Morgunblaðið - 31.03.1987, Blaðsíða 21

MORGUNBLADID, ÞRIÐJUDAGUR 31. MARZ 1987
Vegna skrifa Braga
um Ganginn
eftirHelga Þorgils
Friðjónsson
Vegna greinar Braga Ásgeirs-
sonar þann 24. mars, skrifa ég smá
athugasemdir og skýringar á því
hvemig Gangurinn varð til.
Bragi hefur áður skrifað um
Ganginn eins og hann segir í grein-
inni og þá mjög á sömu nótum og
nú, þ.e.a.s. gefur í skyn að galleríið
sé rekið í því skyni að fá að komast
í erlend listtímarit o.s.frv. Ég hélt
að Bragi kæmi ekki aftur enda var
svo að skilja á fyrri greininni að
lítið væri þangað að sækja, en hið
tælandi nafn Doriana Chiarini og
boðskortið fékk hann þó til þess að
heimsækja galleríið aftur og
leigubíll beið uti fyrir á meðan.
Myndimar voru að vísu ekki grafík-
myndir eins og hann segir, heldur
vatnslitamyndir. Rétt er það, að
myndimar lágu upp að veggnum á
gólfinu, þar sem ég var búinn að
vera í stökustu vandræðum með að
láta þær tolla á veggnum, vegna
þess að þær em stórar og þungar.
Því miður get ég ekki upplýst neitt
um Doriana Chiarini, þar sem ég
þekki hana ekki neitt. Hún er ein
af þeim tiltölulega fáu sem hefur
beðið um að fá að sýna í Ganginum
án þess að ég þekkti hana fyrir.
Ekki held ég því fram að uppheng-
ingarmátinn í galleríinu sé eitthvað
nýmóðins, enda hefur hann að
minnsta kosti 7 ára reynslu í Gang-
inum, og upphaflega stefnan var
sú að allur kostnaður væri í lág-
marki, meðal annars hafa lista-
mennirnir sjálfir séð um að prenta
sín boðskort þegar um það hefur
verið að ræða.
Ekki hef ég boðið Braga eða
öðmm gagniýnendum sérstaklega
til að koma að skoða sýningamar
í Gar.ginum, þó þeir séu að sjálf-
sögðu velkomnir, heldur hef ég
sinnt þeirri sjálfsögðu kurteisi að
Stjórn Sölufélags
Austur-Húnvetninga:
Staðið verði
við samninga
um verðlagn-
ingu á ull
STJÓRN Sölufélags Austur-
Húnvetninga á Blönduósi (SAH)
hefur sent frá sér ályktun þar
sem meðal annars er skorað á
stjórnvöld að standa við sam-
komulag bænda, ríkisins og
ullariðnaðarins um verðlagningu
ullar.
Harmar stjómin þann farveg sem
þessi mál hafa farið í undanfama
daga og bendir á eftirfarandi:
* Mjög lágt verð greitt til framleið-
enda við móttöku ullar, sem síðustu
mánuði hefur ekki numið sömu
upphæð pr. kg. og niðurgreiðslur
frá ríkissjóði hafa verið til verk-
smiðjanna.
* Óhóflega langur tími liðið frá
móttöku ullar til fullnaðarskila á
verði, svo umtalsvert frávik hefur
orðið frá skráðu verði til lokaverðs.
* Einhliða ákvörðun verksmiðjanna
að hætta móttöku á ull í síðasta
mánuði er að dómi stjómar SAH
harkaleg ákvörðun og ekki veij-
andi, því framleiðendur hafa ekki
möguleika á að geyma ull er fellur
til við vetrarrúning og aðrir kaup-
endur ekki fyrir hendi.
Stjómin skorar á stjóm Stéttar-
sambands bænda að leita allra leiða
til að kippa þessum málum strax í
lag, þannig að bændur fái það verð
fyrir þessa framleiðslu sem þeir
eiga rétt á samkvæmt gildandi
verðlagsgrundvelli.
senda inn smá fréttatilkynningar
þegar erlendir listamenn sem ekki
sýna hér dags daglega hafa verið
með sýningar, en íslensku lista-
mennirnir hafa sjálfir ákveðið
hvernig þeir standa að sínum kynn-
ingum. Á þessu er ein undantekning
þegar ég talaði við einn listfræðing
haustið 1980 um sýningu Martin
Disler, fyrstu erlendu sýninguna í
Ganginum, sem var á sama tíma
og svokölluð framtíðarsýning á
Feneyjarbiennalnum, sem gerði
þennan listamann heimsfrægan
ásamt nokkrum öðrum svokölluðum
nýmálurum. Listfræðingurinn kom
ekki, en sendi ljósmyndara á staðinn
og lét ljósmynd fylgja með fréttatil-
kynningunni. Ég talaði líka við
mann í innkaupanefnd Listasafns
íslands, en þar virtist enginn áhugi.
Þarna hefði Listasafnið getað §ár-
fest, því þessar myndir voru mjög
ódýrar á þessum tíma, en hafa nú
margfaldast í verði. Mörgum fannst
þetta lítið spennandi myndir þá, en
nú er sagan önnur, þegar ég sýni
þær þijár myndir sem ég á frá þess-
ari sýningu.
Þama var ég ákaflega bjartsýnn,
nýkominn frá námi og ánægður
með að eiga þess kost að sýna
myndlistarmenn sem mér þýkja
góðir hvort sem þeir eru íslendingar
eða útlendingar.
Fyrsta sýningin í Ganginum var
í janúar 1980 og var það Hreinn
Friðfinnsson sem opnaði, ef til vill
bauð ég honum vegna þess að hann
rak samsvarandi gallerí í Amster-
dam, og fleiri þekki ég sem hafa
verið með svipuð gallerí, auk þess
sem hann er einn af okkar betri
listamönnum. Ekki ætlaðist ég til
að þetta yrði frægt gallerí, hvorki
á heimaslóðum né erlendis, heldur
var það vegna þess að gangurinn
í því húsnæði sem ég bjó í þá var
hátt í það að vera eins stór og minni
galleríin í Evrópu, og einnig það
að myndlistina þykir mér mjög
vænt um. Einnig var það varðandi
erlendu sýningamar, að gaman
væri að fá að sjá þessa myndlist
hér á íslandi á þeim tíma sem mestu
hræringamar stæðu yfir, til að efia
blóðstreymi ungra listamanna hér
heima. Enda hefur galleríið veitt
Helgi Þorgils Friðjónsson
„Ekki ætlaðist ég til að
þetta yrði frægt gallerí,
hvorki á heimaslóðum
né erlendis.“
mér margar ánægjustundir og
skapað umræður í kunningjahópn-
um.
Það er rétt hjá Braga, að senni-
lega hefur Gangurinn verið best
kynntur með mynd Helmuts Fed-
erle sem heitir „H. Fridjonsson New
Corridor", en auðvitað réði ég engu
til um nafngiftina, og held ég að
hvorki mér né Helmut hafi dottið
það í hug að þessi mynd yrði notuð
sem eins konar tákn fyrir nýflatar-
listina. Sýning Helmuts Federle í
Ganginum var löngu áður en nafn
hans fór að birtast í listtímaritum
og reyndar kynntist ég honum fyrst
á þeirri sýningu, en hann hafði
beðið um að fá að sýna, þar sem
hann hafði heyrt um galleríið hjá
Martin Disler og John M. Armled-
er. Önnur mesta auglýsing fyrir
galleríið, og sem ég hef engu ráðið
um, er að þessir þrír listamenn
ásamt öðrum birta nafn þess í sýn-
ingarupptalningum. Heyrt hef ég
einnig, að Martin Disler hafi sagt
mörgum að hann meti galleríið
vegna þess að þetta sé eitt fyrsta
erlenda galleríið sem sýndi verk
hans. Ég hef alltaf skýrt það vel
út fyrir listamönnunum (sem ég
þekki flesta vel fyrir) hvemig gall-
erí þetta sé, að hingað komi ekki
þeir sem stjórni menningunni hér á
landi, og oftast sé einungis um fáa
góða kunningja að ræða.
Ég get að lokum glatt Braga
með því að segja að ég veit ekki
til þess að um Ganginn hafi verið
fjaliað sérstaklega í erlendum lista-
tímaritum, heldur birtist nafnið
öðm hvom eins og norðlægur
dra.ugur meðal nafna Evrópugall-
ería.
Með kærri þökk.
Höfundur er myndlistarmaður.
AXIS
MEÐ ALLT A
SÍNUM STAÐ
Axis fataskápurinn er sérlega
stílhreinn og fallegur. Hvítar
innréttingar gefa skápnum nýtt
og ferskt útlit og Durolin-
klæðningin auðveldar þrif. Þú
kemur öllu á sinn stað í Axis
skápinn.
Með nýrri framleiðslutækni
hefur okkur tekist að iækka
verðið á skápunum um 10%.
AXIS
Smiðjuvegi 9, Kópavogi,
sími (91)43500.