Morgunblaðið - 31.03.1987, Blaðsíða 35
MORGUNBLAÐIÐ, ÞRIÐJUDAGUR 31. MARZ 1987
35
Bretland:
För Kinnocks
til Washington
misheppnuð
Saint Andrews. Frá Guðmundi Heiðari Frímannssym, fréttantara Morgunblaðsins.
NEIL Kinnock, leiðtogi Verka-
mannaflokksins, átti fund með
Reag-an sl. föstudag. Frásögnum
Hvíta hússins og Kinnocks ber
ekki saman af fundinum.
Kinnock sakaði Hvita húsið í gær
um að gefa villandi lýsingu á
fundinum til að skaða Verka-
mannaflokkinn.
Reuter
Fánaúr
Svissneskur listamaður, Sily-
an Baer að nafni, gerðiu sér
það til dundurs að stinga nið-
ur 6740 flöggum í brekku
einni nærri Ziirich og útkom-
an var risastórt úr. Er úrið
44 metrar á hæð en þrátt fyr-
ir stærðina eru ekki mikil not
af því þar sem það gefur rétt-
an tíma aðeins tvisvar á
sólarhring.
Neil Kinnock og Dennis Healey,
talsmaður flokksins í utanríkismál-
um, ásamt sendiherra Breta í
Washington, áttu fund með Reagan
og helstu ráðherrum hans í Hvíta
húsinu á föstudag. Leiðtogi Verka-
mannaflokksins vildi kynna Banda-
ríkjaforseta stefnu flokksins í
öryggis- og varnarmálum. Hann
lagði áherslu á það, að kæmist
flokkurinn í stjórn, yrði ekki hróflað
við bandarískum Kjarnorkuflaugum
í Bretlandi á meðan enn stæðu yfir
samningar, og að Verkamanna-
flokkurinn styddi NATO.
Sú stefna flokksins að leggja nið-
ur kjarnorkuvopn þýddi einungis
að meira fé yrði varið til endurnýj-
unar hefðbundinna vopna. Banda-
ríkjaforseti lagði aftur á móti
áherslu á áhyggjur Bandaríkja-
manna vegna stefnu Verkamanna-
flokksins, en sagðist ekki mundu
hafa áhrif á innanríkismál Breta.
í kjölfar fundarins sagði talsmað-
ur Hvíta hússins að stefna Verka-
mannaflokksins græfi undan
hagsmunum Bandaríkjanna í samn-
ingum við Sovétríkin. Þessi stað-
hæfing ásamt öðru varð til þess að
Dennis Healey og Neil Kinnock
hafa báðir ásakað starfsmenn Hvíta
hússins fyrir að vilja skaða Verka-
mannaflokkinn til að styðja stjórn
Thatchers.
Þetta uppistand hefur valdið því,
að í fjölmiðlum hefur för þeirra víst
algjörlega misheppnast. Á meðan
baðar frú Thatcher sig í ljósi fjöl-
miðla austur í Moskvu.
Alnæmi í Bandaríkjunum:
Oleyfilegar rann-
sóknarstofur
dreifa lyfjum
^ Chicago, AP.
ÓLEYFILEGAR rannsóknarstofur eru starfræktar í rúmlega
40 borgum í Bandaríkjunum og vinna starfsmenn þeirra að því
að búa til alnæmislyf, sem enn hafa ekki hlotið samþykki réttra
yfirvalda. Þá miðla starfsmenn þeirra einnig upplýsingum til
alnæmissjúklinga m.a. um hvernig þeir geti sjálfir búið til sín
eigin lyf.
Bandaríska dagblaðið The Sun
Times, sem gefið er út í Chicago,
birti frétt þessa efnis á sunnudag
og sagði í henni að þúsundir
manna tækju inn lyf þessi. Lyfín
fengju þeir í gegnum lækna sem
hefðu samband við starfsmenn
rannsóknarstofanna auk þess sem
óleyfileg alnæmislyf væru auglýst
í blöðum sem samtök homma
gæfu út.
Fréttamaður The Sun Times
ræddi við mann að nafni Jim
Henry, sem hóf að starfrækja
óleyfilega rannsóknarstofu í
Chicago í janúar á siðasta ári.
Henry kvaðst blanda efni sem
nefnist Dinitroclorobenzene og er
notað við filmuframköllun saman
við vínanda og handáburð og fá
efnablöndu sem hann sagði
styrkja ónæmiskerfi líkamans.
Henry þjáðist af alnæmi en sagð-
ist hafa sigrast á sjúkdómnum
með þessum hætti. Sagði hann
vin sinn einnig hafa náð undra-
verðum bata með því að rjóða
efnablöndunni á líkama sinn.
Þá kvaðst Henry einnig hafa
hafið dreifingu á efninu AL 721
en vísindamenn hafa að undan-
fömu unnið að rannsóknum á því
hvort það geti unnið á alnæmi.
Heilbrigðisyfirvöld í Bandaríkjun-
um hafa enn sem komið er aðeins
lagt blessun sína yfir eitt alnæm-
islyf sem nefnist AZT. Henry
sagði lyf sín mun ódýrari en AZT
og koma að sömu notum.
Dr. Renslow Sherer, sem
stjórnar rannsóknum á alnæmi
við Cook-sjúkrahúsið í Chicago,
sagði í viðtali við The Sun Times
að hann teldi litlar sem engar líkur
á að alnæmissjúklingar gætu
fengið bata með þessum hætti.
Maria von Trapp sést hér ásamt leikkonunni
Mary Martin, sem lék aðalhlutverkið í söngleikn-
um Tónaflóði á Broadway. Myndin var tekin í
nóvember 1959.
María von
Trapp látin
Var ásamt fjölskyldu sinni
kveikjan að „Tónaflóði“
Stowe, Vermont. Reuter.
MARÍ A von Trapp, sem gerðist nunna um skeið,
en varð seinna, ásamt fjölskyldu sinni, kveikjan
að söngleiknum og kvikmyndinni „Tónaflóði“
(Sound og Music), lést á föstudagskvöld á Cop-
ley-spitalanum í Morrisville í Vermont á 83.
aldursári.
Maria von Trapp yfirgaf nunnuklaustur í Salz-
burg í Austurríki, þegar hún var tvítug að aldri, og
tók að sér að kenna sjö bömum Georg von Trapp
baróns, sem var ekkjumaður. Þau giftust ári seinna,
1927, og eignuðust saman þijú böm.
Fjölskyldan neyddist til að flýja Austurríki, eftir
að nasistar hemámu landið, og fór fótgangandi yfir
Alpana. Þegar þau komu til New York, var aleigan
fjórir dollarar.
Þau hófu að syngja saman og ferðuðust víða um
Bandaríkin, en settust loks að í Grænufjöllum í
Vermont, af því að landslagið þar minnti þau á
heimaslóðir í Austurríki.
Árið 1959 var söngleikurinn „Tónaflóð" settur á
svið á Broadway, og lék Mary Martin hlutverk
Maríu von Trapp. Lögin, sem voru eftir þá Richard
Rogers og Oscar Hammerstein, urðu sum afburða-
vinsæl og lífseig.
I kvikmyndinni, sem frumsýnd var árið 1965 og
hlaut fimm Óskarsverðlaun, lék Juiie Andrews aðal-
hlutverkið.
Trapp barón lést árið 1947. Eftirlifandi eru þijú
böm þeirra hjónanna og fimm bama barónsins.