Vera - 01.02.2005, Blaðsíða 23

Þegar skipta
þarf um
pabbahelgi
SAGA ÚR SAMSETTRI FJÖLSKYLDU
» Þegar rætt er um fjölskylduna hættir okkur til að hugsa um hina klassísku
En fjölskyldur eru fjölbreytilegri og flóknari
en það. Foreldrar margra barna búa ekki saman, heldur með öðrum eða þriðja
maka og er samsett fjölskylda því veruleiki margra. Hér er lítið dæmi úr þeim
veruleika.
Ég á tvö yndisleg börn með jafnmörgum
mönnum en þeir lieyra báðir fortíðinni
til. Eins og gengur og gerist gekk nýr
maður inn í líf mitt og honum fylgir son-
ur hans sem dvelur hjá okkur aðra hverja
helgi og rúmlega það. Saman myndum
við fimrn manna fjölbreytta íjölskyldu
sem hefur náð ótrúlegum árangri síðast-
liðin þrjú ár í að verða samheldin íjöl-
skylda.
Það fer samt ekki fram hjá okkur að
íjölskyldumálin geta verið snúin og ein-
faldar ákvarðanir geta átt flókið ákvarð-
anaferli að baki. Ef fjölskyldunni er t.d.
boðið í afmæli þær helgar sem börnin
okkar eru stödd hjá hinum foreldrunum
þarf a.m.k. að hringja þrjú símtöl. At-
huga þarf hvort hinir foreldrarnir geti séð
af börnurn sínum nokkrar klukkustundir
„þeirra” helgi. Stundum tekst að ná lend-
ingu og stundum ekki. Og símtölin eru
jafnvel fleiri, þó þau snerti okkur ekki
beint, því hinir foreldrarnir eiga einnig
nraka og þeir makar eiga börn með fyrr-
verandi mökum.
Hér er eitt dæmi: Fyrir nokkru vildi
barnsfaðir minn skipta urn pabbahelgi.
Ég og maðurinn minn höfðurn börnin
hjá okkur sömu helgar og þurftum því að
athuga hvort hinir foreldrarnir gætu
skipt um helgi. Ég athugaði með hinn
barnsföður minn og maðurinn minn at-
hugaði málin hjá barnsmóður sinni. Þá
fóru málin að vandast því barnsmóðir
hans er í sambúð með rnanni sem á þrjú
börn með jafnmörgum konum. Hann
hefur börnin hjá sér sömu helgi og hefði
eflaust þurft að ræða við allar barnsmæð-
ur sínar. Málin gengu aldrei svo langt því
okkur féllust hreinlega hendur. Einföld
fyrirspurn hefði haft áhrif á ótal fjöl-
skyldur sem við þekkjum ekki. Og hvers
vegna ætti eitthvað bláókunnugt fólk út í
bæ að vilja skipta urn pabbahelgi af því
það hentar betur einhverjum sem það
þekkir ekki?
vera / 1. tbl. / 2005 / 23