Morgunblaðið - 12.09.1986, Blaðsíða 29
MORGUNBLAÐIÐ, FÖSTUDAGUR 12. SEPTEMBER 1986
29
AKUREYRI
Prentverk Odds Björnssonar:
að sögn Svavars Ottesen útgefanda
BÓKAÚTGÁFAN Skjaldborg gefur út sautján bækur á þessu ári.
Að sögn Svavars Ottesen útgefanda hefur markmið Skjaldborgar
ávallt verið að sinna norðlenskum skáldum og rithöfundum. „Þetta
breytist ekki,“ sagði Svavar. „En nú hefur stærsti hluthafi fyrirtækis-
ins, Bjöm Eiríksson, flutt suður og sett á fót skrifstofu okkar í
Reykjavik. Við vonumst til þess að geta sinnt stærsta markaði lands-
ins betur í framtíðinni, og reykvískir höfundar sjái sér hag í því
að skipta við útgáfuna.“
Skjaldborg gefur út níu bækur
eftir íslenska höfunda í ár. „Ég
drekk ekki í dag“ nefnist skáldsaga
Auðuns Blöndal. Að sögn Svavars
er þetta áhrifamikil saga sem lýsir
lífí alkóhólista, en höfundurinn
þekkir vandamálið af eigin raun.
Birgitta H. Halldórsdóttir ritar
einnig nýja skáldsögu, „í greipum
elds og ótta“. Næst ber að nefna
ljóðabókina „Dreifar af dagsláttu"
sem er úrvalsrit ljóða Kristjáns frá
Djúpalæk. Hann varð sjötugur í
sumar. Einnig hefur Ingóifur Gunn-
arsson safnað kvæðum þekktra og
óþekktra hagyrðinga í bókina „Ey-
firsk kvæði og vísur“.
„Aldnir hafa orðið“ er orðið eitt
stærsta ritsafn hér á landi og bæt-
ist 15. bindið við í ár. Hefur
höfundurinn, Erlingur Davíðsson,
þá ritað viðtalsþætti við 105 manns.
Viðtalsþættir Þorsteins Matthías-
sonar rithöfundar, sem margir
hverjir hafa verið fluttir í útvarp,
verða prentaðir í bókinni „í annríki
fábreyttra daga“. Þá nefndi Svavar
bækumar „Með reistan makka“,
6. bindi sagna af hestum, og „Göng-
ur og réttir", 4. bindi, aukið og
bætt. Er þar um að ræða endurút-
gáfu.
Bamabækur Skjaldborgar verða
fimm, allar eftir íslenska höfunda.
Indriði Úlfsson skólastjóri bætir enn
við ritsafn sitt með bókinni „Litlu
prakkararnir". Dóra Stefánsdóttir
skrifar framhald sinnar bókar og
nefnist það „Breiðholtsstrákur í
vetrarvist". Marínó L. Stefánsson
hefur skrifað sögu sem heitir „Dísa
í Dunhaga" og er það fimmta bók
hans. Tveir höfundanna bregða
stílvopninu í fyrsta skipti, Jóhann
Ævar Jakobsson skrifar og mynd-
skreytir bókina „Afi sjóari“ og
Ragna Steinunn Eyjólfsdóttir skrif-
ar „Bamaheimilið", sem nýlega var
flutt í útvarp. *■
„Viðsjál er vagga lífsins" heitir
ný bók eftir Mary Higgins Clark.
Aðrar erlendar bækur sem Skjald-
borg gefur út í ár em „Harper í
tvísýnu tafli" eftir Marcus Aylward
og skáldsaga eftir Jackie Collins
sem hefur ekki hlotið íslenskt nafn.
Að lokum vildi Svavar nefna
framtíðaráform Skjaldborgar, sem
er að gefa út bókaflokk undir nafn-
inu „Eyflrskur fróðleikur og
gamanmál". Verður bók Ingólfs,
„Eyfirsk kvæði og vísur“, fyrsta ^
bindið í flokknum. „Hugmyndin
með þessari útgáfu er fyrst og
fremst sú að bjarga frá glötun
ýmsu því sem til er í handriti af
kvæðum, vísum, sögum og sögnum
af Norðurlandi, sem ekki hefur
komið út á prenti,“ sagði Svavar
Ottesen bókaútgefandi.
Morgunblaðið/Benedikt Stefánsson
Frá afhendingu verðlauna á Bautamótinu, f.v. Bjöm Arason einn eigandi Bautans, Ami Jónsson sem var
í öðm sæti, Konráð Gunnarsson sigurvegari, Þórarinn Jónsson sem varð þriðji og Hallgrímur Arason
einn eigenda Bautans.
Sjallinn vann Bautabikarinn
GOLFMÓT Bautans er nú orðinn
árlegur viðburður. A mánudag-
inn öttu kappi á golfvellinum
kylfingar af báðum kynjum og
úr öllum styrkleikaflokkum. Attu
þeir það eitt sameiginlegt að
vinna við fjölmiðla bæjarins,
ferðamannaþjónustu eða á veit-
ingahúsum. Sigurvegari með
fullri forgjöf varð Konráð Gunn-
arsson, Sjálfstæðishúsinu, og er
hann handhafi „Bautabikarsins".
Konráð fór 18 holur á 67 högg-
um. Páll Pálsson og Ami Jónsson
komu næstir með 68 högg.
í kvennaflokki sigraði Inga
Magnúsdóttir á 76 höggum. Ámý
Ámadóttir fór brautina á 80 högg-
um og hlaut önnur verðlaun.
Konráð varð líka sigurvegari móts-
ins án forgjafar og telst hafa leikið
á 74 höggum. Ámi Jónsson fylgdi
í kjöifarið með 76 högg og Þórarinn
Jónsson varð þriðji með 82 högg.
Veðrið lék við keppendur á mánu-
dagmn, solin skein Og hægur Morgunblaðið/Benedikt Stefánsson
andvari gerði breiskjuhitann þolan- Inga Magnúsdóttir sem sigraði I kvennaflokki og Hallgrimur Arason
legri. sem afhenti verðlaunin.
Eyjafjörður:
Fjölmennt sjóstangaveiðimót
ÖRN Andrésson varð aflahæsti
einstaklingur i móti Sjóstanga-
veiðifélags Akureyrar sem
haldið var á Eyjafirði 5. til 6.
september sl. Afli hans var tæp-
lega 43,9 kg. Þátttakendur í
mótinu vom 62 talsins og veiddu
þeir af 14 bátum.
Að sögn Páls Pálssonar, for-
manns félagsins, hófst keppnin kl.
7:00 á föstudagsmorgun. Veiði-
mennimir lögðu upp frá Dalvík.
Aflanum var landað kl. 15:00. Hald-
ið var út á sama tíma morguninn
eftir og komið að landi kl. 14:00.
Um kvöldið var síðan verðlaunaaf-
hending og veisla í Alþýðuhúsinu.
Aflahæsta sveitin sem tók þátt í
mótinu var skipuð karlmönnum.
Fyrirliði var Bogi Sigurðsson úr
Vestmannaeyjum. Sigrún Harðar-
dóttir frá Akureyri leiddi sigursveit
kvenna. Hún varð líka aflahæsta
konan í mótinu, með 28,7 kg. Skip-
stjóri aflahæsta bátsins, Búa, var
Stefán Stefánsson. Þess má geta
að keppendur drógu a.m.k. 8 mis-
munandi fiskitegundir úr sjó, þorsk,
ýsu, ufsa, karfa, steinbít, lúðu, lýsu
og marhnút.
Fimm titlar um jólin
PRENTVERK Odds Björnssonar hefur ákveðið hveijar verða*
jólabækur forlagsins í ár. Titlarnir eru fimm, auk endurprentunar
á barnabókum. Að sögn Geirs S. Björnssonar er þetta nokkur fækk-
un frá síðasta ári. „Bókaútgáfa okkar hefur alltaf tekið mið af
verkefnum prentsmiðjunnar. Hún hefur haft nóg að gera í ár, og
því verða titlarnir færri,“ sagði Geir.
Prentverkið gefur út fjórar bæk- er Kristján Róbertsson. Einnig
ur eftir íslenska höfunda. Fyrst ber
að telja skáldsögu eftir Ingibjörgu
Sigurðardóttur, „Beggja skauta
byr“. Þetta er ástarsaga, eins og
fleiri bækur Ingibjargar. Ein minn-
ingabók kemur út fyrir jólin,
Norður-Þingeyingurinn Þórarinn
E. Jónsson minnist ævi sinnar í
„Minningar frá Leirhöfn". Tvær
jólabókanna tengjast íslendingum
sem héldu vestur um haf. Sú fyrri,
„Gekk ég yfir sjó og land“, fjallar
um þá Islendinga sem fluttust til
Utah og gerðust mormónar, á árun-
um 1850-1918. Höfundur hennar
kemur út fimmta bindi „Vestur-ís-
lenskra æviskráa" eftir Jðnas
Thordarson.
Þýddu skáldsögumar í ár eru
„Hyldýpi", spennusaga eftir Stuart
Woods um ferðir rússneskra kaf-
báta við strendur Svíþjóðar, og bók.
eftir Sidney Sheldon sem hefur
ekki enn hlotið nafn.
Að lokum sagði Geir að „Depils-
bækurnar", sem ætlaðar eru yngstu
kynslóðinni, verði endurútgefnar
fyrir þessi jól. Þær eru nú uppseld-
ar.
Verksmiðjuhús Sæplasts á Dalvík:
Híbýli átti lægsta tilboðið
HIBYLI hf. á Akureyri áttu
lægsta tilboð í smíði verksmiðju-
húss fyrir Sæplast hf. á Dalvík,
en tilboð í verkið voru opnuð í
fyrradag. Fjögur tilboð bárust.
Kostnaðaráætlun Verkfræði-
stofu Sigurðar Thoroddsen hljóðaði
upp á 21 milljón 331 þúsund og
940 krónur. Tilboðin sem bámst
voru frá Norðurverki, Aðalgeiri og
Viðari og Híbýlum, sem öll em á
Akureyri, og auk þess sameiginlegt
tilboð frá Tréveri og Tréverki á
Dalvík.
Lægsta tilboðið í verkið var eins
og áður sagði frá Híbýlum og hljóð-
aði það upp á 20.528.646. Það em
96% af áætlun. Næstlægsta tilboðið
kom frá dalvísku fyrirtækjunum
tveimur — það var 21.876.543, eða
102,6%. Þá kom tilboð Norðurverks
sem var 21 398.506, sem er 102,7%
og hæsta tilboð áttu Aðalgeir og
Viðar: 22.985.175 sem er 107,8%.
Það sem vinna skal samkvæmt
þessu útboði er að steypa upp hús-
ið, setja á það þak, einangra og
klæða, ganga frá lóð og malbika
bílastæði. Einnig á að ganga frá
innihurðum, milliveggjum, raflögn-
um, ljósum, hitalögnum, loftræst-
ingu og þrýstilögnum. Verkinu skal
lokið um miðjan júnímánuð á næsta
ári.
Akureyri:
30% færri
atvinnulaus-
ir en I fyrra
Akureyri.
SEXTIU og fimm Akureyringar
voru skráðir atvinnuiausir um
síðustu mánaðamót. Tuttugu og
fimm þeirra voru karlar en fjör-
utíu konur. Á sama tíma i fyrra
voru 90 skráðir atvinnulausir,
jafnt af báðum kynjum.
Samkvæmt útreikningum vinnu-
miðlunarskrifstofunnar voru skráð-
ir 1.050 heilir atvinnuleysisdagar í
ágústmánuði, sem svarar til þess
að 50 bæjarbúar hafi verið atvinnu-
lausir allan mánuðinn. í ágúst á
síðasta ári voru skráðir 1511 heilir
atvinnuleysisdagar.
Skjaldborg gefur út 17 bækur:
Skrifstofa fyrir sunn-
an liður í markaðssókn
Sveit Braga Sigurðssonar frá Vestmannaeyjum var í fyrsta sæti á
sjóstangaveiðimóti í Eyjafirði. F.v. Arnþór Sigurðsson, Lárus Einars-
son, Örn Andrésson og Bogi Sigurðsson.
Sigursveit kvenna var frá Akureyri, f.v. Helga Sigfúsdóttir, Sólveig
Erlendsdóttir, Svandis Gunnarsdóttir og Sigrún Harðardóttir, liðs-
stjóri.