Morgunblaðið - 02.12.1992, Blaðsíða 52

Gæfan fylgi þér
í umferðinni
SJOVÁNBALMENNAR

Framtíðar-
öryggi
í fjármálum
KAUPÞING HF
Löggi/l verðbréfafyrirtœíi
UORGUNBLAÐIÐ, AÐALSTRÆTI 6, 101 REYKJAV/K
Stm 691100, SÍMBRÉF 691181, PÓSTHÓLF 1565 / AKUREYRl: HAFNARSTRÆTl 85
MIÐVIKUDAGUR 2. DESEMBER 1992
VERÐ I LAUSASOLU 110 KR.
Rjúpnaskytta rann niður hlíð og slasaðist á fjöllum eystra
Lá mikið brot-
inn í sex tíma
MAÐUR sem var einn á ijúpnaveiðum slasaðist mikið er hann
rann í harðfenni í miklum bratta við svonefndan Mýrarhjalla í
Hánefsstaðadal í Seyðisfirði í gær. Að sögn lögreglunnar á Seyðis-
firði er talið að maðurinn sé tví-, jafnvel þribrotinn á fæti og auk
þess handleggsbrotinn og með fleiri áverka. Slysið varð um kl.
11 að morgni og lá hinn slasaði óhreyfður í sex til sjö klukku-
stundir, þar af um eina klukkustund án aðhlynningar og var
orðinn mjög kaldur, að sögn lögreglu. Aðrar ijúpnaskyttur, sem
voru á veiðum á svipuðum slóðum, heyrðu köll frá manninum,
komu honum til aðstoðar og gerðu lögreglu viðvart.
Lögreglan á Seyðisfirði fékk
tilkynningu um slysið kl. 13.30,
en það varð um ellefuleytið í gær-
morgun. Maðurinn, sem er annar
tveggja lögregluþjóna á Seyðis-
firði, hafði verið einn á ijúpnaveið-
um í Hánefsstaðadal, og er talið
að honum hafi skrikað fótur í
hálkubungum á Mýrarhjalla. Rann
hann niður mikinn bratta og kom
niður í gijót á klettasyllu. Er talin
mildi að hann fór ekki fram af
klettabrúninni. Gott veður var um
þetta leyti, heiðskírt en dálítið kul.
Vestanmegin við dalinn, í Sörla-
staðadal, voru tvær ijúpnaskyttur
að veiðum, og heyrðu þær köll frá
hinum slasaða. Hröðuðu þær sér
til hans, en leiðin var torfarin
vegna hálku. Þegar þær komu að
hinum slasaða var hann með með-
vitund. Varð annar mannanna eft-
ir hjá honum en hinn fór að næsta
byggða bóli, Hánefsstöðum, og
gerði lögreglu viðvart. Þangað er
um einn kílómetri, eða um hálf-
tíma gangur í hálkufærð og
bratta, að sögn lögreglunnar á
Seyðisfirði.
Um tíu félagar úr björgunar-
sveitinni ísólfi ásamt Guðmundi
Benediktssyni lækni í Seyðisfirði
voru komnir á slysstaðinn upp úr
kl. 14. Ákveðið var að hreyfa ekki
við manninum að svo stöddu
vegna þess hve mikið brotinn hann
var, en TF-SIF, þyrla Gæslunnar,
var þá lögð af stað frá Reykjavík.
Hlúðu þeir að hinum slasaða uns
hann var tekinn um borð í þyrluna
íviorgunoiaoio/Ami oæoerg
Slasaði maðurinn fluttur úr flugvél Flugfélags Austurlands í
sjúkrabifreið á Reykjavíkurflugvelli.
kl. 18.40. Þyrlan flutti manninn
síðan til Egilsstaða þar sem hann
var færður um borð í flugvél Flug-
félags Austurlands. Læknir þyrl-
unnar fylgdi honum til Reykjavík-
ur. Þar lenti vélin laust eftir kl. 20.
Að sögn Svanbjargar Sigurðar-
dóttur, húsfreyju á Hánefsstöðum,
mátti ekki miklu muna að maður-
inn færi fram af klettum. „Þarna
er mikill bratti og það eru klettar
í fjallinu. Hann lenti á klettabrún
og mér er sagt að hann hafi verið
heppinn að fara ekki fram af
henni,“ sagði Svanbjörg. Hún
sagði að ijúpnaveiðar væru að
öllu jöfnu bannaðar á þessu svæði,
en maðurinn hefði fengið leyfi til
ijúpnaveiða á mánudag.
Fjarvera
sjúkra-
liða veld-
ur röskun
FJÖLMENNUR kjaramálafundur
sjúkraliða stóð með hléum fram
yfir miðnætti í nótt. Á sama tíma
voru fáir sjúkraliðar að störfum
í borginni og olli fjarvera þeirra
röskun á starfsemi sjúkrahús-
anna. Sjúkraliðar halda kjara-
málafundi sínum áfram árdegis
og ætla að fylkja liði til að fylgj-
ast með utandagskrárumræðu um
málefni stéttarinnar á Alþingi
eftir hádegi.
Samninganefndir ríkisins og spít-
alanna telja vinnustöðvun sjúkraliða
ólögmæta. Þrátt fyrir að kjaradeilan
sé enn í höndum sáttasemjara hafi
trúnaðarráð Sjúkraliðafélagsins til-
kynnt að sjúkraliðar hyggist leggja
niður störf frá morgni 1. desember.
„Að gefnu tilefni skal tekið fram að
starfsmenn fá ekki laun í slíkum til-
vikum,“ segir meðal annars í frétta-
tilkynningu þessara aðila eftir að
upp úr viðræðum slitnaði í fyrrinótt.
Sjá einnig fréttir á miðopnu.

Meðalverð fyrir kílóið af þorskígildi 31 króna í fyrsta útboði Hagræðingarsjóðs
Lægra verð fæst fyrir
kvótann en áætlað var
TILBOÐUM í 3.333 tonn þorskígilda af veiðheimildum Hagræðing-
arsjóðs sjávarútvegsins hefur verið tekið, að afloknu útboði. Meðal-
verð, sem tekið var fyrir þorskígildiskílóið, er 31 króna. Ef allar
veiðiheimildir sjóðsins verða seldar á svipuðu verði, er ljóst að
söluandvirði þeirra verður mun lægra en áætlað var af hálfu ríkis-
ins, eða um 370 milljónir króna, í stað 448 milljóna, sem áætlað
var er sjávarútvegsráðuneytið gaf út viðmiðunarverð vegna for-
kaupsréttarútboðs í september. Upphaflega stóð til að ríkið hefði
525 milljóna króna tekjur af sölu á veiðiheimildum Hagræðingar-
sjóðs.
Hagræðingarsjóður hafði í ár
yfir veiðiheimildum í sex botnfísk-
tegundum að ráða, alls 12.000
tonnum þorskígilda. Handhafar
forkaupsréttar keyptu aðeins um
800 tonn á forkaupsréttarútboði í
haust og er afgangurinn, 11.200
tonn, því seldur á ftjálsum mark-
DAGAR
TIL JÓLA
aði. I fyrradag, 30. nóvember, rann
út tilboðsfrestur útgerða í veiði-
heimildir upp á 3.360 þorskígildis-
tonn, sem eru 30% af heimildum
sjóðsins. Stjóm sjóðsins ákvað að
bjóða kvótann út í áföngum til að
reyna að fá sem hæst verð fyrir
hann.
Stjóminni var heimilt að selja
ekki helming þess kvóta, sem aug-
lýstur var til sölu, teldi hún að
ekki fengjust viðunandi tilboð í
hann. í gær var hins vegar ákveð-
ið á stjómarfundi að taka hér um
bil öllum tilboðum, þrátt fyrir að
meðalverð fyrir hvert þorskígildis-
kfló hafí verið tæplega 31 króna,
en viðmiðunarverðið í forkaups-
réttarútboðinu var 38 krónur.
Heildarsöluverðmæti kvótans, sem
tilboðum var tekið í á stjómarfund-
inum í gær, er 102,6 milljónir.
Að sögn Hinriks Greipssonar,
ritara stjómar Hagræðingarsjóðs,
verða gíróseðlar sendir út nú þegar
til þeirra útgerða, sem tilboðum
var tekið frá. Frestur til að standa
skil á greiðslu rennur út 15. desem-
ber. „Það kemur í ljós 15. desem-
ber hversu margir greiða og þá
verður ákveðið á stjómarfundi
hvort boðið verður út aftur fljót-
lega eða hvort menn bíða með.
næsta skammt fram í febrúar eða
marz,“ sagði Hinrik í samtali við
Morgunblaðið.
Hann sagði að boðið verð hefði
að mati stjórnarinnar verið ásætt-
anlegt í öllum tegundum nema
skarkola og hefði ekki öllum boð-
um í skarkolakvóta verið tekið.
Sjá töflu á miðopnu.
Kísiliðjan við Mývatn
Framleiðslu
hætt um sinn
STJÓRN Kísiliðjunnar hefur
ákveðið að hætta framleiðslu kís-
ilgúrs í tvo mánuði, frá deseinber
til loka janúar, vegna mikilla
birgða.
Starfsfólki var kynnt þessi
ákvörðun í gær og var sátt um
hana, að sögn Friðriks Sigurðsson-
ar, framkvæmdastjóra Kísiliðjunn-
ar. Engum verður sagt upp en
starfsfólkið er hvatt til þess að taka
út sín vetrarfrí á þessu tímabili, og
vaktafólk mun starfa á dagvöktum
við viðhald verksmiðjunnar.
Framleiðsla í verksmiðjunni á að
hefjast á ný í febrúarbyijun. Pétur
Sigurðsson stjórnarformaður sagði
að verksmiðjan gæti framleitt það
sem hún gæti selt af kísilgúr á
hveiju ári á innan við 40 vikum.
Bensíngjald hækk-
að um 1,50 krónur
Bensínverð hækkar um 1,60 til 1,80 kr.
BENSÍNGJALD hækkaði um mánaðamótin um 1,50 krónur, samkvæmt
reglugerð sem fjármálaráðuneytið gaf út á mánudag og tók gildi í
gær. Þessi hækkun er hluti af efnahagsaðgerðum ríkisstjórnarinnar,
sem kynntar voru fyrir rúmri viku. Bensínverð hækkar í dag um 1,60
til 1,80 krónur af þessum sökum, eða um 2,6-2,7% eftir styrkleika en
hækkun bensíngjalds leiðir til hækkunar virðisaukaskatts á bensíni.
Eftir hækkunina kostar 92 oktana
bensín 60,30 krónur hjá Olíufélagi
íslands en 60,40 hjá Olís og Skelj-
ungi. 95 oktana bensín kostar í dag
63,30 hjá Skeljungi en 63,40 hjá
Olíufélaginu og Olís. Þá kostar 98
oktana bensín 67,30 krónur hjá Olís
og 67,60 hjá Olíufélaginu og Skelj-
ungi.
Þótt reglugerð ráðuneytisins hafi
tekið gildi í gær barst olíufélögunum
ekki vitneskja um hana fyrr en í
gær, sama dag og bensíngjaldið
hækkaði. Kristinn Bjömsson for-
stjóri Skeljungs sagði að ekki hefði
verið hægt að koma þessari hækkun
við fyrr en í dag. „Við vissum um
fyrirhugaða hækkun gegnum fjöl-
miðla en það var aldrei tiltekið hve-
nær hún ætti að verða,“ sagði Krist-
inn. Hann sagði aðspurður að sér
kæmi ekki til hugar að ætla að olíu-
félögunum yrði gert að standa skil
á bensíngjaldshækkuninni til ríkis-
sjóðs þennan dag áður en þau hefði
haft tök á að hækka olíuverðið.
Snorri Olsen, deildarstjóri tekju-
deildar fjármálaráðuneytisins sagði
við Morgunblaðið, að hækkun bens-
íngjalds kæmi til framkvæmda þeg-
ar reglugerð þar um tæki gildi og
væri óháð útsöluverði á bensíni. Olíu-
félögunum væri því í sjálfsvald sett
hvort þau tækju á sig tiltekna hækk-
un eða ekki. Snorri sagðist í gær-
kvöldi þó ekki geta sagt til um hvort
tekið yrði á annan hátt á þessu
máli og venjulega.
Samkvæmt fjárlagafrumvarpinu
á bensíngjald að hækka um 2 krón-
ur til viðbótar um áramót.