Skógræktarritið - 15.05.2011, Page 8

SKÓGRÆKTARRITIÐ 20116
Hamfaraflóð
Aðfaranótt 15. desember 1998 brast aðveituæð að
Rafstöðinni í Elliðaárdal með þeim afleiðingum að
í rúmlega hálfa klukkustund streymdu á sekúndu
hverri 12 rúmmetrar af vatni niður Elliðaárdalinn.
Vatnsflaumurinn fossaði fram rétt vestan við félags-
heimili Orkuveitu Reykjavíkur og ruddi burt hluta
af vegi og bílastæði við félagsheimilið og rauf 15 – 30
metra breitt skarð í hlíðina þar neðan við svo að
trjágróður og allt að tveggja metra þykkur jarð-
vegur sópaðist í burtu og klöppin stóð nakin eftir.
Nálega 1.500 rúmmetrar jarðefna skoluðust burt og
dreifðust þau ásamt trjám og gróðurtorfum yfir um
það bil 700 fermetra svæði á flatlendinu neðan við,
en eitthvað barst alla leið niður í árfarveginn og til
sjávar. Skemmdir á gróðri urðu mestar í skógivax-
inni brekkunni, þar sem meginrofið varð og svo á
flatlendinu þar sem mismunandi þykkt lag af fram-
burði lagðist yfir gróðurlendið.
Segja má að afleiðingar flóðsins séu áþekkar þeim
sem verða oft hér á landi af völdum náttúruhamfara
svo sem skriðufalla og flóða. Aðstæðurnar eru þó
um margt ólíkar. Rofið átti sér stað í landi sem hafði
verið friðað fyrir beit í nokkra áratugi og þar var
vaxinn upp skógur með mörgum helstu trjátegund-
um sem ræktaðar eru hér á landi. Þarna var einstakt
tækifæri til að fylgjast með endurgræðslu og gróður-
framvindu á mjög röskuðu landi í óvenju gróðursælu
Endurgræðsla eftir flóð í
Elliðaárdal
Höfundur Jóhann Pálsson
Víða hafa fræplöntur tveggja eða fleiri tegunda vaxið upp mjög nærri hver annarri, hér má sjá
viðju, sitkagreni og birki í einum hnappi.