Morgunblaðið - 20.05.1982, Blaðsíða 24

28
MORGUNBLAÐIÐ, FIMMTUDAGUR 20. MAÍ 1982
BÆJAR- OG
SVEITARSTJÓRNARKOSNINGARNAR
Mosfellssveit
Þéttbýlissvæðin í Mosfellssveit séð úr lofti. Myndin er tekin í fyrradag.
Við flytjum inn vinnu-
afl í Mosfellssveit
— öfugt við það sem margir halda, segir Magnús
Sigsteinsson, efsti maður á lista sjálfstæðismanna
Magnús Sigsteinsson er efsti mað-
ur á iista Sjálfstæðisflokksins í
Mosfellssveit, þar sem flokkurinn
hefur hreinan meirihluta í hrepps-
nefnd. Blaðamaður hitti Magnús að
máli um helgina, og spurði hann
hver þau mál væru, er hæst beri frá
síðasta kjörtímabili.
„Hér hefur verið unnið að mörg-
um málum er til framfara horfa
fyrir byggðina," sagði Magnús.
„Meðal þess sem mér er efst í huga,
er að við höfum verið að vinna að
gerð aðalskipulags, og er það að líta
dagsins ljós nú þessa dagana. Það
verður nú sent inn á hvert heimili í
sveitinni, til kynningar, og síðan
munum við taka það til umræðu og
umfjöllunar og óska eftir athuga-
semdum og ábendingum fólks. Þetta
er okkar stærsta mál nú.
Hér hefur verið gífuriega ör fólks-
fjölgun undanfarin ár, sem best sést
á því, að nú eru hér á kjörskrá um
1700 manns eða rúmlega það, en
voru um 1200 fyrir fjórum árum.
Þótt við höfum ekkert á móti því að
fólk setjist hér að, síður en svo, þá
verður að segjast eins og er að þessi
fjölgun hefur orðið of hröð. Margt
hefur orðið til þessarar fólksfjölg-
unar, fyrst og fremst er vafalaust að
fólki líkar vel að búa hér, þá kemur
til lóðaskortur í nágrannabyggðun-
um, og minna má á Vestmannaeyja-
gosið á sínum tíma, sem varð til
þess að hér risu allmörg hús á stutt-
um tíma. Fólksfjölgunin hefur verið
milli 10 og 12% sum árin, en við
viljum hægja á.“
— Er Mosfellssveit hinn dæmi-
gerði „svefnbær"?
„Nei, það er mikill misskilningur
að svo sé. Það má til dæmis benda á
að hér eru tvö mjög stór atvinnufyr-
irtæki, Alafoss og Reykjalundur, og
um 50 smærri fyrirtæki starfa í
Mosfellssveit. Þá má benda á stofn-
anir á borð við Tjaldanes og Skála-
tún, sem hér starfa, og sannleikur-
inn er sá, að við „flytjum inn“
vinnuafl hér, öfugt við það sem
margir halda."
— Skattamál hafa mikið verið til
umræðu fyrir þessar kosningar, er-
uð þið með alla tekjustofna full-
nýtta?
„Nei. Við erum hér með aðeins
11% útsvar, og gefum auk þess 25%
afslátt af fasteignagjöldum. Um
þetta varð samstaða í hreppsnefnd-
inni á síðasta ári, en í hitteðfyrra
báru alþýðubandalagsmenn og
framsóknarmenn fram tillögu um
hækkun fasteignagjalda.
Því höfum við sjálfstæðismenn
verið andvígir. Skattheimtan í land-
inu er þegar nægileg, og við viljum
frekar fara heldur hægar í sakirnar
í uppbyggingu, en að íþyngja fólki
um of með sköttum. Fólk hefur tekið
þessu vel, það hefur meiri fjárráð en
það hefði ef allt væri í botni eins og
víða er.
Á öðrum sviðum höfum við einnig
reynt að hafa sem minnst afskipti
af daglegu lífi fólks, við viljum sem
minnst höft og boð og bönn. Opnun-
artími verslana er hér til dæmis
frjáls."
— Mosfellssveit er sambland af
sveit og kauptúni, og íbúum fer sí-
fellt fjölgandi. Gengur sambúðin vel
hér, eða eru uppi hugmyndir um að
skipta sveitarfélaginu upp, til dæm-
is með að óska eftir kaupstaðarrétt-
indum?
„Hér búa nú um 3.300 manns,
þannig að fjólksfjöldinn stendur
ekki í vegi fyrir kaupstaðarréttind-
um, það er rétt. Ekkert slíkt er þó á
döfinni og ég held að hér sé lítill
áhugi fyrir slíku, ekki síst eftir að
þjónusta sýslumannsembættisins I
Hafnarfirði við okkur hér stórbatn-
aði. Sambúðin milli þéttbýlisins og
sveitarinnar hefur gengið vel, og
þeir smávægilegu árekstrar sem
orðið hafa vegna lausagöngu sauð-
fjár verða nú leystir með girðingu.
Við, sem í þéttbýlinu búum, viljum
hafa samstarf við þá sem á bújörð-
unum búa og landbúnaður er mikil-
væg atvinnugrein hér. Alifuglarækt
og garðyrkja er hér til dæmis mik-
il,“ sagði Magnús að lokum.
Magnús Sigsteinsson, efsti maður á lista sjálfstæðismanna í Mosfellssveit,
sýnir blaðamanni framtíðarskipulag við fyrirhugaðan miðbæ í Mosfellssveit.
Bernharð Linn, sem er í þriðja sæti á lista Sjálfstæðisfíokksins í Mosfells-
sveit.
Skólamál og æskulýðs-
mál ofarlega á baugi
— segir Helga Richter, í öðru sæti D-listans í Mosfellssveit
„Þau mál, sem ég hef einkum
áhuga á að beita mér fyrir, nái ég
kjöri í hreppsnefndina, eru æsku-
lýðsmál og skóiamál," sagði Helga
Aðalsteinsdóttir Richter í samtali
við blaðamann Morgunblaðsins í
vikunni, en hún er í öðru sæti á
lista sjálfstæðismanna í Mosfells-
sveit. „Barnaskólinn hér er að
komast í gott horf,“ sagði Helga,
„og á áætlun er að fara að stækka
gagnfræðaskólann með viðbygg-
ingu.
Þá þarf hreppsnefnd að fara að
taka afstöðu til þess hvernig við
ætlum að standa að framhalds-
skólanámi hér, eigum við að
stefna að því að koma upp fjöl-
brautaskóla, eigum við að byrja á
framhaldsdeildum í tengslum við
grunnskólann, eða á að aka nem-
endum á milli? Þetta er mál sem
brýnt er að farið verði að kanna,
en ennþá er ég hrædd um að
byggðarlagið sé of lítið til að bera
fjölbrautaskóla enn sem komið er.
Þá er hér í athugun að koma upp
svonefndum grenndarskóla, og
margt annað er á döfinni.
Dagvistunarmálin leystust far-
sællega á síðastliðnum vetri, og
vonandi verður svo áfram, þá
þurfum við að huga að æskulýðs-
málum, en þar hefur nú orðið sú
gleðilega breyting, að við höfum
fengið æskulýðsfulltrúa til starfa.
Er óhætt að segja að við væntum
mikils af hans starfi hér. Æsku-
lýðsheimili kemst vonandi brátt í
gagnið, og þá batnar til muna öll
aðstaða til þess háttar starfsemi
hér, eins og þörf er á í ört vaxandi
sveitarfélagi.
Þetta eru þau mál sem ég hef
einna mestan áhuga á, en mun að
sjálfsögðu kynna mér öll önnur
mál og vinna að framgangi þeirra
í samræmi við þá stefnuskrá sem
við sjálfstæðismenn höfum sam-
þykkt og kynnt fyrir kjósendum
hér,“ sagði Helga að lokum.
m^'ér'í
Helga Richter, sem skipar annað sæti framboðslista sjálfstæðismanna
Mosfellssveit.
Samhentur meirihluti eða
hrossakaup á vinstri væng
— segir Hilmar Sigurðsson í baráttusæti D-listans
Hilmar Sigurðsson er í fjórða
sæti á framboðslista Sjálfstæðis-
flokksins í Mosfellssveit, baráttu-
sætinu. Það veltur á því hvort
hann nær kjöri í hreppsnefnd
hvort sjálfstæðismenn halda
meirihluta sinum, eða hvort
vinstri flokkarnir taka við. Blaða-
maður Morgunblaðsins hitti
Hilmar í gær, og spurði hann
hvaða mál hann teldi mikilvægast
að unnið verði að á næsta kjör-
tímabili.
„Ég tel afar mikilvægt að við
höldum meirihlutanum hér,“ sagði
Hilmar, „til að við getum fram-
kvæmt þá stefnu sem við höfum
lagt fram og unnið að. Þar ber
hæst málaflokka á borð við úti-
vistarmál, sem miklu skipta fyrir
heill og hamingju fólks hér, einnig
íþróttamál, og heilbrigðismál. Þar
höfum við sett verkefni í for-
gangsröð, hvernig við ætlum að
losna við mengun umhve.rfis.
Allt skólp á að fara í stórar
þrær, tvær hafa þegar verið
byggðar og þrjár eru á teikniborð-
inu. Þegar þær verða fullunnar,
fer ekkert skólp héðan í vatn, og
mengun á ekki að vera vandamál
hér. Þetta kemur auðvitað mjög
við sögu þegar rætt er um heill og
hamingju fólks hér, og því eru
þetta afar mikilvægir málaflokk-
ar.“
Hilmar Sigurðsson
— Þú ert í baráttusætinu. Ertu
bjartsýnn á úrslitin?
„Já, ég er það, og held að við
höfum ástæðu til þess. Valið er á
milli samhents meirihluta hér eða
hrossakaupa á vinstri vængnum.
Ég held að fólk sé búið að átta sig
á að slíkt gengur ekki, og þarf ekki
að líta lengra en á landsmála-
vettvanginn til að sjá það,“ sagði
Hilmar að lokum.