Morgunblaðið - 20.05.1982, Blaðsíða 35

MORGUNBLAÐIÐ, FIMMTUDAGUR 20. MAl 1982
39
byggingu leikhúsálmu við félags-
heimilið. En enginn fjárhagslegur
grundvöllur hefur verið fyrir því að
leggja út í svo dýrt fyrirtæki og t.d.
er einsýnt, að íþróttahúsið verði að
sitja fyrir. Það er óneitanlega sárt
að ég sé ekki, að leikhúsálman sé í
sjónmáli eins og sakir standa og
eins og efnahag sveitarfélaganna
er háttað.
Hver er sú reynsla, sem þú dreg-
ur af þínu fyrsta kjörtímabili í
bæjarstjórn?
— Hún er sú, að við, sem byggj-
um landið í svo mikilli fjarlægð frá
aðalþjónustusvæði landsins, verð-
um að bjóða upp á sambærileg skil-
yrði og þar, þótt það sé erfitt, til
þess að fólk langi til að búa hér
áfram. Það er mjög dýrt fyrir fá-
mennt byggðarlag að standa undir
þessari þjónustu, en nauðsynlgt
samt sem áður.
Hvernig hefur sambúð þín sem
bæjarfulltrúi verið við Húsvík-
inga?
— Góð. Ég hef samt ekki gerl
mikið af því að standa úti á götu-
hornum að ræða við fólk. Atvinnu
minni er þannig háttað, að ég er
inni á heimilinu og vinn hálfan
daginn við töluvert einangrað starf
á gamla sjúkrahúsinu. Svo hafa
hlaðist á mig nefndarstörf, svo að
ég hef nóg við tímann að gera.
Er erfiðara að vera kona í bæjar-
stjórn en karlmaður?
— Ég hef ekki fundið fyrir því.
Reyndar veit ég ekki hvernig er að
vera karlmaður í bæjarstjórn. En
ég hef tekið eftir því, að karlmenn
geta engu síður en við konurnar átt
erfitt með að sinna stjórnmálum
vegna atvinnu sinnar og heimilis.
Hins vegar er það rétt, að konur
byrja yfirleitt seinna að sinna
stjórnmálastörfum en karlmenn og
eru þess vegna ekki eins vel þjálf-
aðar, en þetta kemur undarlega
fljótt.
Og svo að síðustu, á Húsavík
framtíð fyrir sér?
— Já, mikla framtíð, ef rétt er
haldið á málum þvi möguleikarnir
hér eru óþrjótandi.
Ég undirstrika sem sagt, að með
skynsamlegum útboðum er hægt að
tryggja bæjarbúum að skattpen-
ingarnir nýtist betur en ella. Með
slíkum vinnubrögðum tryggjum við
jákvæða samkeppni og byggjum
upp verktakafyrirtæki, sem eru
nauðsynleg bæ eins og Húsavík.
Ég get ekki skilið svo við skipu-
lagsmálin að leggja ekki áherzlu á
að gatnagerðarframkvæmdirnar
verði að taka fastari tökum. Við
viljum, að nú í upphafi kjörtíma-
bilsins verði gerð áætlun um
endurbyggingu gamalla gatna í
bænum. Þær hafa verið látnar sitja
á hakanum. Menn verða að viður-
kenna það, hvort sem þeim líkar
það betur eða verr.“
— Hvaða tilfinningu fékkstu af
viðtölum þínum við nýju kjósend-
urna um viðhorf þeirra til bæjar-
málanna og stjórnmálanna?
„Unga fólkið var mjög jákvætt,
eftir að við fórum að tala við það,
og þá kom í ljós, að það hafði í
rauninni mikinn áhuga á bæjar-
málum og langflestir höfðu lesið
stefnuskrá okkar, sem dreift hafði
verið um bæinn. Hins vegar virtist
það ekki vera mjög pólitískt."
— Hvernig leggjast kosningarn-
ar í þig?
„Sjálfstæðisflokkurinn hefur
meðbyr hér eins og annars staðar.
Það er alveg greinilegt. Hins vegar
er ógerlegt að spá hversu mikill sá
meðbyr er. öllum er sjálfsagt holl-
ast að vera hóflega bjartsýnir."
Nú er tækifærió til að gera bestu bílakaupin í í
NESTSELDI
BÍLL EVRÓ
FIAT 127 SPECIAL
er gjörbreyttur utan sem innan, en þetta er hinn
frægi 3ja dyra bíll, sem hefur verið mest seldi
bíll Evrópu mörg undanfarandi ár og ekki að
ástæðulausu. Við höfum ekki annað eftirspurn
til þessa, enda hefur þessi sérstaki bíll eitt
hæsta endursöluverð hér á íslandi.
Síðan 1972 hafa 5 milljónir ánægðra FIAT 127
eigenda ekið með þá fullvissu í huga að bill
þeirra væri hið fullkomna farartæki, bíll sem
ekki væri hægt að smíða betur. En í dag hefur
komið i Ijós að þetta var ekki nema hálfur sann-
leikur, hin nýi FIAT 127 er ennþá skemmtilegri
og vandaðri hvað snertir hönnun og frágang.
FIAT
UMBOÐIÐ
WtZaBBF#
SMIÐJUVEGI 4, KÓP. SÍMI 77-200
SÖLUMENN 77-720
Ný sending var að koma til landsins