Morgunblaðið - 20.05.1982, Blaðsíða 25

MORGUNBLAÐIÐ, FIMMTUDAGUR 20. MAÍ1982 2 9
bæjar-og
SVEITARSTJÓRNARKOSNINGAR VJCdl VrdPLfíJd.
Þrír af frambjóðcndum Sjálfstæðisflokksins, þau Lilja, Sigurður og Dröfn, í vinnustaðaheim-
sókn hjá starfsmönnum bæjarins í Áhaldahúsinu við Lyngás.
Úr salarkynnum nýja bókasafnsins í húsnæði Garðaskóla, en þetta bókasafn kvað verða eitt hið
glæsilegasta á landinu. l.jósm. Mbl. Krisiján Kinarsson.
Garðabær er bæjarfélag sem byggst hefur mjög hratt upp
á síðustu árum. 1. desember sl. var íbúatalan komin í 5.114
og af þeim eru 3.069 á kjörskrá. Á kjörtímabilinu hefur verið
unnið mikið átak við lagningu slitlags á húsagötur, gang-
stéttafrágang og fegrun umhverfis. Þá hefur bygging 2.
áfanga Garðaskóla með æskulýðsmiðstöð og bókasafni verið
hvað stærst verkefna. Hafnar eru framkvæmdir í miðbæ
Garðabæjar, en uppbygging hans verður eflaust stærsta
verkefnið á komandi kjörtímabili. Garðabæjar verður ekki
minnst án þess að í hugann komi Hafnarfjarðarvegsmálið,
en vegna lagfæringar vegarins í gegnum bæinn var þyrlað
upp miklu pólitísku moldviðri. Vegurinn hefur nú verið lag-
færður og breikkaður að stærstum hluta og er verið að Ijúka
framkvæmdum. Þrátt fyrir allt moldviðrið sem feykt var í
kringum ákvarðanatökuna um lagfæringuna hefur verið
hljótt um málið nú fyrir kosningar. Þeir sem börðust hvað
harðast gegn breikkuninni hafa nú eflaust skynjað þá sam-
göngubót sem af framkvæmdunum er.
í bæjarstjórn Garðabæjar sitja sjö bæjarfulltrúar. Meiri-
hlutann mynda sjálfstæðismenn með fjóra fulltrúa, Alþýðu-
bandalag, Framsóknarflokkur og Alýðuflokkur eiga einn
fulltrúa hver. Mjótt var á munum í síðustu kosningum hvað
varðaði meirihlutann og þess má geta að um eitt þúsund nýir
kjósendur ganga nú að kjörborðinu, þannig að alls er óljóst
um úrslit.
Þess má og geta að Garðbæingum gefst einnig tækifæri til
að segja álit sitt á hvort heimila eigi áfengisútsölu í bænum.
Texti: F.F. Ljósm.: Kmilía.
Frambjóðendur Sjálfstæðisflokksins:
Áframhaldandi styrk stjórn eða
ósamstæður vinstri meirihluti
Lágskattastefna okkar eða háskattastefna, um þetta snúast kosningarnar
Framboðslisti sjálfstæðismanna I
Garðabæ hefur tekið miklum breyt-
ingum frá síðustu kosningum. Efstu
sætin skipa ungt áhugasamt fólk, en
meðalaldur íbúa bæjarins hefur verið
mjög lágur. Ekki eru mörg ár síðan
um 60% Garðbæinga voru 16 ára og
yngri. Krambjóðendurnir hafa heim-
sótt svo til hvert fyrirtæki í bænum,
kynnt sér rekstur þeirra og rætt við
starfsfólk, einnig hafa þeir haldið fjöl-
marga hverfafundi. Sjö efstu menn
gáfu sér þó tíma í siðustu viku til að
spjalla við Mbl.menn.
„Kosningarnar snúast um áfram-
haldandi styrka stjórn sjálfstæð-
ismanna eða ósamstæðan meiri-
hluta vinstri manna,“ sagði Sigurð-
ur Sigurjónsson, efsti maður list-
ans, er hann var spurður um hvað
kosningarnar snerust helst. Hann
sagði einnig: „Fólk hefur dæmin
fyrir sér hvað gerist þegar vinstri
stjórnir komast til valda og nægir
að nefna Reykjavík og Kópavog.
Vegna streitu ósamstæðra afla um
röðun verkefna hafa framkvæmdir
orðið óhófiega kostnaðarsamar og
álögur á íbúana í samræmi við það.
Við meirihlutastjórn sjálfstæð-
ismanna, eins og verið hefur Garða-
bæ og á Seltjarnarnesi er unnt að
halda skattálögum í lágmarki, án
þess að það komi niður á fram-
kvæmdum. Við munum halda lág-
skattastefnu okkar áfram."
Frágangi gatna Ijúki
þegar hverfi byggjast
Árni Ólafur Lárusson skipar
annað sætið. Árni sagði að skipu-
lagsmálin og samgöngumálin, þ.e.
umferðarmál innanbæjar og tengsl-
in við nágrannasveitarfélögin væru
meðal forgangsmála. Þá sagði hann
sjálfstæðismenn leggja áherslu á
umhverfismál og yrði unnið að því á
næsta kjörtímabili að ganga frá
opnum svæðum innan hverfanna
svo og meðfram nokkrum aðalveg-
um innan bæjarlandsins. Þá sagði
hann ennfremur stefnt að því að
frágangi gatna í nýjum hverfum
yrði lokið um leið og þau byggjast.
í þriðja sæti er Lilja Hallgríms-
dóttir. „Það er mjög mikilvægt að í
miðbænum byggist upp góð verzl-
unar- og þjónustumiðstöð," sagði
hún. „Með tilkomu fleiri atvinnu-
fyrirtækja fjölgar þeim sem starfa
innan bæjarins. Þjónustu og verzl-
un þarf að auka í samræmi við vöxt
bæjarfélagsins. Þá er einnig nauð-
synlegt að menningar- og félags-
starfsemi fái áfram stuðning bæj-
arfélagsins til að standa á eigin fót-
um. íþróttamálin eru í góðum hönd-
um og íþróttamenn okkar hafa unn-
ið stóra sigra. íþrótta- og æsku-
lýðsstarf þarf að efla.“
Staða bæjarsjóðs mjög góð
Agnar Friðriksson skipar fjórða
sætið. „Ég er þess fullviss, að allt
það sem gert hefur verið í Garðabæ
á svo stuttum tíma er að þakka
góðri stjórn bæjarins. Staða bæj-
arsjóðs er mjög góð eins og bæjar-
reikningarnir sýna glögglega.
Okkar stefna í fjármálum er að
tekjur verði ákveðnar fyrst, útgjöld
síðan á grundvelli þeirra. Við höld-
um lágskattastefnu okkar áfram og
með samhentum meirihluta og að-
haldsstefnu í rekstrarútgjöldum
verður ekkert vandamál að láta það
fjármagn duga til verulegra fram-
kvæmda.
Dröfn Farestveit, sem er í
fimmta sæti, sagði að skólamálin
væru málefni sem á hverjum tíma
þyrfti að gefa góðan gaum. í Garða-
bæ hefur nú risið glæsilegt skóla-
húsnæði undir framhaldsnám (í
dag, 20. maí útskrifast fyrstu stúd-
entarnir í Garðabæ, innskot Mbl.).
Þá sagði Dröfn að á næstunni yrðu
hafnar framkvæmdir við nýjan
leikskóla við miðbæinn og sjálf-
stæðismenn hefðu á stefnuskrá
sinni að efna til fullorðinsfræðslu.
„Þá er sérstakt áhugamál mitt
varðandi skólamál, að inn í skólana
verði komið markvissri fræðslu um
neytendamál og heimilisfræðslu. í
þjóðfélagi hraða og óðaverðbólgu er
ekki litið hagsmunamál að fólk fái
notið hollrar fæðu sem unnt er að
framreiða á skikkanlegu verði.“
Unga fólkið fái
áfram tækifæri
Benedikt Sveinsson og Helgi K.
Hjálmsson eru í sjötta og sjöunda
sæti. Þeir sögðu að í stefnuskrá
sjálfstæðismanna væri drepið á
mörg veigamikil atriði sem vörðuðu
áframhaldandi uppbyggingu bæjar-
félagsins. Nefndu þeir sem dæmi að
áfram yrði unnið að því að gefa
ungu fólki möguleika á að eignast
hentugt húsnæði á viðráðanlegu
verði. Þeir sögðu að Byggung í
Garðabæ, sem ungir sjálfstæðis-
menn stofnuðu á kjörtímabilinu,
ynni nú að stóru verkefni í Kjarr-
móum, þar væru að rísa 50 íbúðir í
litlum raðhúsum. Þarna væri komið
heilt hverfi á bezta stað í bænum
með íbúðarstærðum sem hentuðu
jafnt ungu fólki sem væri að hefja
búskap, og einnig eldra fólki sem
vildi minnka við sig. Þá sögðu þeir
stefnu Sjálfstæðisflokksins að
áfram yrði séð fyrir nægum íbúð-
arhúsa- og atvinnulóðnm.
Samholdnin mikil
Mörg önnur fyrirhuguð verkefni
á komandi kjörtímabili voru nefnd
sem of langt mál yrði að tíunda hér.
Auðheyrt var að meðal frambjóð-
endanna er mikil samheldni og hver
og einn hefur einlægan áhuga á vel-
ferð og framgangi bæjarfélagsins.
Þau sögðu í lokin að sjálfstæðis-
menn væru hæfilega bjartsýnir á
að meirihlutinn héldist en sögðu
einsýnt, að sjálfstæðismenn þyrftu
allir sem einn að leggja sitt af
mörkum til að svo gæti orðið.
Sjö efstu, talið frá vinstri: Lilja Hallgrímsdóttir, Árni Olafur Lárusson, Dröfn Farcstveit, Sigurður Sigurjónsson,
Benedikt Svcinsson, Agnar Friðriksson og Helgi K. Hjálmsson. í baksýn hið nýja og glæsilega húsnæði Garðaskóla,
lengst til vinstri sér í íþróttahúsið, sem er nýlegt, en þar hefur stöðugt verið unnið að aukinni þjónustu.