Morgunblaðið - 02.12.1992, Blaðsíða 19

MORGUNBLAÐIÐ MIÐVIKUDAGUR 2. DESEMBER 1992
19
Borgarmálaráðstefna Sjálfstæðisflokksins
Sem flest verkefni verði flutt
frá ríkisvaldi til sveitarstjóma
Á borgarmálaráðstefnu Sjálfstæðisflokksins fóru fram umræður í
starfshópum um sjálfstjórn sveitarfélaga, umhverfismál, einkavæðingu
og öldrunarmál. í niðurstöðum ráðstefnunar kemur meðal annars fram,
að Sjálfstæðismenn í Reykjavík telja nauðsynlegt að Reykjavíkurborg
beiti sér fyrir því, að sem flest verkefni verði flutt frá ríkisvaldinu til
sveitarstjórna. Ef sveitarsljórnir vilji skorast undan eigi borgin að
beita sér fyrir því að þau sveitarfélög sem hafi til þess styrk og áhuga
taki við auknum verkefnum.
í niðurstöðum starfshóps um sjálf-
stjórn sveitarfélaga segir einnig, að
sú staða kynni að koma upp að sveit-
arfélögum yrði skipt í tvo flokka,
stærri og minni sveitarfélög og að
þessum flokkum yrði færð mismun-
andi verkefni og tekjur. „í þeim til-
vikum, þar sem sveitarfélög eru of
fámenn til að sinna viðkomandi verk-
efni eða þar sem verkefnum er sinnt
gagnvart stórum svæðum er hugsan-
legt að leysa verkefnið með stofnun
byggðasamlaga."
Fram kemur, að flokkurinn telur
að meðal verkefna sem betur sé kom-
ið hjá sveitarfélögum en ríki sé, allur
kostnaður við grunn- og héraðsskóla
og að skólastjórar ráði skólastjóra
og kennara að fengnum tillögum frá
skólanefndum. Að allur stofn- og
rekstrarkostnaður framhaldsskóla,
annarra en sérskóla og einkaskóla,
greiðist af sveitarfélögum og sam-
tökum þeirra. Sveitarfélög skipi
skólanefndir og ráði starfsmenn.
Málefni fatlaðar verði verkefni sveit-
arfélaga, svo og málefni aldraða og
að framkvæmdafé Framkvæmda-
sjóðs aldraða renni til sveitarfélaga
um leið og sveitarfélög yfirtaki verk-
efni sjóðsins.
Hafnir verði kostaðar af
sjálfsaflafé
Lagt er til að framkvæmdir við
hafnir verði kostaðar af sjálfsaflafé
hafna og með framlagi frá eigendum
þeirra. Jafnframt verði Hafnarráð,
Hafnabótasjóður og Hafnarmála-
stofnun lögð niður.
Sveitarfélög taki yfir löggæslu
Sveitarfélögin yfirtaki löggæslu
og rannsókn á afbrotamálum og þær
ráði lögreglustjóra og aðra lögreglu-
menn. Lagt er til að sveitarfélög, þar
sem um þjóðvegi í þéttbýli er að
ræða, fái til sín bensíngjald til að
standa straum af lagningu veganna.
Þá segir: „Forsenda þess að ofan-
greindar hugmyndir um nýja verka-
skiptingu ríkis og sveitarfélaga geti
gengið eftir, er að jafnhliða tilflutn-
ingi verkefna fái sveitarfélögin aukn-
ar tekjur, þannig að ijárhagsstaða
þeirra versni ekki við þessa breyt-
ingu. Þetta verður að gera án þess
að hækka skatta á einstaklinga.
M.ö.o. hækka þarf tekjustofna sveit-
arfélaga þannig að hækkunin komi
til lækkunar á tekjustofnum ríkis-
valdsins. Tryggja þarf sveitarstjóm-
um fullnægjandi tekjustofna með
lögum til að sinna þessum nýju verk-
efnum.“
Umhverfismál
Frágangur skólps og sorpmál hafa
batnað verulega og eftirlit verið eflt,
segir í niðurstöðu starfshóps um
umhverfísmál. Áhersla hafí verið
lögð á framkvæmdir við útivistar-
svæði borgarbúa og nýtt aðalskipu-
lag samþykkt auk þess mun útgáfa
hverfaskipulaga fyrir eldri hverfi
ljúka á þessu ári. Hvatt er til að
styrkja enn stöðu umhverfismála
borgarinnar og að teknar verði upp
nýjar áherslur í meðferð úrgangs og
þannig dregið úr magni og skaðsemi
þess úrgangs, sem út í náttúruna
fer. Áhersla verði lögð á að endur-
vinna allan þann úrgang, sem hægt
er og að dregið verði úr mengun frá
atvinnurekstri eins og tök em á.
Einkavæðing
Um einkavæðingu segir, að fram-
farir í atvinnulífi borgarinnar verði
best tryggðar með því að gefa ein-
staklingum og fyrirtækjum sem best
svigrúm til að efla atvinnurekstur
sinn við heilbrigð rekstrarskilyrði.
Víðtæk verkefnatilfærsla frá hinu
opinbera til einstaklinga sé best til
þess fallin að efla efnahagskerfíð.
„Rétt er að einkavæðing borgarfyrir-
tækja í samkeppni við einkafyrirtæki
hafi forgang en einnig er hægt að
einkavæða ýmsan þjónusturekstur
borgarinnar, sem er ekki í beinni
samkeppni við einkaaðila á markað-
inum. Markmið slíkrar einkavæðing-
ar er að lækka kostnað borgarbúa
við ýmsa sameiginlega þjónustu. í
kjölfar slíkrar einkavæðingar væri
hægt að draga úr álögum á borg-
arbúa."
Borgarfyrirtælqum breytt í
hlutafélög
Nauðsynlegt er að formbreyta sem
flest borgarfyrirtæki í hlutafélög en
þannig eykst ábyrgð stjórnenda fyr-
irtækjanna á rekstrinum. Ef ekki er
hægt aó koma við beinni sölu á fyrir-
tækjunum á að kanna hvort hægt
er að bjóða út verkefni og leggja
niður starfsemi sem ekki verður þörf
fyrir eða einkaaðilar geta sinnt jafn
vel eða betur en borgaryfirvöld.
SVR verði hlutafélag
„Strætisvagnar Reykjavíkur veita
borgarbúum mikilvæga þjónustu.
Farþegum hefur þó fækkað mjög á
undanförnum árum vegna aukinnar
bifreiðaeignar. Samkvæmt fjár-
hagsáætlun Reykjavíkurborgar mun
borgarsjóður greiða rúmlega 341
milljón með rekstri Strætisvagna
Reykjavíkur á árinu 1992. Borgarbú-
ar eiga rétt á því að mögulegt sé
að lækka kostnað hjá SVR en veita
jafngóða eða betri þjónustu en nú
er veitt, með því að bjóða út ýmsa
þætti starfseminnar og jafnvel ein-
stakar leiðir. Einnig kemur til greina
að gera fyrirtækið að hlutafélagi og
selja hlutabréf þess síðar í áföngum
á almennum markaði. Rétt þykir að
taka fram að þótt fyrirtækið yrði
einkavætt með þeim hætti gætu
borgaryfirvöld haldið áfram að
greiða niður þjónustu almennings-
vagna.“
Sala á bílastæðahúsum verði
könnuð
Þá telur ráðstefnan að kanna eigi
hvort hægt sé að selja bílastæðahús
borgarinnar eða bjóða út rekstur
þeirra. Bent er á að borgin á og rek-
ur átta félagsmiðstöðvar fyrir ungt
fólk. Telur ráðstefnan eðlilegt að
kannað verði með hvaða hætti sé
hægt að bjóða út reksturinn til
íþrótta- og æskulýðsfélaga sem og
annarra aðila. Þá á borgin og rekur
félags- og þjónustumiðstöðvar fyrir
aldraða og telur ráðstefna eðlilegt
að kanna með hvaða hætti sé hægt
að bjóða rekstur þeirra út. Loks er
lagt til að kannað verði með útboð
á endurskoðun borgarfyrirtækja.
Öldrunarmál
Aldraðir eru vaxandi hópur í þjóð-
félaginu, þar sem fólk lifir almennt
lengur en áður, segir í niðurstöðum
ráðstefnunnar. Ekki sé óalgengt að
öldrunarþjónusta spanni yfír 20 til
30 ár í lífi einstaklings. Fram kem-
ur, að heimaþjónusta gegni veigam-
iklu hlutverki, bæði félagsleg þjón-
usta og heimahjúkrun, sem leggja
þarf áherslu á að samtengja betur
og efla. Starf öldrunarlækninga-
deilda er til greiningar, meðferðar
og endurhæfingar sjúkdóma ellinnar,
til hvíldarinnlagna og til úrlausna
fétagslegra vandamála. „Með eflingu
þessarar starfsemi innan sjúkrahús-
anna og betri aðgang aldraðra í
heimahúsum að þessum deildum
skapast hjá þeim öryggistilfínning,
sem bætir líðan og leiðir til lengri
búsetu í heimahúsum. Stofnanaþjón-
usta er þriðji undirstöðuþátturinn en
það eru verndaðar þjónustuíbúðir,
vistheimili, hjúkrunarheimili, hjúkr-
unaríbúðir og sambýli.
Hjúkrunarheimili og hjúkrunar-
íbúðir eru ætlaðar þeim sem búa við
mestan heilsubrest og er það sá þátt-
ur sem hefur verið vanbúinn, sem
leitt hefur til keðjuverkandi áhrifa á
hina þættina. Því þyrfti að leggja
megi áherslu á byggingu og rekstur
hjúkrunarheimila."
Villeroy & Boch
NANKING
Matar- og kaffistell
, til hamingju með nýja verslun við Faxafen,
velkomin í hóp útsöluaðila á Villeroy & Boch borðbúnaði á íslandi.
m m Jóhann Ólafsson & Co
SUNDABORG 13 • 104 REYKJAVÍK • SÍMI68B588