Bókatíðindi - nov 2025, Qupperneq 42

KIL
Englatréð
Höf: Lucinda Riley
Þýð: Herdís Magnea Hübner
Þrjátíu ár eru liðin síðan Greta yfirgaf Marchmont
Hall og fallegar hæðirnar í Monmouthshire. Í
aðdraganda jóla snýr hún loks aftur. En Greta man
ekki fyrri tengsl sín við húsið. Það er afleiðing
skelfilegs slyss sem hefur eyðilagt meira en tvo
áratugi af lífi hennar. Grípandi fjölskyldusaga eftir
metsöluhöfund bókaflokksins um systurnar sjö.
598 bls.
Benedikt bókaútgáfa
KIL
Eyja
Höf: Katrine Engberg
Þýð: Friðrika Benónýsdóttir
Jeppe Kørner er í leyfi á eyjunni Borgundarhólmi og
Anette Werner er því einni falið að stýra rannsókninni
á sundurlimuðu líki sem fannst í tösku grafinni
í jörð á leikvelli í miðbænum. Rithöfundurinn
Esther de Laurenti kemur við sögu og brátt kemur
Jeppe líka til skjalanna og við tekur rannsókn á
ískyggilegu leyndarmáli sem á rætur í fortíðinni.
355 bls.
Ugla
SVK
Ég er annar
Sjöleikurinn III-V
Höf: Jon Fosse
Þýð: Hjalti Rögnvaldsson
Önnur bókin af þremur í stórvirki norska
Nóbelshöfundarins. Sjöleikurinn er magnþrungið
verk um baráttuna við að rata rétta leið í lífinu og
bregður jafnframt upp lýsandi myndum af aðstæðum
og tíðaranda í norsku samfélagi á liðinni öld.
351 bls.
Dimma
KIL RAF
Diplómati deyr
Höf: Eliza Reid
Þýð: Magnea J. Matthíasdóttir
Fyrsta skáldsaga Elizu Reid, fyrrverandi forsetafrúar,
er spennandi og listilega fléttuð glæpasaga þar
sem leyndarmálin eru afhjúpuð hvert af öðru.
Morð er framið í miðjum hátíðarkvöldverði
kanadískra diplómata í Vestmannaeyjum. Ýmsir
liggja undir grun og sendiherrafrúin ákveður
að rannsaka málið upp á eigin spýtur.
304 bls.
Forlagið - Vaka-Helgafell
KIL RAF
Djöflarnir
Höf: Fjodor Dostojevskí
Þýð: Ingibjörg Haraldsdóttir
Hvað ef maðurinn missir trúna, hafnar Guði og gefur
sig djöflum á vald? Djöflarnir eru spásögn um örlög
Rússlands á 20. og 21. öld, kristalskúla sem sagði fyrir
um rússnesku byltinguna og það verk Dostojevskís
sem á einna brýnast erindi við okkur í dag.
880 bls.
Forlagið
IB
Don Juan
sextán kviður
Höf: Lord Byron
Þýð: Jón Erlendsson
George Gordon Byron (1788-1824) er eitt virtasta
skáld Breta fyrr og síðar og eru kviðurnar um Don
Juan það framlag hans til heimsbókmentanna sem
hvað glæsilegast þykir. Don Juan er piltur af spænskum
lágaðli alinn upp af strangri og siðavandri móður.
Eftir að hafa valdið safaríku hneyksli á heimaslóð
er hann sendur úr landi sér til betrunar.
Sögur útgáfa
KIL
Einleikur
Höf: Jesper Stein
Þýð: Ólafur Arnarson
Axel Steen er orðinn yfirmaður öryggismála hjá
alþjóðlegum fjárfestingabanka. Hann undirbýr
sumarfrí með eiginkonu sinni og dóttur þegar
honum er falið að reka svo lítið beri á mann sem
uppvís er að fjárdrætti og án þess að lögreglan verði
kölluð til. Þá fer í gang atburðarás í heimi þar sem
peningar drottna og þögnin er gulls ígildi.
442 bls.
Krummi bókaútgáfa
KIL
Ekki er allt sem sýnist
Höf: Stefan Ahnhem
Þýð: Elín Guðmundsdóttir
Carl og Helene þráðu að komast i langt frí til að
endurnýja sambandið. Þau fundu á netsíðum
draumahús í Kaliforníu og höfðu húsaskipti við
par sem vildi dvelja sumarlangt í einbýlishúsinu
þeirra í sænska skerjagarðinum. En þegar þau
koma til Kaliforníu bregður þeim í brún. Þetta var
ekki húsið sem þau höfðu hrifist af á netinu.
439 bls.
Ugla
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort42
Skáldverk  ÞÝDD
Það er gott að lesa sjálfur og
gaman að ræða bækur við aðra.
Undirbúningur fyrir bókaspjall.
Drögum saman og endursegjum
með eigin orðum:
• sagan er einkum um
• það sem mér finnst mikilvægast
og áhugaverðast er