Morgunblaðið - 02.12.1992, Blaðsíða 23
MORGUNBLAÐIÐ MIÐVIKUDAGUR 2. DESEMBER 1992
Atvinnuleysi eykst
víðast hvar á landinu
í NÝLIÐNUM mánuði fjölgaði atvinnulausum enn. í Reykjavík
voru 1.996 skráðir atvinnulausir 1. desember og hafa ekki verið
fleiri áður. Árin 1968 og 69 var atvinnuleysi einnig mikið, um 2,5%.
Fjöldi atvinnulausra jókst um 260 í síðasta mánuði og um 1.350
miðað við 1. desember í fyrra. Mest virðist atvinnuleysið vera
meðal verslunar- og verkafólks. Víðast er sömu sögu að segja, með
hveijum mánuði fjölgar þeim sem láta skrá sig án atvinnu og lítið
er um ráðningar. Starfsfólk vinnumiðlana segir að bágborið at-
vinnuástand komi harðast niður á eldra fólki og því sem hefur
skerta starfsgetu. Erfiðlega gangi að finna störf fyrir þennan hóp
en mest af því sem bjóðist sé erfiðisvinna.
Félagsmálaráðuneytið tekur
næstu daga saman tölur um at-
vinnuleysi á landinu í síðasta mán-
uði. Morgunblaðið hafði samband
við ráðningarstofur og bæjarskrif-
stofur á ýmsum stöðum og fékk
að vita hvernig ástand hefði verið
nú um mánaðamótin.
í höfuðborginni voru 1.996
manns skráðir atvinnulausir í gær,
1.087 konur og 909 karlar, en
þetta þýðir ríflega 3% atvinnuleysi
í Reykjavík. Fyrir 22 árum nálgað-
ist hlutfall atvinnulausra borg-
arbúa þennan topp, var 2,5%. En
1. desember í fyrra voru 646 skráð-
ir án vinnu. í gær bættust 86
manns á lista Ráðningaskrifstof-
unnar en 24 komust í vinnu eða
mættu ekki til vikulegrar skráning-
ar.
Einungis þeir sem rétt eiga á
atvinnuleysisbótum eru skráðir og
mest verslunar- og verkafólk.
Þannig eru 359 verkamenn í Dags-
brún skráðir án atvinnu, 121
verkakona í Framsókn, 94 konur
og 10 karlar í Sókn, starfsmanna-
félagi sjúkrahúsa, og 377 konur
og 170 karlar í Verslunarmannafé-
lagi Reykjavíkur. Fyrir mánuði
voru 1.734 á atvinnuleysisbótum í
Reykjavík en meðaltal mánaðarins
var 1.526 manns. Það er 1.183
mönnum meira en í október 1991.
í Hafnarfirði voru 207 skráðir
án atvinnu um mánaðamótin og
hafa 38 bæst í hópinn síðan í
októberlok. Atvinnuátak sem fært
hefur um 40 Hafnfirðingum vinnu
síðan í lok september endar vænt-
anlega um áramót. Um fjórðungur
þeirra sem eru á lista vinnumiðlun-
arinnar hafa læknisvottorð um
skerta starfsgetu og þola ekki úti-
vinnu. Þetta fólk er oft nokkuð
lengi án vinnu að sögn starfsfólks,
en minnst er um ráðningar elsta
fólksins.
Ástand svipað á
nokkrum stöðum
Á Akranesi er nú svipað ástand
og um síðustu mánaðamót, á föstu-
daginn voru 169 manns á atvinnu-
leysisskrá þar en 170 í októberlok.
Atvinnuleysi á nokkrum stöðum í október
og nóvember
ísafjörður Sauðárkr.
Okt. 28 Okt. 32
Nóv. 15 Nóv. 50
Keflavík Hafnarfj.
Okt. 220 Okt. 177
Nóv. 239 Nóv. 207
Fyrir ári voru 75 á skrá. Á ísafirði
eru nú 15 manns atvinnulausir, þar
af 13 karlar. Þeir eru flestir verka-
menn og nokkrir vörubílstjórar. Þeg-
ar vinnslustopp varð í rækjuverk-
smiðjum staðarins nýlega fór tala
atvinnulausra upp í 30 en venjulegt
var áður að 4-5 manns væru á skrá.
Á Egilsstöðum eru nú nærri 30
manns skráðir atvinnulausir, nokkuð
fleiri en fyrir mánuði þótt meðaltals-
ijöldi atvinnulausra í október hafi
verið 36.
Á Sauðárkróki eru nú 50 manns
án atvinnu, en voru 44 í lok októ-
ber. Fyrir ári var 41 skráður án at-
vinnu í bænum. Á Akureyri voru 368
manns án vinnu um mánaðamótin,
en atvinnuátaki lauk þar nýlega.
Meðan á því stóð fengu um 90 manns
vinnu í tvo mánuði. í október voru
192 manns atvinnulausir að meðal-
tali á Akureyri.
í gær voru 106 Selfyssingar á
atvinnuleysisskrá, en þeir voru 83 í
lok október. Meðaltalsfjöldj þann
mánuð var 72 atvinnulausir. í byijun
desember 1991 gengu 49 um at-
vinnulausir á Selfossi. í Keflavík
voru 239 manns á skrá um mánaða-
mótin, en meðaltal í október var
220. Talan hefur verið breytileg
milli vikna, þokast þó upp á við eins
og víðast.
Tekjuöflunaraðgerðir ríkisstj órnarinnar
Ágreiningur um niðurskurð og
jöfnun húshitunarkostnaðar
RÍKISSTJÓRNIN fjallaði í gær
um tekjufrumvörp fjármálaráð-
herra vegna afgreiðslu fjárlaga-
frumvarps og að fundinum lokn-
um kom þingflokkur sjálfstæðis-
manna saman þar sem fjallað
var um tekjuöflunaraðgerðir
ríkisstjórnarinnar. Ekki hefur
fengist endaleg niðurstaða um
einstakar breytingar og tals-
verður ágreiningur er meðal
þingmanna, einkum varðandi
jöfnun húshitunarkostnaðar í
kjölfar 14% álagningar virðis-
aukaskatts á húshitun en víðtæk
samstaða mun þó vera að nást
Morgunblaðið/Ingvar
Varð fyrir bíl
Fjórtán ára drengur varð fyrir bíl á Háholtsvegi í Mosfellsbæ í gær
og er talið að hann hafi fótbrotnað. Drengurinn var að koma út úr
rútu. Gekk hann fram fyrir rútuna og varð þar fyrir bíl sem kom
aðvífandi. Drengurinn var fluttur á slysadeild.
um aðrar breytingar á virðis-
aukaskattskerfinu og fyrirhug-
aðar breytingar á tekjuskatti,
samkvæmt upplýsingum Morg-
unblaðsins.
Friðrik Sophusson fjármájaráð-
herra sagði í gær að verið væri
að koma tekjuskatts- og virðis-
aukaskattsfrumvörpum í endan-
legt form en umræðum um þau
verður haldið áfram í ríkisstjórn á
morgun. Einstök frumvörp með
þessum breytingum koma svo fram
á Alþingi þegar samkomulag hefur
náðst um þær í ríkisstjórn og þing-
flokkum hennar en samkvæmt
starfsáætlun þingsins á önnur
umræða um fjárlagafrumvarpið að
hefjast næstkomandi þriðjudag.
Þingflokkur sjálfstæðismanna
kemur aftur saman í dag til að
fjalla um aðgerðirnar en umræðan
að undanförnu hefur einkum snúist
um jöfnun húshitunarkostnaðar á
landsbyggðinni. Að sögn Friðriks
hefur fjárlagafrumvarpið að
geyma 347 millj. kr. framlag til
niðurgreiðslu á rafhitun og auk
þess hafi verið gert ráð fyrir sér-
stöku framlagi að fjárhæð 80 millj.
kr. til niðurgreiðslu á húshitun á
„köldum svæðum" í tengslum við
breytingar á virðisaukaskatti. Enn
hefði ekki verið tekin ákvörðun um
hvernig fénu verður dreift en hann
sagði að þetta mál ætti þó að verða
frágengið fyrir vikulok.
Ríkisstjórnin hefur ekki heldur
náð samkomulagi um endanlegar
tillögur um niðurskurð ríkisút-
gjalda upp á 1.240 milljónir króna
og er það ennþá í vinnslu hjá ein-
stökum ráðherrum en það mun
eingöngu vera 240 millj. kr. sparn-
aður í landbúnaðarráðuneytinu og
um 300 millj. kr. spamaður í fé-
lagsmálaráðuneytinu sem ekki er
samstaða um.
2i
ÚLPUR
GALLAR
adidas
MIKIÐ ÚRVAL
FRÁBÆRT VERÐ
GAP
G.Á.PETURSSON HF.
NÚTÍÐINNI, FAXAFENI 14
SÍMI 68 55 80