Árbók VFÍ/TFÍ - 01.06.2009, Blaðsíða 313

Verktaki hóf steypuvinnu við bogaundirstöður brúarinnar í apríl 2008 og smíði stálboga
og landstöpla í júní. Boginn var hífður út og reistur í einingum báðum megin frá og
tengdur saman í toppinn í ágúst. Langbitarnir tveir sem hanga í bogunum voru byggðir
út frá Skálavíkurnesi og tengdir með þverbitum jafnóðum. Meginsmíðavinnu stálvirkis
og röðun forsteyptra eininga í botn brúargólfs lauk í nóvember 2008 og lágu fram-
kvæmdir í Mjóafirði niðri frá þeim tíma fram í júní 2009, þegar vinna við sandblástur og
málun stálvirkis og undirbúning steypu á brúardekki hófst á verkstað.
Reising boga
Verktaki brúarinnar ákvað að reisa bogana með því
að hífa einingar þeirra, flestar um 9 m langar og
4-5 tonn að þyngd, út eina í einu. Þessi aðferð var
valin frekar en að setja allan bogann saman í landi
og sigla með hann yfir sundið og reyndist hún vel.
Verktaki reisti allmikla turna til að stífa bogann
meðan á reisingu stóð og notaði krana sitt hvorum
megin sundsins við hífingu, eins og sjá má á mynd 9.
Fyrir suðu á hverjum bogabút var endi hans stilltur
af með því að fylgjast með staðsetningu prismu sem
fest var á bogann. Rétt hnit á prismum höfðu áður
verið tekin út úr þrívíðu líkani sem byggt var upp í
hönnun og meðan á framkvæmdum stóð. Með
þessari aðferð náðist allgóð nákvæmni í lögun
bogans í hæð og plani. Vel gekk að tengja bogana
tvo saman með sívölum þverbitum. Suðumenn
unnu úr körfum sem festar voru við enda boga og
færðar eftir því sem framkvæmdinni miðaði.
Bogaferill sem settur var út eftir var með yfirhæð
svarandi til eiginþunganiðurbeygju fullkláraðs
virkis. Reiknuð yfirhsð var um 70 mm á miðju hafi
sem reyndist í nokkuð góðu samræmi við mældar
færslur undan eiginþunga á byggingarstigi.
Stálvirki og forsteyptar einingar í brúargólfi
Langbitar brúargólfsins voru hífðir út og settir
saman úr einingum. Hvor biti samanstendur af 12
einingum, sem flestar eru um 12 m langar og vega
um fimm tonn. Langbitar voru byggðir út öðrum
megin frá, þ.e. frá Skálavíkurnesi. Hver bitaeining
var fest við þá næstu á undan og upp í boga með
hengistöngunum. Langbitarnir tveir eru tengdir
með um 10 m löngum þverbitum sem festir voru í
langbitana jafnóðum eins og sjá má á mynd 10.
Við ósamhverft álag frá stálbitum á bogann mynd-
aðist nokkur kryppa á hann sem færðist undan eftir
því sem bitarnir byggðust fram. Þetta hafði m.a.
þau áhrif að erfiðlega gekk að koma sumum
hengistanganna í, en náðist þó án þess að breyta
lengdum þeirra.
Mynd 10. Bygging stálbita í gólfi vel á veg
komin.
Tækni-og vísindagreinar
3 1 1