Morgunblaðið - 06.03.1999, Blaðsíða 24

24 LAUGARDAGUR 6. MARZ 1999
MORGUNBLAÐIÐ
ÚR VERINU
„Nauðsynlegt að breyta
áherzlum í rekstri SH“
Morgunblaðið/Sigurgeir
LOÐNAN er enn fryst þótt smá sé, en hroguavinnsla er nú lítil sem
engin. Hér er verið að frysta hjá ísfélaginu í Vestmannaeyjum.
Hrognavinnslan
lítil síðustu daga
Loðnuveiðin orðin treg í gærdag
RÓBERT Guðfínnsson, stjórnar-
formaður Þormóðs ramma - Sæ-
bergs og stjórnarmaður í SH, hef-
ur ákveðið að bjóða sig fram til
formanns stjórnar Sölumiðstöðvar
hraðfrystihúsanna á aðalfundi fé-
lagsins næstkomandi þriðjudag.
Núverandi formaður stjórnarinnar
er Jón Ingvarsson og hefur hann
gegnt formennskunni um árabil.
Þormóður rammi - Sæberg er
stærsti hluthafinn í SH með
15,65%. Næstu stóru hluthafarnir
eru Utgerðarfélag Akureyiinga
með 15,58% og Sigurður Agústs-
son hf., Haraldur Böðvarsson hf.
og Grandi hf., öll með um 8%.
Róbert segir í samtali við Morg-
Róbert Guðfínns-
son býður sig fram
til formanns
stjórnar SH
unblaðið, að það sé alveg ljóst að
með kaupum Þonnóðs ramma -
Sæbergs á hlutafé í SH hafí það
verið ætlunin að ná auknum áhrif-
um á stjórn og stefnu félagsins.
Það sé nauðsynlegt að breyta
áherzlum í rekstrinum og einhver
hafi orðið að taka af skarið. Hann
segist sjálfur ekki skipta þar meg-
inmáli, aðalatriðið sé að tekið sé á
málunum. Núverandi forysta hafi
ekki tmverðuga stefnu í þeim mál-
um.
Róbert vill ekki tíunda það í
hverju óánægjan með núverandi
forystu felist, en leggur áherzlu á
að fyrirtæki eins og SH eigi að
vera öflugt og framsækið. Hann
segir óánægjuna ekki beinast að
afkomu síðasta árs. Þar sé um að
ræða þætti, sem erfitt hafi verið að
ráða við, eins og efnahagsástandið
í Rússlandi og taprekstur í Bret-
landi. Það sé stefnumörkun til
framtíðar sem skipti máli og SH
hafi alla möguleika til að verða í
fararbroddi fyrirtækja í markaðs-
setningu sjávarfangs á alþjóðleg-
um mörkuðum.
Breytingar
SH vegna
„Eg vona að menn fari í þessar
breytingar SH vegna,“ segir Ró-
bert. „Ef menn tiúa ekki á mál-
flutning minn í þessum efnum eiga
þeir ekki að greiða mér atkvæði.
Þeir eiga að greiða mér atkvæði
vegna þess að þær breytingar, sem
ég stend fyrir, séu eitthvað sem
þeir vilji fara eftir. Ef meirihluti er
hins vegar sáttur við félagið eins
og það er tekur bara einhver ann-
ar forystuna og leiðir það áfram í
þeirri stöðnun, sem það er í. Eg
býð mig fram sem stjórnarformað-
ur SH tii þess að koma á nauðsyn-
legum breytingum," segir hann.
Róbert bendir einnig á sem
dæmi um stöðu SH nú, að lítil sem
engin eftirspurn sé eftir hlutabréf-
um í félaginu. Það sýni einfaldlega
að markaðurinn hafi litla trú á því.
LOÐNUSKIPAFLOTINN var í gær
að veiðum við Stokknes en þar fengu
nokkur skip þokkalegan afla í fyrr-
inótt og í gærmorgun. Veiðin varð
hins vegai- heldur tregari þegar líða
fór á daginn að sögn Magnúsar Þor-
valdssonar, skipstjóra á Víkurbergi
GK, þegar Morgunblaðið ræddi við
hann í gær. „Það er slæðingur af
loðnu hér á tiltölulega smáu svæði en
hún er ekki í veiðanlegu ástandi.
Skipin fá aðeins 20-30 tonn í kasti,“
sagði Magnús.
Magnús sagði öll skipin að veiðum
á þessu svæði, enda hefðu engar
fréttir borist af veiði á vestari veiði-
svæðum. Hann sagði loðnuna smáa
og jafnvel enn smærri en þá loðnu
sem veiðst hefði til þessa. Hann sagði
flesta hafa gefið upp alla von um að
stærri loðna fengist á þessari vertíð.
Hrognfylling loðnunnai' sem nú
veiðist við Stokksnes er aðeins um
15% og því liggur hrognavinnsla al-
veg niðri. Hjá Borgey hf. á Horna-
firði var hins vegar verið að frysta
loðnu í gær en þar hafa verið fryst
samtals um 1.800 tonn, sem er um
fjórðungur þess sem fryst hefur ver-
ið hérlendis á vertíðinni. Halldór
Ámason, framkvæmdastjóri Borg-
eyjar, segir frystinguna hafa gengið
vel miðað við ástandið á vertíðinni.
Hann segir að þrátt fyrir smáa loðnu
berist enn pantanir frá japönskum
kaupendum. Engin hrognavinnsla
hefur verið hjá Borgey á vertíðinni.
Af loðnufrystingu Skinneyjar hf. hafa
samtals verið fryst um 2.300 tonn á
Homafirði á vertíðinni.
Utgerðarmaður Vatneyrar BA
Ekki verið yfírheyrður
RANNSÓKN vegna veiða Vatn-
eyrar BA umfram aflaheimildir
er nú á lokastigi að sögn Jóns
Snorrasonar hjá efnahagsbrota-
deild ríkislögreglustjóra. Hann
segir yfirheyrslum að mestu lok-
ið, en enn eigi þó eftir að yfir-
heyra Svavar Guðnason, útgerð-
armann skipsins. Það verði hins-
vegar gert í lok rannsóknarinn-
ar. Að rannsókn lokinni verði
tekin ákvörðun um hvort ákært
verði og þá hver verði ákærður í
málinu.
Svavar Guðnason segist sjálf-
ur enga skýringu kunna á því
hvers vegna hann hefur enn
ekki verið kallaður til yfir-
heyrslu. Hann segist sjálfur
hafa farið fram á slíkt hjá emb-
ætti ríkislögreglustjóra en þar á
bæ hafi menn borið fyrir sig
annir. „Málið virðist vera strand
hjá embættinu. Maður skyldi
ætla að þeir vildu hraða meðferð
málsins því ef ég vinn málið
kostar það ríkið háar fjárhæðir
vegna sekta fyrir hvern dag sem
skipið er bundið við bryggju.
Þeir virðast hins vegar vera
eitthvað að teygja lopann,“ segir
Svavar.