Skógræktarritið - 15.05.2011, Blaðsíða 85

83SKÓGRÆKTARRITIÐ 2011
af hálsinum varð skógurinn strax vöxtulegri. Þar
rákumst við á vörtubirki sem gróðursett hafði verið
innan um lerkið og gaf því lítið sem ekkert eftir í
vexti þótt landið væri heldur rýrt.
Leið okkar lá áfram. Nú var keyrt út Velli og í
Egilsstaði. Á leiðinni blöstu við víðfeðm skógar-
svæði og í raun er það svo að lítið vantar upp á að
samfelldur skógur (hvortveggja gróðursettur- og
náttúrulegur birkiskógur) sé frá Egilsstöðum með-
fram Fljótinu og alla leið að innsta bæ í Suðurdal
í Fljótsdal, um 50 kílómetra leið. Ótrúlegt að slíkt
skuli fyrirfinnast hér í hinu annars skóglausa landi.
Nú vorum við komnir yfir í Fellin og við stopp-
uðum í Ekkjufelli rétt fyrir innan Fellabæinn. Þar gaf
að líta nokkru yngri gróðursetningar en við höfðum
skoðað áður, aðallega gróðursett á árunum 1995 til
2002. Sérstaka athygli okkar vöktu alaskaaspir sem
gróðursettar höfðu verið sem bakkaplöntur 1999.
Öspin var nú um 8–9 metra há að meðaltali þar sem
best lét.
Áfram var haldið inn Fellin og farið í gegnum
skógræktarsvæðin á Birnufelli og Miðhúsaseli.
Landslagið í Fellum einkennist af ásum og fellum
sem liggja frá suðri til norðurs eftir stefnu dalsins.
Milli þeirra eru síðan býsna víðfeðm mólendissvæði,
flóar og mýrlendi eru einnig mjög áberandi. Gróður-
lendið í Fellum hefur látið á sjá eftir árhundruða
ofnýtingu. Því var mjög forvitnilegt að sjá hina
jákvæðu breytingu sem orðið hefur á landinu, t.d.
í Miðhúsaseli þar sem skógrækt hófst fyrir 1990.
Lerkið átti erfitt uppdráttar á sínum yngri árum en
þrífst nú orðið vel í áður rýrum og illa grónum ásum
og öspin og grenið virðast ná sér ágætlega á strik í
frjósamara landinu. Miðhúsaselslandið hefur breytt
mikið um svip á síðastliðnum 25 árum og er þar nú
ólíkt búsældarlegra en áður.
Síðasti viðkomustaður dagsins var á Skeggjastöð-
um í innanverðum Fellum. Þar var mikið gróðursett
á fyrstu árum Héraðsskóga. Þar skoðuðum við sér-
staklega birkitilraun frá 1994 með nokkrum innlend-
um kvæmum af ilmbjörk og allmörgum skandinav-
ískum kvæmum af ilmbjörk og vörtubirki og var þar
margt áhugavert að sjá. Dagur var að kveldi kominn.
Frá Skógargerði í Skriðdal
Næsta dag var haldið snemma af stað. Veður var
áfram svipað. Við keyrðum sem leið lá út Fellin og
stoppuðum í Skógargerði, ystu jörð í Fellum. Þar
hófst skógrækt rétt fyrir 1990 og hefur verið gróður- Ekkjufell, alaskaösp og sitkagreni gróðursett 1999.
Strönd, vörtubirki, kvæmi Kittilä, gróðursett 1993.