Tímarit lögfræðinga - 01.04.1955, Blaðsíða 34

„Frigidaire" hefði þegar fyrir árið 1930 — en þá var
merkið skráð — verið almennt tákn rafknúinna kæliskápa.
Til stuðnings þessu sjónarmiði voru ýmis vottorð. M. a.
taldi félag háskólalærðra arkitekta og samband blaða-
manna, að orðið „Frigidaire" hafi verið almennt notað sem
tákn á rafknúnum kæliskápum, þegar það var skráð. Nokk-
urnveginn sömu skoðun lét Fasteignaeigendafélag Kaup-
mannahafnar í Ijós. Iðjuráðið taldi á hinn bóginn líklegt,
að almenningur muni sennilega hafa talið orðið „Frigi-
daire“ tákna kæliskápa handa heimilum, þegar merkið
var skráð, en ekki kælikerfi, er umfangsmeiri voru. Hvorki
So- og Handelsretten, en þar var málið fyrst dæmt, né
Hæstiréttur töldu þó sannað, að almenningur hafi skilið
orðið ,,Frigidaire“ sem almennt tákn á rafknúnum kæli-
skápum, þegar það var skráð vörumerki. Skráning vöru-
merkisins „Frigidaire" var því dæmd lögmæt. Auk þess
dæmdi So- og Handelsretten, að merkið „Frigerator" skyldi
afmáð. Rökin vcru þau, að það væri of líkt orðinu „Frigi-
daire“. En Hæstiréttur var ekki á sama máli. Hans sjónar-
mið var, að stofn orðsins ,,Frigidaire“, þ. e. „frigid“, leiði
hugsunina að kælibúnaði, og líking orðanna væri sú ein.
Ijrslitin lurðu þau, að orðið „Frigerator“ nyti réttarvernd-
ar jafnhliða hinu skráða orði „Frigidaire“.
Annað dæmi má nefna: So- og Handelsretten kvað upp
dóm, sem er að finna í U.f.R. 1954, bls. 124. Deilt var um
orðin „Vacreator“ annarsvegar, en hinsvegar orðið „Vac-
umator“. Hvorttveggja merkið var skráð vörumerki fyrir
tæki til að aflofta (udlufte) rjóma og mjólk. Sækjandi, sem
átti rétt á orðinu ,,Vacreator“, viðurkenndi, að merkið fæli
í sér lýsingu, enda ber orðið með sér, á hvern hátt tækið
vinnur, þ. e. að það skapar (creates) eða býr til tóm. Varn-
araðili bar það fyrir, að orðið „Vacreator“ hlyti, eins og á
stæði, að vera mjög veikt merki, enda væri það aðallega
merki, sem fæli í sér lýsingu alveg á sama hátt og merkið
„Vacumator“ benti til þess eiginleika að búa til (make)
tóm. Sö-ogHandelsretten féllstáþetta sjónarmiðog létorðið
96