Morgunblaðið - 17.01.1980, Síða 2

2
MORGUNBLAÐIÐ, FIMMTUDAGUR 17. JANUAR 1980
Upplýstir þjófn-
aðir á tugþús-
undum lyfjataflna
UNDANFARNA mánuði hefur verið til rannsóknar hjá
rannsóknadeild fíkniefnamála í Reykjavík í náinni
samvinnu við Rannsóknarlögreglu ríkisins umfangs-
mikið lyfjasölu- og fíkniefnamál, samkvæmt upplýsing-
um, sem Mbl. fékk í gær hjá Guðmundi Gígju
lögreglufulltrúa við fíkniefnadeildina.
í byrjun varð upplýst um
meðhöndlun og sölu á minni
háttar magni kannabisefna.
Við eftirfarandi húsleit fund-
ust lyfjatöflur, sem beindu
rannsókninni að óupplýstum
þjófnuðum á tugþúsundum
lyfjataflna úr apótekum. Slík
mál höfðu áður verið að hluta
rannsökuð hjá Rannsóknar-
lögreglu ríkisins en vegna
framangreinds aðdraganda
sameinaðist málið hjá fíkni-
efnadeild.
Ofangreindir þjófnaðir
hafa verið viðurkenndir og
víðtæk dreifing lyfjataflna en
um það bil 60 af meintum
kaupendum hafa þegar verið
yfirheyrðir. Tveir menn sátu í
gæzluvarðhaldi um tíma
vegna rannsóknar málsins,
annar þeirra í 50 daga. Málið
mun á næstunni verða sent
ríkissaksóknara.
STEINGRÍMUR Hermannsson, Svavar Gestsson og Benedikt Gröndal
komu saman til stutts fundar í Þórshamri í gær, þar sem Svavar óskaði
eftir þátttöku Framsóknarfiokks og Alþýðuflokks i viðræðum við
Alþýðubandalagið um myndun vinstri stjórnar. Ljósm. Mbl. Kristján.
Vinstri viðræð-
ur hef jast í dag
Þr jú skip
seld frá
Siglufirði
Siglufirði — 16. janúar
STAPAVÍKIN var fyrir
nokkru seld héðan frá
Siglufirði til Grindavíkur
og keyptu eigendur Víkur-
bergs GK 1 skipið, sem
komið er á loðnuveiðar.
Þormóður rammi í Siglu-
firði tók Víkurbergið upp í
kaupin.
Þá var skuttogarinn Dagný
seld á síðasta ári til Hafnar-
fjarðar og Sævík, 120 tonna
stálbátur, var seld austur á
land í fyrrahaust.
Skuttogarinn Siglfirðingur,
áður Fontur, bættist í flota
Siglfirðinga á árinu.
- mj.
Lýst eftir dr.
Jóni Gislasyni
LÖGREGLAN í Reykjavík lýsti
í gær eftir dr. Jóni Gíslasyni,
fyrrum skólastjóra Versíun-
arskóla íslands, til heimilis að
Úthlíð 5 í Reykjavik.
Jón er sjötíu ára að aldri,
gráhærður og lágvaxinn. Hann
gengur venjulega álútur og nokk-
uð stífur í baki.
Þeir sem geta gefið upplýsingar
um ferðir Jóns Gíslasonar eftir
klukkan 22 í fyrrakvöld eru beðnir
um að láta lögregluna vita.
Dr. Jón Gíslason
VIÐRÆÐUNEFNDIR vinstri flokk-
anna koma saman til fyrsta fundar-
ins i Þórshamri klukkan 9 i dag, en
á stuttum fundi í gær með Benedikt
Gröndal og Steingrími Her-
mannssyni óskaði Svavar Gestsson
eftir þvi, að Alþýðuflokkur og
Framsóknarflokkur kæmu til form-
legra viðræðna um myndun vinstri
stjórnar. Báðir flokksformennirnir
svöruðu jákvætt. Á fundinum i dag
mun Svavar Gestsson kynna tillög-
ur Alþýðubandalagsins i efna-
hagsmálum, en hann hefur einnig
sagt það ætlun sina að senda
Sjálfsta'ðisflokknum tillögurnar til
kynningar.
í viðræðunefnd Alþýðubandalags-
ins eru með Svavari þeir Ragnar
Arnalds og Guðmundur J. Guð-
mundsson og varamenn eru Ólafur
Ragnar Grímsson, Hjörleifur Gutt-
ormsson og Geir Gunnarsson. Með
Steingrími koma Tómas Árnason og
Jón Helgason til viðræðnanna og frá
Alþýðuflokknum Sighvatur Björg-
vinsson, Magnús H. Magnússon og
Vilmundur Gylfason en auk þeirra
munu Benedikt Gröndal, Kjartan
Jóhannsson og Karl Steinar Guðna-
son taka þátt í stjórnarmyndunar-
viðræðunum.
Mbl. spurði í gær þá Benedikt
Gröndal og Steingrím Hermannsson
hvort þeir sjálfir og/eða flokkur
þeirra gætu fallizt á að Alþýðu-
bandalagsmaður yrði forsætisráð-
herra í hugsanlegri vinstri stjórn.
Hvorugur kvaðst vilja segja eitthvað
um það mál á þessu stigi.
Engin loðnuveiði
AÐEINS eitt loðnuskip tilkynnti um
afla síðasta sólarhring, Skarðsvík,
sem var með 200 lestir. Is er yfir því
svæði þar sem bátarnir fengu loðnu
fyrir og um síðustu helgi. Fréttir
hafa borist um loðnu austar og
grynnra, en ekki vitað hvort það er
verulegt magn.
Verðlagsnefnd gegn V.Í., K.í. og FÍS:
Dómur héraðsdóms dæmd-
ur ómerkur í Hæstarétti
HÆSTIRÉTTUR hefur með dómi
ákveðið að dómur og málsmeðferð
í máli Verzlunarráðs íslands,
Kaupmannasamtaka íslands og
Félags íslenzkra stórkaupmanna
gegn Verðlagsnefnd fyrir héraðs-
dómi sé ómerkur og skuli málinu
vísað frá héraðsdómi. Þá er
stefndu gert að greiða Verðlags-
nefnd 400 þúsund krónur i máls-
kostnað i héraði og fyrir Hæsta-
rétti.
Forsaga málsins er sú, að í
febrúar 1978 var gengi íslenzku
krónunnar fellt. Þá var samþykkt í
Verðlagsnefnd, að lækka verzlun-
*
I gæsluvarð-
haldi grunað-
ur um árás
KRAFIST hefur verið 8 daga
gæsluvarðhalds yfir manni sem
grunaður er um að hafa ráðist inn
á mann í húsi við Brautarholt og
veitt honum áverka aðfararnótt
þriðjudagsins.
Má! þetta er í rannsókn hjá
Rannsóknarlögreglu ríkisins og á
frumstigi en svo virðist sem ruðst
hafi verið inn á mann um nóttina
og honum veittir áverkar í andliti
og á fæti. Er jafnvel talið að hann
sé nefbrotinn. Nokkur vitni munu
hafa verið að atburðinum og sem
fyrr segir var maður, sem grunaður
er um verknaðinn, hnepptur í
varðhald í 8 daga í fyrradag.
arálagningu eftir 30%-reglunni
svokölluðu. Þetta vildi Verzlunar-
ráð íslands, Kaupmannasamtök
íslands og Félag íslenzkra stór-
kaupmanna ekki sætta sig við og
fóru í mál við Verðlagsnefnd fyrir
baejarþingi Reykjavíkur.
I dómsniðurstöðum þá kom
fram, að dómurinn taldi viðskipta-
ráðherra fyrir hönd viðskiptaráðu-
neytis ekki réttan varnaraðila, því
bæri að sýkna hann af öllum
kröfum, enda væri Verðlagsnefnd
það sjálfstæður aðili að hann nyti
ekki forsagnar ráðherra.
Hins vegar komst dómurinn að
þeirri niðurstöðu að Verðlagsnefnd
hefði ekki farið að lögum um
ákvörðun hámarksálagningar og
því bæri að dæma • ákvörðunina
ógilda, en í lögum er það tekið
fram að þegar ákvarða skuli há-
marksálagningu skuli Verðlags-
nefnd miða við þarfir vel rekinna
fyrirtækja hverju sinni. Könnun á
þessu fór ekki fram samkvæmt
upplýsingum dómsins og því var
dæmt eins og hér á undan getur.
Verðlagsnefnd undi ekki þessum
málalokum og vísaði málinu til
Hæstaréttar, sem síðar komst að
fyrrgreindi niðurstöðu. Ekki var
þó full samstaða innan Hæstarétt-
ar. Björn Sveinbjörnsson, Magnús
Þ. Torfason og Sigurgeir Jónsson
greiddu atkvæði með fyrrgreind-
um niðurstöðum, en Benedikt Sig-
urjónsson og Þór Vilhjálmsson
voru á móti og skiluðu þeir sér-
atkvæði.
Vésteinn
mundsson
VÉSTEINN Guðmundsson fram-
kvæmdastjóri Kísiliðjunnar hf.
andaðist á sjúkrahúsinu á Ilúsavik
s.l. þriðjudag af völdum hjarta-
áfalls.
Vésteinn var fæddur 1914 að
Hesti í Önundarfirði, sonur hjón-
anna Guðmundar Bjarnasonar
bónda og Guðnýjar Arngrímsdótt-
ur. Vésteinn tók stúdentspróf í
Reykjavík 1935 og próf í efnaverk-
fræði frá DTH í Kaupmannahöfn
1940.
Hann starfaði við niðursuðuverk-
smiðju og önnur störf tengd fisk-
iðnaði og var síðan verkfræðingur
hjá síldarverksmiðju Kveldúlfs hf.
á Hjalteyri frá 1941 og verksmiðju-
stjóri á Hjalteyri frá 1947—1967.
Jafnframt leysti hann af hendi
ýmis verkefni á sviði síldveiða og
síldariðnaðar á vegum stjórnvalda
og hagsmunasamtaka. Hann var
kosinn í hreppsnefnd Arnarnes-
hrepps 1946 og var hreppstjóri
1957—1967. Árið 1967 var Vésteinn
ráðinn framkvæmdastjóri Kísiliðj-
unnar hf. og fluttist þá búferlum til
Mývatnssveitar. Starfaði hann
síðan við uppbyggingu og rekstur
kísilgúrverksmiðjunnar. Kom það í
hans hlut að leysa ýmsa tæknilega
byrjunarörðugleika við rekstur
verksmiðjunnar og að koma rekstri
hennar á farsælan grundvöll.
Vésteinn var tvíkvæntur og lætur
eftir sig 6 uppkominn börn. Eftirlif-
andi eiginkona hans er Valgerður
Árnadóttir frá Hjalteyri.
o
INNLENT

Hef ekki verið beð-
inn að fara til Sovét
- segir Friðrik Ólafsson i tilefni ummæla Korchnois
66
„ÉG VIL nú sem minnst um þetta
mál scgja,“ sagði Friðrik Olafs-
son stórmeistari í skák og forseti
Alþjóðaskáksambandsins í sam-
tali við Morgunblaðið í gær, er
borin voru undir hann ummæli
Victors Korchnois í blaðinu í
gær.
„Ég geri ráð fyrir því að þeir
sem lesa þessi ummæli Korchnois
sjái í gegnum þau,“ sagði Friðrik
ennfremur, „en hann veit vel að
ég hef verið að reyna að aðstoða
hann í þessu máli á þann hátt sem
ég tel árangursríkastan. Varðandi
þessi réttarhöld yfir syni hans
sem hann minnist á, vil ég aðeins
segja það, að ég vissi ekki að þau
stæðu fyrir dyrum, og hann hefur
ekki beðið mig að fara til Sovét-
ríkjanna vegna þeirra. En ég vil
taka fram að ég er ekki neinn
sérlegur sendiboði fyrir Korchnoi,
heldur er mitt hlutverk að stýra
FIDE eins og best verður á kosið.
Minna má á að FIDE hefur
úrskurðað að einvígi þeirra Karp-
ovs og Korehnois sé lokið, með
sigri þess fyrrnefnda, og allt tal
um að ég styðji Sovétmenn í þessu
máli er rangt.
En ég get hins vegar skilið
afstöðu Korchnois í þessu máli,
það veit sjálfsagt enginn sem ekki
hefur reynt, hvernig er að vera í
aðstöðu sem hans,“ sagði Friðrik
að lokum, er blaðamaður ræddi
við hann í síma í gær, en hann er
nú staddur i Hollandi.