Morgunblaðið - 01.05.2005, Qupperneq 26

26 SUNNUDAGUR 1. MAÍ 2005 MORGUNBLAÐIÐ
ÞAÐ ER komið sumar við Vífils-
staðavatnið, flugan er komin á kreik
í blíðunni og fyllir brjóst veiðimanns
af væntingum um veiði. Það er í raun
merkilegt að aka svona stutta vega-
lengd og vera kominn alveg út úr
borginni, í tæra náttúruna þar sem
hægt er að fá sér vatnssopa úr
sprænum sem renna í vatnið; það
hlýtur að vera hreint því við austur-
enda þess eru vatnsból Garðabæjar.
Krían er komin, endur eru í hópum á
vatninu og á bakkanum undir hlíð-
inni norðaustan megin situr einn af
vorfuglum Vífilsstaðavatns og horfir
á afkvæmi sitt úti á vatninu.
Þetta eru þeir Þór Nielsen og son-
ur hans Sigurður Þór Þórsson í Arkó
sem vaðið hefur um tíu metra frá
landi og setur nú í bleikju á stöng
sem heitir Nielsen, í höfuðið á föður
hans.
Áratuga veiðireynsla í vatninu
Ég tylli mér við hliðina á Þór
Nielsen, sem veitt hefur manna mest
í vatninu, og við fylgjumst með Sig-
urði Þór þreyta bleikjuna. „Hann er
með engjafluguna eftir Jón heitinn
Petersen undir,“ segir Þór en hann
og Jón veiddu áratugum saman í
vatninu og löngu fyrir þann tíma að
fluguveiðimenn fóru að stunda það
að einhverju marki. Þótt engjaflug-
an, eða „rafmagnið“ eins og hún er
oft kölluð, sé firnasterk í Vífilsstaða-
vatni er þó önnur henni fremri að
mati Þórs: „Peter Ross er náttúrlega
alsterkasta flugan sem ég hef látið í
vatnið. Og mjó Watson Fancy með
kúlu og Herdís líka eftir Jón Sig-
urðsson.“
Þór er greinilega hógvær því hann
nefnir ekki eina sterkustu fluguna í
vatninu sem heitir eftir því, Vífó grá,
og er eftir hann sjálfan. Þegar ég
nefni hana spyr Þór kurteislega
hvort hún hafi ekki gefið mér og
verður ánægður þegar ég upplýsi að
ég hafi oft fengið feiknagóða veiði á
hana og reyni hana undantekning-
arlaust.
„Ég byrjaði að veiða hérna í Vífils-
staðavatni fyrir um 30 árum. Þá
hljóp ég þarna yfir girðinguna og tók
fjóra fiska og hljóp síðan aftur yfir
girðinguna því Helgi læknir á Vífils-
stöðum varð alveg brjálaður því ég
var að stelast í vatnið. Hann leyfði
engum að veiða í vatninu nema sjúk-
lingunum. Þetta var um tíma kallað
„Berklavatnið“ en það var mesti mis-
skilningur því fiskurinn hér er af-
bragðs matfiskur.“
Þór segir að þegar hann hafi byrj-
að að veiða í Vífilsstaðavatninu hafi
það ekkert verið stundað. „Það var
ekki kjaftur hérna, þeir máttu veiða,
sjúklingarnir hérna. En ég og Nonni
Pet erum búnir að veiða saman
hérna í fjölda, fjölda ára. Við vorum
einu sinni þarna undan bílastæðun-
um [norðan til] 20. apríl og vorum að
nálgast 100 fiska um tólfleytið eftir
að hafa byrjað að veiða um átta.“
En hvaða flugur þarf sá að hafa se
reynir fyrir sér í vatninu?
„Ef maður á þessar flugur, Peter
Ross, engjafluguna, Herdísi, Vífó
gráa og Watson Fancy þá á það að
vera nóg. Þetta eru þær pöddur sem
hafa reynst okkur vel en Tailor og
Peacock eru ekki eins sterkar hérna
og í Elliðavatni,“ segir Þór og bætir
við að hann noti mest stærð 12 og svo
fjórtán og sé með stangarlengd í
taum eða tæplega það. Þurrflugu
notar hann líka, einkum litla rauð
eftir Jón Petersen.
Þór vill helst hafa veðrið stillt og
hlýtt og ekki verra ef það er bjart.
Sólin er tekin að lækka á lofti og
vindur farinn að blása aðeins í fangið
á okkur en þótt Sigurður hafi nú
fengið tvær bleikjur er þetta hvorki
sá staður við vatnið né sá tími sem
Þór og Sigurður kjósa sér helst á
vorin. „Ég vil vera á bökkunum
sunnan megin og að morgninum,“
segir Þór. „Við Siggi höfum mokveitt
þar. Bleikjan er stutt frá landi þar,
maður á helst ekki að vaða heldur
byrja að kasta af bakkanum og
kannski rétt aðeins að færa sig út í.
En hérna undir hlíðinni er eiginlega
besti hauststaðurinn í vatninu. Torf-
urnar kom hérna að í ágúst en bleikj-
an hrygnir hér.“
Þór segist kjósa að veiða á morgn-
ana á vorin, kvöldveiði gefist þá ekki
eins vel þótt hún geri það á haustin.
Þór og Sigurður Þór hafa veitt sam-
an í vatninu í um áratug en sjálfur
veiddi Þór einnig með föður sínum í
Vífilsstaðavatni.
Aflanum ekið í fiskbúðir
„Einu sinni var ég á bökkunum
þarna sunnan megin í júlí með
pabba. Yfirleitt er ekki veiði þar í júlí
en við fengum 220 bleikjur yfir dag-
inn, frá sjö til sjö. Allt á Peter Ross.
Svo fór ég morguninn eftir og tók
hundrað. Svo ætlaði ég að fara aftur
en þá fékk ég ekki neitt. Konan mín
kom með bala að ná í aflann og keyra
hann í fiskbúðir.“
Sigurður veður í land með bleikj-
urnar tvær. „Þú hefðir fengið fleiri ef
vindurinn hefði ekki farið að snúa
sér beint á móti þér. En það er ekki
öngullinn í rassinum að minnsta
kosti, það er ágætt,“ segir Þór.
„Það var gaman að fá þennan,“
segir Sigurður Þór og bendir á aðra
bleikjuna. „Ég hélt að þetta væri
stærri fiskur því þetta var dálítið góð
taka. Við tileinkum Jóni Petersen
þessa fiska,“ segir Sigurður Þór og
Þór tekur strax undir það.
Sigurður Þór segist hafa veitt
mikið á þessum stað á árum áður en
hann komist þó minna núorðið vegna
anna. En líkt og Þór kýs hann helst
að vera sunnanmegin að morgni til á
vorin. „Þá þarf maður ekki að vera
að vaða út, hún er bara svo að segja
við tærnar á manni.“
Sigurður Þór man vel eftir met-
veiði pabba síns og afa sem Þór
greindi frá. „Þá voruð þið með bala
var það ekki, bleikan bala. Svo var
bara brunað með þetta í fiskbúðina.
Þetta var rosalegt,“ segir Sigurður
Þór og hlær.
STANGVEIÐI | Veitt með Þór Nielsen og Sigurði Þór Þórssyni
Með bleikan bala
við Vífilsstaðavatn
Morgunblaðið/Golli
Sigurður Þór og Þór Nielsen á bökkum Vífilsstaðavatns. „Konan mín kom með
bala að ná í aflann og keyra hann í fiskbúðir.“
Eftir Arnór Gísla Ólafsson
arnorg@mbl.is
AÐ ÞESSU sinni er veitt með feðg-
unum Þór Nielsen og Sigurði Þór. Þór
Nielsen er löngu landsþekktur veiði-
maður og fluguhnýtari og er höfundur
margra sterkra flugna. Þór starfar í
Arkó veiðivörum.
Sigurður Þór og kona hans eiga og
reka verslunina Arkó veiðivörur að
Krókhálsi 5g en Sigurður er einnig mik-
ill hnýtari. Sigurður Þór er einnig fram-
kvæmdastjóri Nielsen Group sem hóf
að framleiða Nielsen flugustangirnar og
veiðibúnað fyrir um þremur árum síðan
en þær hafa selst vel hér á Íslandi en nú
er farið að selja Nielsen Fishing Gear í
bæði Danmörku og Svíþjóð.
Höfundar flugna og stanga