Morgunblaðið - 06.03.1999, Blaðsíða 2

2 LAUGARDAGUR 6. MARZ 1999
MORGUNBLAÐIÐ
FRÉTTIR
Góð aflabrögð hafa verið hjá frystitog-
urum Samherja að undanförnu
Aflaverðmætið
um 180 millj. kr.
ÁGÆT aflabrögð hafa verið hjá
frystitogurum Samherja hf. að und-
anförnu, á miðunum fyrir suðvestan
land. Þrjú skip félagsins komu til
löndunar í Reykjavík í vikunni og
var aflaverðmæti þeirra samtals um
180 milljónir króna.
Akureyrin EA landaði 575 tonn-
um og var aflaverðmæti skipsins
um 60 milljónir króna. Víðir EA
landaði 388 tonnum og var afla-
verðmætið um 46 milljónir króna.
Þá landaði Baldvin Þorsteinsson
EA 660 tonnum og var aflaverð-
mætið um 71 milljón króna. Skipin
voru öll í um einn mánuð á veiðum,
aflinn var blandaður en uppistaðan
karfi.
Reyna við úthafskarfann
Þorsteinn Vilhelmsson, fram-
kvæmdastjóri útgerðar Samherja,
sagði að skipin færu aftur til veiða á
svipaðar slóðir en í apríl myndu þau
reyna við úthafskarfann á Reykja-
neshrygg.
Þá var nótaskip félagsins, Þor-
steinn EA, á landleið í gær með full-
fermi af loðnu, rúmlega 1.000 tonn.
Að sögn Þorsteins Vilhelmssonar
fannst ný loðnuganga við Lónsbugt,
þar sem skipið fyllti sig.

Morgunblaðið/Kristinn
Farmur af súráli til Norðuráls þremur vikum á eftir áætlun
ÍSAL býðst til að lána
súrál til framleiðslunnar
KOMA skips sem flytja á súrál fyrir álver Norðuráls í Hvalfirði hefur tafist
um þriggja vikna skeið, með þeim afleiðingum að súrálsbirgðir álversins
eru brátt á þrotum. Björn S. Högdal, framkvæmdastjóri Norðuráls, segir
að álverið geti enn um sinn stuðst við súrálsbirgðir sem er að finna í súráls-
geymi þess en mönnum sé illa við að fara þá leið. Því hafi verið óskað eftir
liðsinni ÍSAL sem samþykkti síðdegis í gær að lána fyrirtækinu súrál, verði
frekari dráttur á komu skipsins.
Skipið átti að koma hingað til
lands 15. febrúar síðastliðinn en
brottfór þess frá Suður-Ameríku
tafðist vegna tafa við lestun skipsins.
Það hreppti síðan vont veður á sigl-
ingunni sem olli enn frekari töfum.
Súrál brotið úr geymi
„Skipið lenti í erfiðleikum
skammt frá Bretlandseyjum og
þurfti að leita vars við írland. Það
er nú á leiðinni en fer hægt vegna
óhagstæðs veðurs,“ segir Bjöm.
Hann segir að farmur skipsins sé
um 25 þúsund tonn af súráli og hafi
það verið lestað í Súrínam í Suður-
Ameríku. Síðustu fregnir af því
benda til að það komi í höfn hér-
lendis annað kvöld, sunnudags-
kvöld, en hins vegar hafi verið til-
kynnt um seinkanir alla síðustu
daga, þannig að ekki sé víst að sú
áætlun standist.
„Við erum með 40 þúsund tonna
súrálsgeymi. Fyrir hvert tonn af
málmi sem við framleiðum þurfum
við tvö tonn af súráli, þannig að mið-
að við fullan geymi og eðlileg afköst
getum við framleitt 20 þúsund tonn
af áli, sem jafngildir fjögurra mán-
aða framleiðslu. Okkur er illa við að
fara neðar en í miðjan geyminn, en
skorturinn nú hefur þau áhrif að við
verðum að fara dýpra ofan í geyminn
en okkur þykir heppilegt.
Þá komum við niður að áli sem
hefur verið þar kannski svo mánuð-
um skiptir og er harðnað. Það er
erfitt að ná því upp og þarf að senda
menn ofan í geyminn til að brjóta
það frá með handafli. Þetta ástand
skapar því mikla erfiðleika fyrir okk-
ur. Við eigum þó nóg súrál til að
halda áfram næstu daga,“ segir
Björn.
ÍSAL sendi Norðuráli staðfest-
ingu þess síðdegis í gær að fyrir-
tækið væri tilbúið að lána súrál,
lendi Norðurál í venilegum erfið-
leikum sökum súrálsskorts.
Hlýhugur og víðsýni ÍSAL
Björn segir að framleiðslustjóri
álversins hafi góð tengsl við for-
ráðamenn ÍSAL og hafi haft sam-
band við þá vegna málsins. Niður-
stöðurnar séu fagnaðarefni. Hann
kveðst afar þakklátur forráðamönn-
um ÍSAL fyrir ákvörðun sína. „Við
kunnum vel að meta þann hlýhug og
víðsýni sem þetta tilboð endur-
speglar," segir hann.
„Við höfðum metið stöðuna svo að
við þyrftum jafnvel að skerða fram-
leiðsluna þar til ástandið skánaði,
en nú er ljóst að við getum haldið
áfram án erfiðleika. Ef frekari tafir
verða á siglingu skipsins þurfum við
að hefja umfangsmikla landflutn-
inga á súráli frá ISAL til Norðuráls,
en þess gerist þó ekki þörf á meðan
við eigum enn leifar af súráli eftú-.“
Prinsessa í
Höllinni
ÞAÐ VAR handagangur í öskj-
unni í Laugardalshöll í gær þegar
Iistrænir stjórnendur, Smfóníu-
hljómsveit íslands, Kór íslensku
óperunnar og einsöngvarar unnu
að undirbúningi „tónleikasýning-
ar“ á hinni nafnkunnu óperu Gi-
acomos Puccinis um Turandot
prinsessu. Hefst flutningurinn kl.
16 í dag.
Á þriðja hundrað manns tekur
þátt í uppfærshumi, þar á meðal
níu einsöngvarar frá Ijórum lönd-
um. Helstu lilutverk, Turandot
prinsessa og Calaf prins, eru í
höndum ungversku sópransöng-
konunnar Veroniku Fekete og
tenórsöngvarans Daniels Munoz
frá Argentínu.
Aðalhljóinsveitarstjóri Sinfón-
íuhljómsveitarinnar, Rico Saccani,
mun stjórna flutningnum og á
meðfylgjandi mynd sést hann
leggja línurnar með sínu fólki.
Afl ástarinnar/Lesbók 8.
Flestir fá
inflúensu A
UNDIR lok síðasta mánaðar
höfðu greinst 73 tilfelli af inflú-
ensu A hjá Rannsóknastofu
Háskólans í veirufræði en fjög-
ur af inflúensu B. Sýni eru
send til rannsóknar þar bæði
frá heimilislæknum og sjúkra-
húsum.
Ekki nýir stofnar
Haraldur Briem sóttvarna-
læknir segir að hér sé um
þekkta stofna að ræða.Hann
segir langflesta gi-einast með
inflúensu A en bólusett er við
báðum tegundunum í senn.
Haraldur segir tilfellum eitt-
hvað að fækka og telur að það
mesta sé gengið yfir. Hann
segir meirihluta þeirra sem
veikjast vera fólk yfir sextugu.
Hafnfirðing-
ur vann 10
milljónir
HAFNFIRÐINGUR fékk tíu millj-
óna króna happdrættisvinning þegar
dregið var í þriðja flokki Happdrætt-
is SIBS í gær.
Að sögn Helgu Friðfinnsdóttur,
framkvæmdastjóra happdrættisins,
kom vinningurinn í hlut einstaklings
sem hafði fulla þörf fyrir hann.
Vinningurinn var sá hæsti sem
dreginn var út í happdrættinu og
koma á miða sem var seldur í um-
boðinu í Hafnarfirði.
Morgunblaðið/Guðmundur Óla
Bílvelta
á Suður-
landsvegi
JEPPABIFREIÐ með kerru
valt á Suðurlandsvegi við
Sandskeið um miðjan dag í gær.
Miklar skemmdir urðu á
bifreiðinni og kerrunni, en
ökumaðurinn, sem var einn í
bifreiðinni, slapp án teljandi
meiðsla. Talið er að kerran hafi
verið of þung og átt sinn þátt í
óhappinu, en á henni var bifreið
til akstursíþrótta.
Fylgstu
með
nýjustu
fréttum
www.mbl.is
Vala Flosadóttir segir silfrið á ;
HM hátindinn til þessa /C1 •
Ökumenn Mc Laren í sérflokki;
í Formúlu 1 /C3 ;
OllrLyimiúiiiiitOlOTÍro
í dag
m séur
A LAUGARDÖGUM
¥ I7CI¥#A
hbh mt-e: ■ moiu.i
jUNBIAÐSINS
IIA