Morgunblaðið - 02.12.1992, Blaðsíða 21

MORGUNBLAÐIÐ MIÐVIKUDAGUR 2. DESEMgER 1992
21
Hálendi íslands er að
vetri til paradís líkast
- segir Richard Decker, skipuleggjandi
heimsmeistaramótsins í vélsleðaakstri
RICHARD Decker er aðalskipuleggjandi og eigandi keppnis-
brautarinnar við Eagle River í Bandaríkjunum þar sem á ári
30.000 vélsleðaáhugamenn fylgjast með heimsmeistaramótinu
í vélsleðaakstri á ári hverju. Hann ferðaðist um landið síðast-
liðna helgi á Arctic-vélsleða ásamt fjölskyldufólki úr Kefla-
vík upp á Langjökul, en hann mun á næsta ári koma með
nokkra ferðahópa hingað til lands til ferðalaga í vetrarríkinu.
„Hálendi íslands að vetri til
er paradís líkast, fegurðin og
kyrrðin sem umlykur menn upp
á fjöllum er engu lík og víðáttan
sem menn hafa fyrir augunum
er ótrúleg. í Bandaríkjunum eru
menn vanastir að aka eftir troðn-
um vélsleðabrautum í skógum
og þær eru merktar yfir tugþús-
undir kílómetra í ríkinu sem ég
bý í. Að upplifa svo fijálsræðið
og geta þeyst hvert sem er á
sleðum hérlendis er mögnuð upp-
lifun. Þess vegna tel ég að skapa
megi talsverðan áhuga Banda-
ríkjamanna á að ferðast hingað
í ævintýraleit,“ sagði Richard í
samtali við Morgunblaðið, sem
slóst í för með honum og konu
hans um hálendið. Þau hjón hafa
verið í góðu sambandi við vél-
sleðafólk í Keflavík og hafa hald-
ið góðu sambandi við Gest
Bjarnason og fjölskyldu, sem sá
um ferðina á Langjökul. Hug-
mynd Richards er að vinna með
Flugleiðum og Snjósleðaferðum
í vetur, skipuleggja átta daga
ferðir, þar sem höfuðborgin yrði
skoðuð, vinsælustu ferðamanna-
staðirnir í nágrenni Reykjavíkur
og farin þriggja daga vélsleðferð
á fjöll.
Heimsmeistaramótið, sem
Richard skipuleggur, laðar að sér
350 keppendur árlega, sem
keppa í sextán flokkum. Eru
jafnvel uppi hugmyndir að ein-
hver fær keppandi komi til ís-
lands til keppni í einhveiju af
stærri vélsleðamótum ársins.
„Ég held að hægt verði að vekja
verulegan áhuga á ferðum til
landsins og auka ferðamennsku
utan venjulegs ferðamannatíma,
sem er góður kostur,“ sagði Ric-
hard.
Richard Decker er mikill vél-
sleðakappi og sonur hans hefur
orðið heimsmeistari í vélsleða-
akstri, en fjölskyldan rekur
brautina sem notuð er í heims-
meistaramótinu.
Ormar Þór
Guðmundsson
*
formaður 1A
AÐALFUNDUR Arkitektaféiags
íslands var haldinn 7. nóvember
sl. Fráfarandi formaður, Sigurður
Harðarson, gaf ekki kost á sér og
var Ormar Þór Guðmundsson
kjörinn formaður í hans stað.
Aðrir í stjórn voru kjörnir: Sigurð-
ur Halldórsson, gjaldkeri, Hafdís
Hafliðadóttir, ritari, og Sigurður
Harðarson, meðstjórnandi.
Fráfarandi formaður flutti skýrslu
stjórnar. Starfsemi félagsins á liðnu
starfsári hefur einkennst af blómlegu
félagsstarfi. Um 20 fyrirlestrar hafa
verið haldnir í sal félagsins, Ásmund-
arsal, og hafa þeir bæði verið af inn-
lendum og erlendum toga; ráðstefn-
ur, málþing og sýningar verið haldn-
ar og skoðunarferðir verið skipulagðar.
Samstarfi við samtök fatlaðra um
útgáfu handbókar fyrir hönnuði og
aðra sem um ferlimál fatlaðra fjalla
hefur verið haldið áfram en stefnt
er að útgáfu hennar á vori komanda.
Stærsta og mikilvægasta verkefni
félagsins á starfsárinu hefur þó ver-
ið arkitektaskólinn I Hafnarfirði í
samvinnu við Arkitekthögskolen í
Oslo, en þar hafa 16 norskir og ís-
lenskir nemendur skólans stundað
nám í fjóra mánuði. Lýkur önninni
með sýningu í Hafnarborg dagana
5.-22. desember. Alls eru félagar
AÍ 287 talsins.
Egill Stephen-
sen fulltrúi
saksóknara
Forseti íslands hefur hinn 24.
nóvember 1992, samkvæmt tillögu
dómsmálaráðherra, skipað Egil
Stephensen fulltrúa saksóknara við
embætti ríkissaksóknara frá 1. des-
ember 1992 að telja.
Morgunblaðið/Gunnlaugur Rögnvaldsson
Fjallafegurð sem blasti við Arctic-vélsleðahópnum, sem ferðaðist um Langjökul um sl. helgi ásamt
skipuleggjanda heimsmeistaramótsins í vélsleðaakstri.
271 nýtt bílastœði í miðborginni!
r
OPIÐ:
Mánudaga kl. 7.30 - 19.00
þriðjudaga til föstudaga kl. 7.30 - 24.00
laugardaga kl. 9.00 - 24.00
sunnudaga kl. 12.30 - 24.00
Athugið! Ókeypis í desember. Gjaldskylda hefst 1. janúarog verðurþá aðeins
frá kl. 9 til 18 virka daga.
Stuðlum að eðlilegri
þróun borgarsamfélags.
Bœtum umferðarmenningu
- notum bílhýsin.
- OKEYPIS ALLAN JOLAMÁNUÐINN
Höfum opnað nýtt bílhýsi í miðborginni. Með tilkomu
þessa húss að Hverfisgötu 20 (gegnt Þjóðleikhúsinu) eru
bílhýsin í miðborginni orðin 5 talsins með samtals 835
stæðum.
Allt frá Ægisgötu í vestur að Vitastíg í austur er nú aðeins
í mesta lagi þriggja mínútna gangur í næsta bílhýsi
eða vaktað stæði.
BILASTÆÐASJÓÐUR
Bílastœði fyrir alla!