Morgunblaðið - 02.12.1992, Blaðsíða 25

MORGUNBLAÐIÐ MIÐVIKUPAGIJK 2. ,-DESEMgER, 1992
25g
13 fórust er
flug*vélar
skullu saman
ÓTTAST er að áhafnir tveggja
bandarískra herflugvéla, 13
menn samtals, hafi týnt iífj þegar
flugvélarnar skullu saman á flugi
og hröpuðu til jarðar. Atvikið
átti sér stað við æfingar á mánu-
dagskvöld skammt frá bænum
Chinook í Montanaríki. Flugvél-
arnar voru herflutningavélar af
gerðinni C-141 og voru flug-
mennirnir að æfa sig í að taka
eldsneyti á flugi úr KC-135 tank-
vél. Ekki er vitað um orsakir
slyssins.
Nýtt stríð í
Angóla yfir-
vofandi
STJÓRNARHERINN í Angóla
hefur misst vald á borgunum
Uige og Negage í hendur
UNITA-skæruliðum eftir harða
tveggja sólarhringa bardaga. I
þeirri síðarnefndu er mikilvæg
flugstöð. Ríkisútvarpið í Lúanda
skýrði frá þessu í gær og hafði
eftir einum af hershöfðingjum
stjórnarhersins að herinn byggi
sig nú undir nýtt borgarastríð.
Þrýstingur
eykst á ERM
HELMUT Schlesinger banka-
stjóri þýska seðlabankans sagði
í gær að ekkert svigrúm yrði til
vaxtalækkunar í náinni framtíð.
Við það hófst mikil spákaup-
mennska, einkum með franska
franka og lírur. Lækkaði gengi
þeirra þrátt fyrir mikil franka-
kaup franska seðlabankans.
Frankinn er einn af veigamestu
gjaldmiðlum Gengissamtarfs
Evrópu (ERM) og má samstarfið
ekki við miklum þrýstingi á hann.
Fjármálasérfræðingar sögðu í
gær að ERM yrði í hættu þar til
Þjóðveijar lækkuðu vexti sína.
Lubys for-
sætisráðherra
í Litháen
ALGIRDAS Brazauskas nýkjör-
inn forseti þings Litháens og for-
maður Lýðræðislega verka-
mannaflokksins útnefndi í gær
Bronislovas Lubys í starf forsæt-
isráðherra. Búist er við að þingið
staðfesti útnefninguna í dag.
Lubys er óflokksbundinn 54 ára
gamall efnaverkfræðingur og var
aðstoðarforsætisráðherra í frá-
farandi ríkisstjórn Sajudis-hreyf-
ingarinnar. Hann sagðist í gær
myndu halda áfram á sömu braut
og fyrri stjórn með smáleiðrétt-
ingum, eins og komist var að orði.
Reuter
Bændur mótmæla í Strassborg
Um 50.000 bændur, víðs vegar að úr heimi, efndu til fundar í Strassborg
í Frakklandi í gær til að mótmæla samkomulagi Evrópubandalagsins, EB,
og Bandaríkjanna um landbúnaðarkafla GATT-viðræðnanna. Fóru flestir
með friði en um 150 manna hópur efndi til óláta, reif upp grjót úr götum
og notaði sem vopn gegn lögreglunni. Aður en gengið var þangað voru
brenndar brúður í líki samningamanna EB og Bandaríkjanna og ræðu-
menn sögðu bændur aldrei mundu gefast upp fyrir Bandaríkjamönnum
og hagsmunum stórfyrirtækja. Þar sem gangan fór um var skólum lokað
og allt lauslegt fjarlægt, til dæmis bekkir, ruslafötur, grindverk og fleira.
Ríkisendurskoðandi Bretlands
Könnun gerð á
máli Lamonts
#
London. Reuter.
JOHN Bourn, ríkisendurskoðandi Bretlands, skýrði þingmönnum frá
því á mánudagskvöld að hann hygðist kanna hvort það hefði verið
í samræmi við reglur að breska fjármálaráðuneytið greiddi 4.700
punda (um 450.000 ISK) lögfræðikostnað fyrir Norman Lamont fjár-
málaráðherra. Var þetta hluti af 23 þúsund punda lögfræðikostnaði
ráðherrans við að úthýsa vændiskonu, Söru Dale, sem tekið hafði
kjallara í húsi hans á leigu.
Fékk ráðuneytið einn af þekkt-
ustu lögfræðingum Bretlands til að
svara fýrirspurnum og leiðrétta
meintar rangfærslur, er málið kom
upp í fjölmiðlum í apríl á síðasta
ári. Vændiskonan, sem raunar titl-
aði sig „kynlífs-meðferðarfræðing“,
fór sjálfviljug úr íbúðinni nokkrum
vikum eftir að málaferli hófust.
Lamont og flármálaráðuneytið
veija það að almannafé hafi verið
notað til að greiða hluta lögfræði-
kostnaðarins með þeim rökum að
þennan kostnað megi rekja til þess
að Lamont gegni opinberu emb-
ætti. Breska dagblaðið Independent
hefur skýrt frá því að ákvörðun fjár-
máluráðuneytisins hafi byggst á
leynilegum reglum innan bresku
stjórnsýslunnar, þar sem kveðið er
á um að greiða skuli lögfræðikostn-
að ráðherra vegna mála sem tengj-
ast störfum þeirra. Reglurnar voru
fyrst settar af endurskoðunardeild
fjármálaráðuneytisins árið 1975,
með samþykki lögfræðinga ráðu-
neytisins, og endurnýjaðar árið
1990.
Stjórnarandstaðan í Bretlandi
krefst þess að Lamont segi af sér
vegna málsins og háværar kröfur
eru einnig uppi innan íhaldsflokks-
ins sama efnis þó af öðrum ástæð-
um sé. Lamont hefur legið undir
miklu ámæli allt frá því að stjórnin
ákvað að taka breska pundið úr
Gengissamstarfi Evrópu (ERM) í
september. Til viðbótar við lög-
fræðikostnaðarmálið hafa loks bæst
fréttir undanfarna daga um að ráð-
herrann hafi farið yfir leýfilegar
úttektarheimildir á einu greiðslu-
korta sinna og ítrekað vanrækt að
greiða á réttum tima.
Þjóðaratkvæðagreiðsla í Sviss
Höfuðandstæð-
ingi EES líkt
við sjálfan Satan
Ziirich. Frá Önnu Bjarnadóttur, fréttaritara Morgunblaðsins.
MIKLUM fundahöldum fyrir þjóðaratkvæðagreiðsluna um aðild
Sviss að evrópska efnahagssvæðinu (EES) næstkomandi sunnu-
dag er lokið. Christoph Blocher, leiðtogi andstæðinga aðildar,
hélt lokafund með stuðningsmönnum sínum í Ziirich á laugar-
dagsmorgun og var þreytulegur eftir langa baráttu. Hann not-
aði helming ræðutímans til að fjalla um kosningaslaginn og fór
ekki fögrum orðum um hann. „Fjölmiðlar hika ekki við að reka
hræðsluáróður þessa fáu daga sem eftir eru og þeir eiga eftir
að skrifa margt ljótt um mig,“ sagði atvinnurekandinn en gaf
í skyn að hann myndi standa það af sér eins og árásir í margri
kosningabaráttunni hingað til.
Það er meira í húfi fyrir þjóðina
í þessum kosningum en yfirleitt
og baráttan er því óvenju hörð.
Hópur andstæðinga Blochers í
Fribourg hvatti stuðningsmenn
EES til dæmis til að mæta vel á
kosningafund með honum þar og
sjá til þess að „Satan“ ætti ekki
of þægilega kvöldstund í borg-
inni. Hann er kallaður lýðskrum-
ari og lygari og vinir hans í við-
skiptaheiminum eru sagðir hafa
snúið við honum baki. Robert
Studer, bankastjóri SBG, stærsta
bankans í Sviss, þar sem Blocher
situr í stjórn, sótti kosningafund
með honum í Winterthur í síðustu
viku í fylgd með sjónvarpsmönn-
um og úr varð stórfrétt af því að
Blocher skipaði bankastjóranum
að stytta mál sitt þegar hann vildi
koma skoðunum sínum á aðild að
EES á framfæri; Studer er hlynnt-
ur aðild. Studer sagðist vera von-
svikinn með óábyrgan málflutning
Blochers og nú er talið ólíklegt
að hann verði endurkjörinn í stjórn
SBG í vor.
Blocher er 52ja ára milljóna-
mæringur. Hann á Ems-efnafyrir-
tækið þar sem yfir 2.500 manns
starfa, er þingmaður Svissneska
þjóðarfiokksins (SVP) og situr í
stjórnum ýmissa fyrirtækja. Hann
hefur verið sakaður um áð greiða
lág laun og hóta starfsmönnum
uppsögnum ef þeir tala illa um
hann eða fyrirtækið. Prófessor
sem hefur setið í stjórn Ems-
Chemie í nokkra mánuði sagði sig
úr stjórninni fyrir helgina og
kenndi einstrengingslegri stefnu
Blochers um. Margir áiíta að Bloc-
her vilji komast í sjö manna ríkis-
stjórn landsins en hann benti rétti-
lega á i sjónvarpsþætti í síðustu
viku að hann myndi varla ná kjöri
í þjóðþinginu eins og það er nú
samansett. Sameinað þing kýs
ráðherra landsins.
Blocher greiðir oftar atkvæði
Christoph Blocher.
gegn tillögum í þinginu en nokkur
annar þingmaður. Hann er reynd-
ur leiðtogi „fólksins gegn tillögum
hinna ráðandi afla“, þ.e.a.s. ríkis-
stjórnarinnar, þjóðþingsins, við-
skiptaheimsins og fjölmiðla. Hann
barðist til dæmis gegn aðild Sviss
að Sameinuðu þjóðunum og bar
sigur úr býtum en varð undir í
baráttunni um aðild að Alþjóða-
bankanum og Alþjóðagjaldeyris-
sjóðnum. Hann hefur ekkert á
móti því að Sviss hafí samvinnu
við alþjóðastofnanir og bandalög
en vill ekki bindast þeim. Hann
segir að við það missi þjóðin yfír-
sýn og möguleika á að velja og
hafna verkefnum sem henni býðst
að taka þátt í. Hann telur Sviss-
lendinga fórna of miklu af sjálfs-
ákvörðunarrétti sínum í samn-
ingnum um EES og óttast straum
útlendinga til landsins, atvinnu-
le'ysi, lægri laun og skattahækk-
anir ef þjóðin gerist aðili að hon-
um. Hann hefur þess vegna barist
af hörku gegn EES og stuðlað
með því að klofningi þjóðarinnar
í tvær hatrammar fylkingar.
efhann er tengdur stafrœna símakerfinu
Þriggja manna tal
Þú getur komið á símafundi með þremur þátttakendum. Viðmælendur þínir tveir
geta verið hvar sem er á landinu eða jafnvel í sínu landinu hvor. Þú getur talað við
systur þína sem býr á ísafirði og bróður þinn sem býr í Danmörku í einu.
Svona ferðu að: fyrst hringir þú í númer systur þinnar. Þegar hún hefur svarað ýtir þú
áQ og bíður eftir són og hringir síðan í bróður þinn.
Þá tengirðu ykkur öll saman með því að ýta á Q og svo á 3.
Ef bróðir þinn svarar ekki færðu aftur samband við systur þína með því að ýta á Q
Þú getur nýtt þér alla möguleika sérþjónustu stafræna stmakerfisins
með því að greiða 790 kr. skráningargjald. Til að fá nánari upplýsingar
um sérþjónustuna getur þú hrfngt í Grænt númer 99-6363 á
skrifstofutíma (sama gjald fyrir alla landsmenn), á söludeild Pósts og
síma eða á næstu póst- og símstöð.
SÉRÞJÓNUSTA
sImans
Nð er meiro spunnið í símann þinn en
þú heldur