Þjóðmál - 01.06.2010, Qupperneq 24

22 Þjóðmál SUmAR 2010
Williams Fall þá stóð þessi fundur yfir í rúma
klukkustund og hafi bankinn sýnt fram á að
hann gæti greitt allar skuldir sem fyrirsjáanlegt
væri að standa þyrfti skil á, kæmi til fyrirgreiðsla
Seðlabanka Íslands .23
Gunnar Haraldsson, formaður stjórnar Fjár­
málaeftirlitsins, sagði þetta rangt í samtali við
blaðamann Fréttablaðsins . Um þetta mælti
Gunnar: „Ég fullyrði að þetta er ekki rétt og
mér finnst mjög skrýtið ef aðilar, sem telja
sig hafa góðar heimildir um atburðarásina,
halda þessu fram . Það setur að mér ugg yfir
þessu .“ Þá kvaðst Steingrímur J . Sigfússon
fjármálaráðherra ekki heldur kannast við
umræddan fund á laugardeginum .24 Ljóst er
þó að umræddur fundur átti sér stað .
Til er skyggnusýning dagsett 7 . mars 2009,
þar sem farið er yfir helstu þætti í rekstri
Straums og hvað við blasi, en það er sú kynning
sem lögð var fram á fundi stjórnenda Straums
með embættismönnunum . Þar kemur fram
að bankinn hafi staðist ströngustu álagspróf
og sé vel fjármagnaður, en þó hafi útstreymi af
reikningum félagsins á umliðnum dögum leitt
til tímabundinna erfiðleika við greiðslu afborg­
ana af lánum . Að mati stjórnenda Straums var
til mikils að vinna að halda áfram starfsemi
bankans, verðmæti færu ella forgörðum og fall
bankans myndi hafa alvarlegar afleiðingar fyrir
orðspor Íslands á alþjóðavettvangi . Bankinn
væri íslenskur fjárfestingabanki sem starfaði á
al þjóðlegum markaði og eina fjármálafyrirtæk­
ið sem enn væri skráð í Kauphöllinni . Eftir að
viðskiptabankarnir féllu væri Straumur mjög
mikilvæg gátt íslenskra fyrirtækja í samskiptum
við umheiminn . Hluthafar væru alls um tuttugu
þúsund og starfsmenn 597 á tíu skrifstofum víðs
vegar um Norðurálfu, þar á meðal 120 á Íslandi .
Eigið fé næmi um sjö hundruð milljónum evra
og eiginfjárhlutfall væri yfir nítján af hundr­
aði . Áætlanir gerðu ráð fyrir að með eignasölu
myndi eiginfjárhlutfallið hækka stig af stigi .
Þá þegar á öðrum ársfjórðungi myndi það fara
upp í 21 prósent, yrði komið upp í 24 prósent á
þeim fjórða og á öðrum ársfjórðungi 2010 væri
23 Sama heimild .
24 „Straumur gagnrýnir FME .“ Fréttablaðið, 10 . mars 2009 .
það orðið 28 af hundraði . Stjórnendur Straums
töldu að mikið væri í húfi fyrir íslensk stjórnvöld
og rétt væri að þau kæmu að bankanum með
fjárframlagi að upphæð hundrað milljónir evra
og ríkissjóður myndi eignast 39,9 prósenta
hlut í félaginu . Þá tæki ný stjórn við og nýr
stjórnarformaður yrði skipaður .25
Svein Harald Øygard telur að það hefði verið
óviðeigandi að ríkið gerðist hluthafi í Straumi .
Til að mynda í ljósi þess að yfirgnæfandi meiri­
hluti starfsmanna væri erlendur og staðsettur
erlendis og 89% útlána til erlendra aðila .
Það væri því fjarri lagi að tala um íslenskan
banka auk þess sem bankinn hefði að hans
mati notið of mikillar fyrirgreiðslu fram að
þessu . Þá hefði falist í því mismunun gagnvart
öðrum fjármálastofnunum að ríkið gerðist
hluthafi í Straumi . Kveðst Svein Harald hafa
látið þessa afstöðu sína í ljósi á fundinum á
laugardeginum og enn fremur sagt að hann
réði fjármálaráðherra frá því að ríkið gerðist
hluthafi í bankanum .26
Klukkan 18:00 á laugardeginum höfðu þeir
Fall og Jack enn á ný samband við Bretana
og tilkynntu þeim að ekkert væri að frétta
af framvindu málsins eftir samræður við
fulltrúa hinna ýmsu stofnana . Klukkustund
síðar átti William Fall símtal við Steingrím J .
Sigfússon fjármálaráðherra . Fjármálaráðherra
hafði lítið um málið að segja, en kvaðst hafa
fengið upplýsingar um málið frá ráðgjöfum
sínum sem hefðu tjáð sér að farin yrði sú
leið er henta myndi Íslandi best .27 Fall hafði
einnig hug á að ná símasambandi við Gylfa
Magnússon viðskiptaráðherra, en það tókst
ekki . Steingrímur gat staðfest við blaðamann
Fréttablaðsins að þetta samtal hefði átt sér
stað . Hins vegar kvaðst hann ekki kannast við
að hafa sagt Fall í þessu samtali að ráðgjafar
sínir hefðu lagt til að bankinn yrði þjóðnýttur,
en heimildarmenn blaðsins innan Straums
munu hafa fullyrt svo . Sagðist Steingrímur
aðeins hafa hlýtt á viðhorf Fall, en engu
25 Saving Straumur . Skyggnusýning Williams Fall á stöðu
Straums fyrir Seðlabanka, 7 . mars 2009 .
26 Svein Harald Øygard, viðtal 17 . desember 2009 .
27 William Fall, viðtal 21 . september 2009 .