Bókatíðindi - nov. 2025, Side 24

IB RAF
Sólgos
Höf: Arndís Þórarinsdóttir
Unnur er að undirbúa sig fyrir fyrsta ballið í 10.
bekk þegar rafmagnið fer, allt síma- og netsamband
dettur út og farartæki stöðvast. Ísland verður
algjörlega sambandslaust við umheiminn. Leikreglur
samfélagsins breytast á örfáum dögum og ógnin
verður helsti gjaldmiðillinn. Mitt í upplausninni má þó
finna samstöðu, samkennd og heitar tilfinningar.
151 bls.
Forlagið - Mál og menning
IB RAF
Sól rís á sláttudegi
Höf: Suzanne Collins
Þýð: Magnea J. Matthíasdóttir
Fimmta bókin í röðinni um Hungurleikana, sagan
af Haymitch, er ógleymanleg. Ótti grípur um sig í
Panem þegar fimmtugustu Hungurleikarnir renna upp.
Þegar leikar hefjast uppgötvar Haymitch að honum
er ætlað að mistakast. En eitthvað innra með honum
vill berjast. Kvikmynd áætluð í nóvember 2026.
460 bls.
Forlagið - JPV útgáfa
IB
Sögurnar okkar
11 norrænar smásögur
Höf: Ýmsir höfundar
Í þessari bók má finna fjölbreyttar smásögur
fyrir börn og ungmenni eftir eftirtektarverða
höfunda frá Norðurlöndunum. Sögurnar fjalla
allar á einn eða annan hátt um vináttu, samskipti
og allar þær margvíslegu tilfinningar sem fylgja
því að vaxa úr grasi. Lóa Hlín Hjálmtýsdóttir
skrifar framlag Íslands í bókina.
160 bls.
Salka
IB
Ævintýri fyrir ofurhetjur - Morðtrúðarnir
Höf: Elias Vahlund og Agnes Vahlund
Þýð: Ingunn Snædal
Glæný sería með Rauðu grímunni! Dularfullir
atburðir eiga sér stað á Rósahæð! Nótt eftir nótt
brjótast hræðilegir trúðar inn hjá fólki. Þeir binda
fjölskyldurnar og líma fyrir munninn á þeim
en yfirgefa svo staðinn án þess að stela neinu.
Innbrotsþjófarnir eru kallaðir „morðtrúðarnir.“
64 bls.
Drápa
IB
Lífsins blóð
Saga úr sagnabálkinum Hvísl hrafnanna
Höf: Malene Sølvsten
Þýð: Ragnar Hauksson
Þegar á 18. öld er Elias nálægt því að afhjúpa
leyndarmál guðanna. En Óðinn vill ekki deila valdi
sínu og í refsingarskyni drepur hann fjölskyldu
Eliasar. Spámaður segir Eliasi að það sé til framtíð
og bætir við: „Finndu þann sem ræður yfir
tímanum.“ En þegar Elias gerir það breytist allt og
hann stendur frammi fyrir erfiðum valkosti.
339 bls.
Ugla
KIL RAF HLB
Loforðið
Höf: Hrund Þórsdóttir
Loforðið var valin besta sagan í samkeppninni
um Íslensku barnabókaverðlaunin 2007. Hún
lýsir á einstakan hátt þeim tilfinningum sem
bærast með ellefu ára stelpu sem verður fyrir því
að missa bestu vinkonu sína. Sagt er frá vináttu
stelpnanna, áfallinu og söknuðinum, og síðast en
ekki síst litla skrýtna lyklinum og loforðinu.
134 bls.
Forlagið - Vaka-Helgafell
IB
Silfurberg
Höf: Sesselía Ólafs
Þegar Berglind fer í útilegu með vinkonum sínum
órar hana ekki fyrir því að duldir kraftar hennar
muni vakna úr dvala og leiða hana inn í framandi
veröld. Í Hásteinum, höfuðborg Álfheima, búa
ljósálfarnir sig undir stríð. Svartálfadrottningin
hefur ráðist á hvert vígið af öðru og nú steðjar
hættan einnig að Mannheimum.
412 bls.
Bókabeitan
IB RAF
Silfurgengið
Höf: Brynhildur Þórarinsdóttir
Sirrýlei planar 15 ára afmælispartí þegar
foreldrar hennar verða í útlöndum. En ýmsar
hindranir eru í veginum og í þokkabót velur hún
nördalegasta áfangann í skólanum og lendir þar
með undarlegum krökkum eins og nýja stráknum
með skrýtna nafnið og skyrhárið. Silfurgengið er
grípandi saga um vináttu og óvænt örlög.
268 bls.
Forlagið - Mál og menning
IB
SkuldaDagur
Höf: Bergrún Íris Sævarsdóttir
Myndh: Sigmundur B. Þorgeirsson
Blóðþyrstu unglingarnir Dagur og Ylfa snúa aftur
í æsispennandi, bráðfyndinni og sjóðheitri sögu.
Hver er dr. Argus og hvað hafa dularfull samtök
lækna og vísindamanna í hyggju fyrir Norðurlöndin?
Getur Dagur hamið hungrið nógu lengi til þess
að bjarga Ylfu? – og af hverju þarf hann alltaf að
fá standpínu á verstu mögulegu stundu?
136 bls.
Bókabeitan
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort24
Unglingabækur  SK ÁLDVERK
Gefum
börnum
bækur