Árbók VFÍ/TFÍ - 01.06.2009, Blaðsíða 173
Tengsl við iðnað
Sviðið í heild hefur mikil tengsl við iðnað í landinu. Nefna má öflugan stuðning
Orkuveitunnar við rannsóknir, meistara- og doktorsverkefni, auk fjölda fyrirtækja og
stofnana sem veita sviðinu lið á margvíslegan hátt. Einnig veittu Samtök iðnaðarins
•'ausnarlegan styrk til sviðsins til að hvetja nemendur og kennara á erfiðleikatímum.
Styrkurinn verður notaður til þess að bæta kennslutæki og styrkja fjögur meistara-
verkefni nemenda deildarinnar sem tengjast iðnaði:
Meistaraverkefni styrkt afSamtökum iðnaðarins
Heiti verkefnis Leiðbeinendur
Kennsla i iðnaðarverkfræði sem þjónar íslensku atvinnulífi sem best
Fræðilegar aðferðir innan iðnaðarverkfræði sem notaðar eru í íslenskum iðnaði
Möguleikar á stofnun "grænna" iðnfyrirtækja svo að ísland geti tekið þátt í
alheimsverkefninu sem gengur undir heitinu.græna nýja áætlunin"
Iðnaðarmöguleikar sem liggja í notkun úrgangs i landinu sem hráefni til að loka efnishringjum
Páll Jensson
Páll Jensson
Brynhildur Davíðsdóttir
og Helgi Þór Ingason
Brynhildur Davíðsdóttir
og Helgi Þór Ingason
Fyrsti forseti Verkfræði- og náttúruvísindasviðs
A síðustu mánuðum ársins 2008 var Kristín Vala Ragnarsdóttir ráðin sem sviðsforseti
verkfræði- og náttúruvísinda. Hún lærði jarðfræði í Háskóla íslands og fór síðan til
framlialdsnáms til Northwestern háskólans í Evanston, rétt fyrir utan Chicago í
Bandaríkjunum. Doktorsverkefni Kristínar Völu var um efnavarmafræðilegt jafnvægi
steinda og vatns í jarðhitakerfum. Að námi loknu vann hún fyrir ráðgjafafyrirtæki við að
kanna iðnaðarmengun í jarðvegi og vatni. Síðan hóf Kristín Vala störf sem nýdoktor í
París og að því loknu vann hún sem rannsóknalektor við Northwestern við að ákveða
hraða uppleysanleika steinda. Eftir tíu ára dvöl í Bandaríkjunum og Frakklandi var hún
ráðin sem rannsóknamaður við háskólann í Bristol í Englandi. Þar varð hún síðan pró-
fessor 2001, fyrst í umhverfisjarðefnafræði og síðan í umhverfissjálfbærni. Fyrstu tíu árin
voru rannsóknirnar, sem Kristín Vala stundaði, tengdar hegðun mengandi málma í vatni
°g jarðvegi og notaði hún við þær athuganir margs konar litrófsmælingar.
Árið 2000 hitti Kristín Vala forstjóra Schumacherfélagsins (www.schumacher.org.uk),
Richard St. George. Eftir mikla skoðun á hvaða rannsóknum hún vildi beita sér fyrir
breytti hún viðfangsefnum sínum í rannsóknum og kennslu og fór að leggja áherslu á
sjálfbæra þróun. E. Fritz Schumacher, sem Schumacherfélagið heitir eftir, var þýskur hag-
fræðingur, búsettur í Bretlandi. í síðari heimsstyrjöldinni var hann settur í fangabúðir í
Rretlandi, líkt og allir aðrir Þjóðverjar. í fangabúðunum tók hann þátt í að rækta matvæli.
Líklega var það á þessum árum sem Schumacher fékk áhuga á sjálfbærri þróun en það
hugtak er kennt honum löngu á undan Brundtland-skýrslu Sameinuðu þjóðanna sem
Lom út árið 1987 (Our Common Future, 1987). Að lokiimi heimsstyrjöldinni vann
Schumacher sem hagfræðingur Kolastjórnar Bretlands (UK Coal Board). Hann skrifaði
fvær mjög þekktar bækur sem eru taldar undirstaða sjálfbærrar þróunar: Lítið er fallegt
(Small is Beautiful) og Leiðbeiningar fyrir ráðvillta (Guide for the Perplexed).
I Bristol stofnaði Kristín Vala rannsóknahóp í sjálfbærni og vann hún með borgarbúum
við að skapa framtíðarsýn um hvernig Bristol myndi líta út ef hún væri sjálfbær. Hún
uotaði heimskaffisamræður í þessari vinnu og sú sýn sem var mótuð er nú stefna borgar-
yfirvalda (sjá Sustainable Bristol). Kristín Vala tók einnig þátt í að undirbúa nýja stofnun,
BRITE Futures Institute, við háskólann í Bristol, með aðstöðu í verkfræðideildinni. Hún
var komin með báða fætur í þá deild þegar hún var ráðin til HÍ. BRITE (http://www.bris-
tol.ac.uk/brite/) stendur fyrir Bristol Institute for Technology for the Environment og
hefur það að leiðarljósi að tengja saman þverfaglega þekkingu, verkfræði, félagsfræði,
hagfreeði og hugvísindi til að finna lausnir fyrir framtíðina. Slíka stofnun telur Kristín
Vala að þurfi einnig að setja á fót við HÍ.
Kynning og tæknigreinar fyrirtækja og stofnana I171