Morgunblaðið - 30.10.1988, Blaðsíða 39
MORGUNBLAÐIÐ, SUNNUDAGUR 30. OKTÓBER 1988
39
(lárur
ettir Eimu Pólmadóttur
Allir tala um veðrið, en enginn gerir neitt
við því! Þessi orð orðháksins Storms P. eru
næstum orðin sígild, eins og mörg önnur
gullkom þessa orðheppna Dana, svo sem:
Skjótið ekki spörfugl með fallbyssu, það
vekur nágrannana! Hér í Reykjavík mætti
kannski segja: Allir tala um umferðina og
alltaf er verið að gera eitthvað við henni —
þótt ekki sé það að vísu allt til bóta.
Þennan fagra, svala haustmorgun situr
skrifari við tölvuna, svo sem hann hefur í
mannaminnum gert á hveijum fimmtudags-
morgni, til að skila þar 70 dálksentimetrum
af Gárum. Skella á ritvél og nú tölvu ein-
hveiju sem dottið hefur í hugskotið eins og
steini væri varpað í vatn og út frá gára
sístækkandi hringir á yfirborðinu. Ekki
ætlað að kafa neitt djúpt, hvað þá leysa
vandamál. Aðeins að vekja athygli á ein-
hveiju sem hljótt fer eða óséð eða fletta
upp nýjum fleti á umræðu dagsins. Svosem
rétt til þess að lesendur geti velt því fyrir
sér og rætt áfram ef þeim sýnist svo, stækk-
að sjálfír gáruhringina með víðari útfærslu,
kannski leitt hugmynd af hugmynd.
Ef upp er litið blasir við út um gluggann
augnayndi mikið á veggnum á Tollstöðvar-
húsinu, fallega listaverkið eftir Gerði Helga-
dóttur og glitrar í sólinni á mosaiksteinana
í litfögrum formum skipa og rísandi loga-
gylltrar sólar yfír höfninni. í hvert sinn sem
litið er út um gluggann ber líka annað fyr-
ir augu. Bílaumferðina um Tryggvagötu.
Og handan götunnar sést tíðum lágaxinn
maður með einkennishúfu að skrifa í blokk-
ina sína — sektarmiða á bíleigendur sem
tafíst hafa í tolli, bönkum eða við önnur
erindi svo að fimmtíu krónu stöðumæla-
gjaldið er uppurið. Þetta er greinilega mjög
samviskusamur stöðumælavörður. Hann er
bókstaflega alltaf þama að skrifa upp núm-
er sökudólganna — bíður kannski eftir að
rauða spjaldið komi upp. Þama er vissulega
opinber þjónusta, sem er lagi. Gefur líka
dijúgum meira í aðra hönd en rífleg um-
ferðarstjómun.
Á morgnana og þegar fer að líða á dag-
inn æsist leikurinn hér fyrir framan. Sam-
felld bílastrollan mjakast vart. Nánast ekk-
ert frá því klukkan nálgast fjögur síðdegis,
þegar opinberar skrifstofur loka, og fram
undir sex. Má sjá þess merki áð fólk reynir
að fara æ fyrr heim til að verða á undan
mestu umferðinni. Gámhöfundur er löngu
hættur að reyna ótilneyddur að sækja bíl
sinn vestur fyrir miðbæinn til að fara úr
vinnunni fyrr en undir sex og vera þá á
eftir morgunumferðinni klukkan hálftíu. Á
þessum tímum streyma inn í þessa nánast
einu götu gegn um miðborgina bílar úr öll-
um portum og hliðargötum. Enda Vonar-
strætið og Austurstrætið nánast lokuð.
Ekki svo að skilja að ekkert hafi verið gert
við þessu, mikil ósköp! Opnað var gríðar-
stórt bílastæði á hafnarbakkanum, fyrir 139
bíla, með útkeyslu út í Tryggvagötuna. Og
þar sem bílstjórar eru ágætlega kurteisir,
þá reyna þeir að rýma í þéttri bílaröðinni
og hleypa inn í, svo að aumingja fólkið af
stóra bílastæðinu komist líka á annatíman-
um í röðina sem mjakast. Og þeir sem eru
fyrir vestan eða austan sitja áfram kyrrir.
Einkum fyrir vestan, því aðalbrautin Kal-
kofnsvegur lokar auðvitað þvert fyrir
Tryggvagötuumferðina, eins og loki sé
skellt á dós. Ekki varð þetta þó óumbreytan-
legt. Enda æstist leikurinn. Tókst enn að
auka umferðarþungann á þessum hnúti með
því að breikka aðfærsluæðina inn í bæinn
með sjónum, setja einstefnuakstur á Sætún-
ið vesturúr og Skúlagötuna austurúr og
loka fyrir að bílar á leið í austurbæinn víki
af brautinni fyrr en þeir eru komnir alla leið
í miðbæj arumferðina. Eiga þá eftir að auka
á hnútinn áður en þeir aka upp Hverfísgötu
eða gegnum Lækjartorg. Snjailræði að gera
þetta allt par árum áður en væntanleg
tengsli úr breikkuðu sjávargötunni köma
áfram gegn um höfnina. Þá verðum við svo
undur glöð þegar hafnargatan kemur loks
og umferðin rennur fram hjá miðborginni
viðstöðulaust.
Þannig er farið að því að stinga upp í
vandann. Tekst vel að þjappa honum öllum
á sama stað. Vandamálunum fækkar. Ekki
hefur að vísu tekist eins vel í gömlu hverfun-
um að stoppa alla þessa vaxandi umferð
með því ^ð stinga hindrunartappa í hana.
Hún vill bara ekki hverfa heldur flæðir í
vaxandiija,æli í allar áttir og jafnóðum á
nýja staði sem hindrunartappa er stungið í
fyrri leiðir. Og ókunnugir aka þeim mun
lengra og óöruggar á götunum í leit að
óbönnuðum útgönguleiðum. Enda ekki hægt
að reikna með að ein gata sé einstefnuakst-
ursgata til enda eða forgangsgata, þótt
komið hafi verið auga á skilti um það. Þær
skipta fyrr en varir um ham og rétt. Og
hindrunarhlaup með of stuttu á milli til til-
hlaups fíba bílstjóra og gera þá taugaveikl-
aða. En allt orkar víst tvímælis þá gert er
eða eins og hann P*iet Hein orðar það (þýð-
ing ABS):
Þeir vísu feður er leiða lýði
mjðg lítið þakklæti jafnan fá
þvi heimskan lipurt er lögð þar saman,
en löngum vitið er dregið frá.
Vandræði að hann Ingólfur Amarson
skyldi koma með hross en ekki bíl í víkinga-
skipinu sínu fyrir 1100 árum. Þá hefði hon-
um aldrei dottið í hug að setjast hér að og
gera að framtíðarhöfuðborg og mesta þétt-
býli íslands þetta ólánlega langa og mjóa
nes. Ekki hægt að komast landveginn út
úr borginni nema í eina átt og það um
mjóa rennu. Nesið að auki um miðbæinn
eins og kona í lífstykki, hert vel um miðj-
una, þar sem Tjömin lokar einmitt langsum-
umferðinni. En hvemig áttu hann Ingólfur
og hún Hallveig að sjá fyrir alla þessa bfla-
umferð? Raunar kom hún borgaryfirvöldum
nútímans líka í opna skjöldu. Allar spár úr
lagi gengnar, mannfólkið færra en spáð var
og bílamir fleiri. Víst að verða einn á mann.
Einn fyrir pabba, einn fyrir mömmu og einn
fyrir stóra skólastrákinn.
Hvað er maður að ergja sig yfír bílaum-
ferðinni á svo fallegum haustdegi. Og í
svona fallegri borg — þegar sólin skín. Allt-
af sér maður það betur þegar komið er að
utan, úr öðmm borgum, hve Reykjavík er
í raun fallegt og hreinlegt þéttbýli. Og ekki
enn þjakandi þétt. Það er hreinasta ánægja
að aka í vinnu meðfram sjónum á tærum
haustdögum. Esjan alltaf í nýjum búningi
og nýjum lit í morgunbirtunni. Á kvöldin
raunar líka, þegar glampar á fannhvítan
hákollinn í tunglskininu, eins og eitt kvöld-
ið nú í vikunni. Á slíkum dögum er gott
að vinda ofan af streitu dagsins með því
að bregða sér í fímm mínútur af vegi og út
á Laugamesið, stíga út úr bfl við víkina
innan við nýja Listasafnið hans Siguijóns
Ólafssonar. Og maður getur hlakkað til
þess að fá nú tækifæri til að koma þar á
góðviðrisdögum og fá sér kaffíbolla hjá
henni Birgittu Spur við gluggann í þessu
einstaklega fallega safni og stíga út fyrir
við sjóinn, þar sem fuglamir synda í kyrrð-
inni eða brimið svarrar. En nú er kominn
nóvember:
Nú kemur frost með kvefíð.
þeir stallkjöftuðu stunda þá
það starf, svo lítið beri á,
að blása á blákalt nefíð.
(PH/HH)
LIMASSOL
15 dagar og 1 nótt í Amsterdam
frá kr. 44.960,-*
LIMASSOL
22 dagar 1 nótt í Amsterdam
frá kr. 47.110,-*
LIMASSOL
fjögurra stjörnu hótel með hálfu
fæði 15 dagar. 1 nótt í Amster-
dam, verð frá kr. 52.960,-*
FERDA
V: mmmmmrnmrm,a
LIMASSOL
22 dagar hálft fæði og 1 nótt í
Amsterdam, verð frá kr.
60.310,-*
Verð miðað við 2 í íbúð eða herbergi,
möguleikar á lengri dvöl í Amsterdam.
Ath: möguleiki að dvelja um jól og ára-
mót á Kýpur.
Ævintýralegir ferðamöguleikar frá Kýp-
ur.
EGYPTALAND
3 dagar 11.000,- kr.
Sigling - Port Said - Kaíró -
pýramídarnir - svinxinn -
egypskar fornminjar.
ISRAEL
Helgarferð 10.000,- kr.
Sigling - Haifa - Jerúsalem -
Getsamane - Via Dolo Rosa -
Betlehem.
EGYPLTALAND OG ÍSRAEL
Sigling 4 dagar 15.000,- kr.
Cenicai kmd
AÐALSTRÆTI 9 - REYKJAVÍK - S. 28133.