Árbók VFÍ/TFÍ - 01.06.2009, Blaðsíða 160

sinnum á sekúndu. Á mynd 9 má
sjá GPS-viðmiðunarstöðina eins og
henni er stillt upp á viðmiðunar-
punkti á Reykjavíkurflugvelli. Stjórn-
stöðin er í rauðu töskunni, en þar er
stöðugt safnað staðsetningargögnum
og leiðréttingar fyrir skekkjum í GPS-
kerfinu sendar upp í flugvélina í
gegnum VHF-fjarskiptabúnað. Á
myndinni sést loftnetið á VHF-fjar-
skiptabúnaðinum standa upp úr
töskunni.
Ef aðstæður eru erfiðar á þeim
svæðum þar sem unnið er að flug-
prófunum, þannig að erfitt sé um vik
að lenda og koma fyrir áðurnefndri
viðmiðunarstöð, er viðmiðunarkerfi
Unifis-flugprófannatækjanna einnig
útbúið Omnistar-móttakara en það er
leiðréttingarþjónusta á GPS-merkj-
um sem fer fram í gegnum gervi-
hnött og ekki þarf sérstakan búnað á
jörðu niðri fyrir notkun þess. Ná-
kvæmni Omnistar-viðmiðunarkerf-
isins er nokkru minni en með GPS-viðmiðunarkerfinu á mynd 9 eða um einn metri að
jafnaði, en fyrir flugprófanir á vissum leiðsögutækjum og ef aðstæður leyfa ekki annað
nægir það fyllilega.
Mynd 9. GPS viðmiðunarstöð Unifis kerfisins. Frá vinstri er grá
rafhlaða,stjórnstöðin í rauðri tösku ásamt VHF fjarskiptaneti og
GPS loftnetið á þrífæti. Flugvél Flugstoða er í baksýn.
Eins og áður var sagt frá eru viðmiðunarmerkisgjafar notaðir til að stilla af flugleið-
söguskynjara Unifis-kerfisins. Það er mikilvægt að merkisgjafarnir séu ávallt rétt stilltir
því aðrar mælingar taka mið af stillingum sem gerðar eru með þeim. Til að tryggja þetta
eru allir viðmiðunarmerkisgjafar sendir reglulega til framleiðenda sem yfirfara að þeir
séu rétt stilltir og virki rétt. Kröfur þær sem framleiðendur viðmiðunarmerkisgjafanna
fylgja má yfirleitt rekja til staðla sem settir eru fram af t.d. Jnternational Bureau of
Weights and Measures í Frakklandi, sam-evrópsku Joint Research Centre eða National
Institute of Standards and TecJmology í Bandaríkjunum sem eru viðmið fyrir vísindatæki
af þessu tagi. Þetta tryggir að kvörðun Unifis-kerfisins má alltaf rekja til viðmiðunar-
staðla en það er alþjóðleg krafa sem gerð er til flugprófanabúnaðar.
Unifis 3000 til framtíðar
Hlutverk Flugstoða er að annast rekstur og uppbyggingu allra flugvalla og lendingar-
staða á Islandi, annarra en Keflavíkurflugvallar. Einnig annast Flugstoðir alla flugleið-
söguþjónustu sem ísland veitir fyrir alþjóðlegt flug og innanlandsflug. Flugprófanir eru
nauðsynlegar til að uppfylla þær kröfur sem gerð eru til rekstrar á flugleiðsögu- og flug-
vallaþjónustu. Nýi flugprófanabúnaðurinn mun auka afkastagetu flugprófanadeild-
arinnar, minnka mannaflaþörf í flugprófunum auk þess sem flugprófanir verða minna
háðar veðurfari. Öll þessi atriði munu gera flugprófanadeildina sem heild samkeppnis-
hæfari og betur í stakk búna til að sinna sínu hlutverki. Á sama tíma opnast ný tækifæri
til sækjast eftir frekari verkefnum erlendis, en ljóst er að töluverð eftirspurn er eftir þess-
ari sérhæfðu þjónustu þar sem margir rekstraraðilar flugleiðsögu- og flugvallaþjónustu
hafa kosið að úthýsa flugprófunum frekar en að koma sér upp slíkri starfsemi.
1 5 8
Arbók VFl/TFl 2009