Tímarit lögfræðinga - 01.04.1955, Blaðsíða 60
Á víð og dreif.
Frá lagadeild Háskólans.
Nýr prófessor og breytt tilhögun á kennslu.
Þess hefir áður verið getið, að s.l. vor lét prófessor
Ólafur Lárusson af störfum við deildina eftir langt og
farsælt starf þar. Hr. Magnús Þ. Torfason, fulltrúi borg-
ardómara, var skipaður í embætti dr. ólafs hinn 7. júlí s.l.
Jafnframt urðu nokkrar breytingar á tilhögun kennsl-
unnar. Er það helzt, að Magnús tekur við aðeins nokkrum
hluta kennslugreina dr. Ólafs, þ. e. samningum, kröfurétti
og skaðabótarétti. Prófessor Ólafur Jóhannesson tekur við
kennslu eignarréttar og veðréttar (hlutaréttar, sem fyrr-
um var nefnt). Theodór B. Líndal prófessor, sem s.l. ár
hafði á hendi kennslu samninga og skaðabótaréttar, lætur
af þeirri kennslu og tekur við réttarfari. Ármann Snævarr
prófessor var við framhaldsrannsóknir við Harvardhá-
skóla og víðar s.l. vetur. Hann hefir með höndum sömu
greinir og áður, þ. e. refsirétt, sifja-, erfða- og persónu-
rétt, auk kennslu í almennri lögfræði. Að nokjíru mun
prófessor Magnús Torfason þó hafa á hendi kennslu al-
mennrar lögfræði.
Fyrirhugað er, að haldin verði námskeið fyrir stúdenta,
unga lögfræðinga, ýmsa starfsmenn i opinberri þjónustu
og þá, sem hug hafa á að leggja sh'k störf fyrir sig. Ólafur
Jóhannesson prófessor mun sjá um námskeið þetta, ef
úr verður.
Loks hefir dr. Ólafur Lárusson prófessor emer. tekizt
á hendur, eftir tilmælum Háskólaráðs, að kenna réttarsögu.
Prófi í lögfræði luku í maí s.l. samkv. hinni nýju reglu-
gerð:
122