Skógræktarritið - 15.05.2011, Qupperneq 65

63SKÓGRÆKTARRITIÐ 2011
innlendu) verulegar skorður.12 Reyndar beinast
frumvarpsdrögin ekki gegn skógrækt einni og sér, en
ljóst er á blaðaskrifum andstæðinga skógræktar að
þeir sjá þar mikilvægt tæki til að koma böndum á
skógrækt.10
Hvað er þá til ráða?
Í þágu sjálfbærrar þróunar og þjóðarhags er rétt að
halda áfram að byggja upp skógarauðlind, helst að
auka hraða uppbyggingarinnar ef kostur er. Við það
þarf að sýna skynsemi og bera raunhæfa virðingu
fyrir náttúrunni og skoðunum fólks. Með skynsemi
er átt við að velja skuli svæði, aðferðir og tegundir
með tilliti til þess að markmið skógræktar séu líkleg
til að nást, hvort sem þau eru timburframleiðsla,
uppgræðsla, útivist, ýmiskonar vistkerfisþjónusta
eða blanda af öllu saman. Rannsóknaniðurstöður og
sannanleg reynsla eiga að ráða för en ekki sérviska,
hjátrú eða þjóðernishyggja.
Með raunhæfri virðingu fyrir náttúrunni er átt við
að huga skuli að verndargildi svæða og landslags-
þátta áður en hafist er handa við nýræktun skóga.
Bent hefur verið á að stórum hluta votlendis hafi
verið raskað, að birkiskógar séu sjaldgæfir miðað
við heildarflatarmál landsins og að mófuglar þurfi
sitt pláss. Allt er þetta rétt, en ekki er þar með sagt
að alltaf sé réttara að fylla upp í skurði en að nýta
framræst land til skógræktar, að hvergi megi gróður-
setja innfluttar tegundir ef birki finnst á svæðinu
eða að ekki dugi minna en allt mólendi Íslands fyrir
lóustofninn. Í fyrirsjáanlegri framtíð verður skóg-
rækt svo smá í sniðum, borið saman við flatarmál
landsins eða sem hlutfall af þeim gróðurlendum sem
helst eru nýtt til skógræktar, að hún mun ekki valda
neinni teljandi röskun á lífríki eða landslagi þegar á
heildina er litið.
Raunhæf virðing fyrir skoðunum fólks á skógrækt
felur í sér viðurkenningu á því að útsýni er fólki mik-
ilvægt og það ber tilfinningar til landsins. En útsýni
þarf ekki að vera frá öllum stöðum til allra staða
og vonlaust er að eltast við skoðanir allra þegar
ásýnd lands og landnýting eiga í hlut því þær eru
svo misjafnar. Lausnir eru ekki alltaf einfaldar og
stundum eru hagsmunaárekstrar óumflýjanlegir, en
Nýtt á Íslandi
AutoPot
Sjálfvirk vökvun
Einfalt í uppsetningu
Ekkert rafmagn
Endalausir stækkunarmöguleikar
Nánari upplýsingar
á www.innigardar.is
AQUAbox2 spyder
Svo ekki þorni í beðunum
Easy2grow kerfi
InniGarðar ehf. - Lyngháls 4, 110 Reykjavík - Sími: 534 9585 - www.innigardar.is