Morgunblaðið - 31.03.1987, Blaðsíða 18

18
MORGUNBLAÐIÐ, ÞRIÐJUDAGUR 31. MARZ 1987
og fjölskyldum.
Hluti af náminu felst í starfs-
þjálfun á hinum ýmsu stofnunum.
Námið er því bæði bóklegt og verk-
legt og er samræmt að sama
markmiðinu: Að gera nemandann
hæfan í að beita faglegum aðferð-
um til að hjálpa fólki við að nýta
sér eigin möguleika til að ná rétti
sínum, bæði gagnvart hinu opinbera
og í einkamálum. Þetta á við beina
upplýsingagjöf, fyrirgreiðslu, með-
ferðarstarf, leiðsögn og fyrirbyggj-
andi starf.
Eftir grunnnám er hægt að afla
sér sérhæfingar með framhalds-
námi erlendis. Sem dæmi má nefna
stjómunarstörf eins og mótun fé-
lagsmálastefnu og starfsmanna-
stjórnun, fjölskyldumeðferð og
vinnu með einstaklingum.
Starf félagsráðgjafa
Er einhver þörf á félagsráðgjöf-
um? Til hvers þarf langskólagengið
fólk til að annast verk, búa til
vandamál úr störfum sem hver fjöl-
skylda vann sjálf hér áður fyrr?
Við teljum að félagsráðgjafinn sé í
fæstum tilvikum að búa til vanda-
mál. Þvert á móti teljum við hann
til margra hluta nytsamlegan. Sú
þjóðfélagsgerð sem við búum við í
dag er öll önnur og miklu flóknari
en hún var í „gamla daga“. Af því
leiðir að skapast hefur þörf fyrir
nýjar starfsgreinar, meðal annars
umönnunar- og þjónustugreinar
sem hafa tekið við stórum hluta af
„Sú þjóðfélagsgerð sem
við búum við í dag er
öll önnur og miklu
f lóknari en hún var í
„gamla daga“. Af því
leiðir að skapast hefur
þörf fyrir nýjar starfs-
greinar, meðal annars
umönnunar- og þjón-
ustugreinar sem hafa
tekið við stórum hluta
af þeim störfum sem
áður voru unnin inni á
heimilunum.“
þeim störfum sem áður voru unnin
inni á heimilunum. Að auki hefur
uPPbygging þjóðfélags okkar verið
á þann veg að ýmiss konar félags-
leg þjónusta er nú réttur hvers
einstaklings. Reynslan sýnir að ekki
veitir af leiðsögn þeirra sem eru vel
að sér í þeim málum (eins og fé-
lagsráðgjafar eru eftir nám sitt),
til að hver og einn fái það sem
honum ber og hafi sem mesta
möguleika á að lifa hamingjuríku
lífi.
Félagsráðgjafar starfa aðallega
á heilbrigðis- og félagsmálasviði.
Algengt er að þeir starfi við
kennslu, starfs- og skólaráðgjöf,
rannsóknir, stjórnsýslu og hjá at-
vinnufyrirtækjum.
Helstu stofnanir sem félagsráð-
gjafar starfa á í dag eru:
— Landspítalinn (geðdeildir, al-
mennar deildir, kvennadeild, öldr-
unar- og áfengisdeild).
— Geðdeild barnaspítala Hringsins.
— Borgarspítalinn (almennar deild-
ir, geðdeild, öldrunardeild, endur-
hæfingardeitd).
— Landakotsspítali.
— Háskóli íslands.
— Kópavogshæli.
— Svæðisstjórnir um málefni fatl-
aðra.
— Heyrnleysingjaskólinn.
— Öskjuhlíðarskólinn.
— Greiningarstöð ríkisins í Kjar-
valshúsi.
— Ráðgjafar- og sálfræðiþjónusta
skóla.
— Skólar.
— Félagsmálastofnanir.
— Útideild unglinga.
— Unglingaráðgjöfin.
— Fjölskylduheimili fyrir unglinga,
Búðargerði 9.
— Afangastaðurinn Amtmannsstíg
5a.
— Múlalundur.
— Félagsmiðstöðvar fyrir ungl-
inga.
— Dagdeild Rauða kross Islands.
— Reykjalundur.
— Styrktarfélag vangefinna.
— Örvi, verndaður vinnustaður
Kópavogi.
— Einkastofur.
Eins og sjá má af þessari upp-
talningu er starfið afar fjölbreytt.
Launarnál
Undanfarið hefur verið mikið til
umfjöllunar meðal hinna ýmsu upp-
eldis- og umönnunarstétta hve störf
þeirra eru illa metin í þjóðfélaginu
í dag. Orsakirnar eru tvímælalaust
að stórum hluta þær að þessar stétt-
ir eru upp til hópa kvennastéttir.
En inn í þetta hlýtur þó einnig að
fléttast virkni stéttanna og barátta
til að ná fram markmiðum sínum.
Það ástand sem ríkir í launamál-
um félagsráðgjafa getur haft
víðtækar afleiðingar. I dag (26.
mars 1987) eru grunnlaun félags-
ráðgjafa 32.851 krónur. Hver er
reiðubúinn til að leggja á sig 4'/2
árs háskólanám (þó áhugavert sé)
fyrir jafn smánarleg laun og raun
ber vitni? Við sem nemar á síðasta
ári í félagsráðgjöf hljótum, með
hliðsjón af launamálum, að spyija
okkur þeirrar spurningar hvort við
höfum „efni á“ að vinna sem fé-
lagsráðgjafar.
Nýjasti bíllinn frá Ford í Þýskalandi er

uRiui
Verð beinskiptur kr. 526.500.
C77 QAA
Verð sjálfskiptur kr. U * l iQvvi
SvEINN EGILSSON HF
Skeifunni 17. Simi 685100.
Höfundar eru: Aðalbjörg Dísa
Guðjónsdóttir, Ellý A. Þorsteins-
dóttir, Hera Ósk Einarsdóttir,
Kolbrún Ogmundsdóttir, Magda-
lena Kjartansdóttir, Sigríður
Anna Einarsdóttir, Steinunn
Hrafnsdóttir, Steinunn Kristín
Jónsdóttir og Sveinbjörg J. Svav-
arsdóttir.
Ráðstefna
um benzó-
díazepin
RÁÐSTEFNA verður haldin
mánudaginn 6. apríl nk. á
vegum fyrirtækisins F. Hoff-
mann-La Roche um
benzódíazepin sem eru díaz-
epam og skyld lyf. Á ráð-
stefnunni verða fyrirlesarar
bæði íslenskir og erlendir.
Ráðstefnan verður á Hótel
Sögu.
I fréttatilkynningu segir að
sjaldan hafi einn flokkur lyfja
vakið jafn mikla athygli vísinda-
manna, verið oftar til umræðu
meðal lækna eða fengið meiri
umfjöllun í fagtímaritum en ein-
mitt bensódíasepín.
Metsölublad á hverjum degi!
Félagsráðgjöf
- til hvers?
eftir félagsráðgjafar-
nema á síðasta ári við
Háskóla Islands
Tilefni þess að við skrifum þenn-
an pistil er af tvennum toga
spunnið. Annars vegar að við höfum
orðið vör við að nokkuð virðist vera
á reiki um hvað félagsráðgjöf snýst.
Spumingar eins og hvað er félags-
ráðgjöf, hvar vinna félagsráðgjafar
og til hvers eru félagsráðgjafar,
falla oft af vörum samferðamanna
okkar. Hins vegar berum við ugg
í brjósti gagnvart þeirri launastefnu
sem ríkir í þjóðfélaginu í dag og
þá sér í lagi í garð félagsráðgjafa.
Menntun félag’s-
ráðgjafa
Nám í félagsráðgjöf við Háskóla
íslands hófst árið 1980. Fyrir þann
tíma sóttu félagsráðgjafar menntun
sína til annarra landa. Árið 1974
voru 11 félagsráðgjafar starfandi
hér á landi en nú hafa u.þ.b. 125
starfsleyfi. Námið í háskólanum
tekur a.m.k. 4 V2 ár. Því er þannig
háttað að velja þarf á milli þriggja
greina, félagsfræði, sálarfræði eða
uppeldisfræði að viðbættum skyldu-
námskeiðum í félagsráðgjöf (sjá
eftirfarandi skýringarmynd).
Félagsfræði Sálarfræði Uppeldisfræði
60 e. 60 e. 60 e.
Félagsráðgjöf 30 e.
BA-próf 90 e.
Starfsréttindanám í félagsráögjöf 30 e.
Alls 120 e.
í skyldunámskeiðum félagsráð-
gjafar er meðal annars lögð áhersla
á kenningar og starfsaðferðir sem
félagsráðgjöf byggir á, einnig sem
þekking á hinum ýmsu starfsgrein-
um er samþætt í hagnýtri beitingu
(starfsþjálfun). Sem dæmi um efn-
isþætti má nefna tryggingarlög-
gjöfina, málefni aldraðra, málefni
fatlaðra, húsnæðis-, heilbrigðis-,
vímuefna- og bamaverndarmál.
Auk þessa er ýmsum þáttum lög-
fræðinnar gerð nokkur skil, svo sem
sifja- og erfðarétti, refsirétti og
vinnurétti. Á síðasta ári námsins
er Qallað sérstaklega um siðfræði
félagsráðgjafar, kreppuvinnu, þ.e.
að vinna með einstaklinga sem hafa
orðið fyrir áföllum, t.d. ástvinamissi
eða skilnaði, og vinnu með hópum