Bókatíðindi - nov. 2025, Side 70

GOR
Söngvasveigur 19
Fyrir allt sem fagurt er
Kórtónlist eftir John Rutter með íslenskum og enskum
textum
Höf: John Rutter
Kórtónlist Johns Rutter nýtur mikillar hylli um
allan heim enda ægifögur og melódísk. Í bókinni
eru þekktustu lög hans en einnig nýrri, s.s. eins og
lagið sem hann samdi fyrir hjónavígslu Vilhjálms
prins og Katrínar í Westminster Abbey árið
2010. Fimm jólalög eru í bókinni. Bókin er sú
nítjánda í tónlistarröðinni Söngvasveigur.
130 bls.
Skálholtsútgáfan - Kirkjuhúsið
SVK
Iceland and Greenland
A Millennium of Perceptions – A Thousand Years of
Myth, Mystery, and Imagination
Höf: Sumarliði R. Ísleifsson
Þýð: Júlían Meldon D‘Arcy og Arnanguak Lyberth
Bókin varpar ljósi á hvernig Ísland og Grænland
hafa verið túlkuð af umheiminum á liðnum
öldum í máli og myndum, allt frá miðaldaritum
til samtímafjölmiðla. Í bókinni er fjallað um
hvernig þessi tvö lönd voru ýmist dásömuð eða
fordæmd, sem ill eða góð og allt þar á milli.
303 bls.
Sögufélag
IB
Mynd & hand
Skólasaga 1939–1999
Höf: Davíð Ólafsson og Arndís S. Árnadóttir
Ritstj: Æsa Sigurjónsdóttir, Sumarliði R. Ísleifsson
og Kristín Svava Tómasdóttir
Mndrtstj: Hjálmtýr Heiðdal
Sextíu ára saga Myndlista- og handíðaskóla
Íslands, allt frá því að skólinn tók til starfa í fjórum
geymsluherbergjum í kjallara við Hverfisgötu
árið 1939 undir nafninu Handíðaskólinn
og þar til hann var lagður niður samhliða
stofnun Listaháskóla Íslands árið 1999.
405 bls.
Sögufélag
IB RAF
Piparmeyjar
Fröken Thora og saga einhleypra kvenna á Íslandi
Höf: Sigríður Kristín Þorgrímsdóttir
Hvaða augum leit fólk piparmeyjar og hvaða augum
litu þær sig sjálfar? Höfðu þær raunverulegt val í
lífinu? Fróðlegt og aðgengilegt sagnfræðirit byggt á
metnaðarfullri rannsókn á ævi og kjörum einhleypra,
íslenskra kvenna á umbrotatímum í kvennasögunni.
Í aðalhlutverki er heillandi safn einkabréfa
Reykjavíkurstúlkunnar Thoru Friðriksson.
542 bls.
Forlagið - Mál og menning
TÍM
Saga
Tímarit Sögufélags LXIII: 1 og 2, 2025
Ritstj: Kristín Svava Tómasdóttir og Vilhelm
Vilhelmsson
Tímaritið Saga kemur út tvisvar á ári, vor og
haust. Efni þess tengist sögu og menningu landsins
í víðum skilningi. Ritrýndar greinar og viðhorf
mynda stærstu efnisþætti tímaritsins. Í Sögu birtast
einnig ritdómar og ritfregnir um nýjar bækur er
varða sögu, einkum Íslandssögu, og annað efni af
sagnfræðilegum toga. Ómissandi öllu áhugafólki.
Sögufélag
Sagnfræði og
trúarbrögð
KIL
1453
Hið heilaga stríð um Konstantínópel og átökin milli
Íslams og Vesturlanda
Höf: Roger Crowley
Þýð: Júlíus Sólnes
Þetta höfuðverk breska sagnfræðingsins
Rogers Crowley segir frá atburðum og átökum
sem marka endalok miðalda og hafa enn
áhrif á sögu mannkyns. Bókin birtist hér í
vandaðri þýðingu Júlíusar Sólness.
292 bls.
Bókaútgáfan Sæmundur
KIL
Ástand Íslands um 1700
Lífshættir í bændasamfélagi – Kilja
Höf: Árni Daníel Júlíusson, Björgvin Sigurðsson,
Guðmundur Jónsson, Ingibjörg Jónsdóttir, Ófeigur
Sigurðsson og Sigríður Hjördís Jörundsdóttir
Ritstj: Guðmundur Jónsson
Hvernig var að búa á Íslandi á tímum
bændasamfélagsins, landi bænda og sjómanna,
höfðingja og almúgamanna? Í bókinni er lýst
lífsháttum Íslendinga í upphafi 18. aldar og fjallað um
fjölskyldur og heimili; jarðir, byggðaskipan og búsvæði;
lífskjör þjóðfélagsstétta; fátækt og ríkidæmi.
442 bls.
Sögufélag
KIL
Dagur þjóðar
Þróun 17. júní hátíðarhalda á 19. og 20. öld
Höf: Páll Björnsson
Í þessari nýstárlegu bók er sýnt fram á hvernig 17.
júní varð að þjóðhátíðardegi Íslendinga snemma á 20.
öld, m.a. fyrir tilstilli sjálfstæðishreyfingar þess tíma,
félaga í UMFÍ og ÍSÍ, auk verkalýðshreyfingarinnar
og atvinnurekenda. Með þátttöku sinni gerði
alþýða manna 17. júní að degi þjóðar án þess
að yfirvöld tækju ákvörðun þar um.
240 bls.
Sögufélag
KIL
Farsótt
Hundrað ár í Þingholtsstræti 25 – Kilja
Höf: Kristín Svava Tómasdóttir
Þetta er saga um sjúkdóma, lækningar og tilraunir
til að vernda samfélagið gegn sóttum. Þetta er saga
borgar og velferðarkerfis en ekki síst saga af fólki.
Aðalpersónan er þó gamla timburhúsið sem byggt
var árið 1884 sem fyrsta sjúkrahús Reykvíkinga.
Síðar var það gert að farsóttaspítala, geðsjúkrahúsi
og seinast gistiskýli fyrir heimilislausa.
350 bls.
Sögufélag
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort70
Sagnfræði og trúarbrögð
  Sagnfræði og trúarbrögð