Um leið er hann
hvatning um að fleiri meiðir verði ræktaðir í görðum
í Eyjum til prýði og skjóls. Bæjarbúar geta hæglega
umvafið bæinn gróðri, m.a. með álmi og ýmsum
öðrum tegundum sem sannað hafa sig á síðari árum.
Til þess að leggja því starfi lið geta allir gengið til liðs
við Skógræktarfélag Vestmannaeyja og stutt við það
starf sem félagið vinnur að á ári hverju, en félagið
var endurvakið árið 2000 og er m.a. að vinna að
ræktun í nýja hrauninu, í svonefndum Hraunsskógi.
Tré ársins 2010 – í Vestmannaeyjum
Höfundur Brynjólfur Jónsson