Morgunblaðið - 20.05.1982, Blaðsíða 43

MORGUNBLAÐIÐ, FIMMTUDAGUR 20. MAÍ 1982
47
Laugavegi 87. simi 10510
VORLÍNAN FRÁ IV\N GRÚNDAHL
DAGLEGA NÝJAR VÖRUR
HSÍ skilaði 200 þúsund
króna hagnaði á starfsárinu
— 25 landsleikur fyrirhugaðir fram að B-keppninni
Merkustu málin sem tekinn voru
fyrir á ársþinginu að þessu sinni
voru fjármálin. Starfið byggist nefni-
lega svo mikið á því að fjármagn sé
fyrir hendi til þess að halda starfinu
gangandi, og það reynist oft erfitt
hjá sérsamböndunum innan ÍSÍ að
fjármagna starfsemi sína. Hand-
knattleikssambandinu hefur nú tek-
ist að ganga alveg frá löngum
skuldahala og tekjur okkar á síðasta
ári voru tvö hundruð þúsund krónur.
Verður það að teljast nokkuð gott,
sagði Júlíus Hafstein, formaður
HSÍ, er hann var inntur eftir merk-
ustu málunum á ársþingi HSÍ sem
fram fór um síðustu helgi. Fram
kom á ársþinginu að starfíð hefur
verið öflugt og mikið er framundan.
Júlíus sagði að fjárhagsáætlun HSÍ
hljóðaði uppá 2.465.000 á árinu
1982—1983. Vissulega er þetta há
upphæð og leggja þarf mikla vinnu
fram til að afla þessara peninga, en
stjórnin er samhent og vonandi
tekst okkur að leysa vel þau verk-
efni sem framundan eru, en þau eru
bæði mörg og stór í sniðum sagði
Júlíus.
HSÍ stofnar
dómarasamband
— Á ársþinginu var ákveðið að
stofna dómarasamband og það
ætti að koma betra skipulagi á
dómaramálin hjá okkur. Deildar-
Júlíus Hafstein formaður Hand-
knattleikssambands fslands.
fyrirkomulaginu var gjörbreytt til
góðs að mínum dómi. En það verð-
ur nokkuð vandamál að koma 1.
deildar leikjunum fyrir hér á
Reykjavíkursvæðinu. íslenska
karlalandsliðið tekur þátt í
B-keppninni í handknattleik í
Hollandi í lok febrúar. Fram að
þeim tíma leikur landsliðið 25
landsleiki bæði hér heima og er-
lendis. Æfingar eru þegar hafnar
hjá leikmönnum og að undanförnu
hefur verið æft þrisvar í viku.
Fyrstu landsleikir hjá liðinu í
Góður árangur
í kringlukasti
Kúbumaðurinn Luis Delis náði
næstbezta árangri í kringlukasti á
frjálsíþróttamóti í Modesto í Kali-
forní á sunnudag, kastaði 69,58
metra. Er þetta bezta afrek hans í
kringlukasti, en ágætur árangur hef-
ur þegar náðst í þessari grein. í öðru
sæti á mótinu varð Tékkinn Imrich
Bugar með 66,97 og þriðji Bandar-
ikjamaðurinn Art Burns með 66,54
metra.
Beztum árangri í ár hefur Sov-
étmaðurinn Jurij Dumtjev náð,
69,60 metrum. Þriðji á skránni er
Marcus Gordien Bandaríkjunum
með 68,98, fjórði Werner Hartman
V-Þýzkalandi með 67,54 metra,
Bugar er í fimmta sæti með 66,97,
Burns Bandaríkjunum sjötti með
66,80 metra, sjöundi Brad Cooper
frá Bahama með 66,20 og áttundi
Bandaríkjamaðurinn Ken Stadel
með 65,38 metra.
Þess má geta að sænski krafta-
karlinn Ricky Bruch hefur í ár
kastað 62,50 metra. Einnig má til
gamans geta, að þriðji bezti kast-
arinn í ár, Marcus Gordien, er
sonur Fortune Gordien, bronz-
verðlaunahafans í þessari grein á
Ólympíuleikjunum í London 1948.
Fortune Gordien setti fjórum
sinnum heimsmet í kringlukasti,
kastaði lengst 59,28 1953.
Alkmaar hollenskur bik-
armeistari í 3. skipti
HOLLENSKA knattspyrnuféiagið
AZ '67 Alkmaar varð i fyrrakvöld
hollenskur bikarmeistari í knatt-
spyrnu og bætti sér þar með upp að
hafa séð af titlinum til Ajax fyrir
skömmu. Alkmaar sigraði FC Ut-
recht 5—1 í síðari úrslitaleik félag-
anna, Utrecht hafði unnið fyrri leik-
inn 1—0, Alkmaar sigraði því sam-
tals 5—2.
Markaskorarinn mikli, Kees
Kist, var hetja Alkmaar, hann fór
hamförum um allt og skoraði þrjú
mörk, auk þess sem hann splundr-
aði vörn Utrecht hvað eftir annað
með leikni sinni og útsjónarsemi.
Pier Tol og Austurríkismaðurinn
Franz Oberacher skoruðu hin
mörkin tvö, en Willy Carbo skor-
aði eina mark Utrecht. 17.000
áhorfendur fylgdust með viður-
eigninni í Alkmaar. Þetta var í
þriðja skiptið sem hið unga hol-
lenska stórveldi vinnur bikarinn,
áður árin 1978 og 1981, eða í fyrra,
er liðið varð einnig hollenskur
meistari með miklum yfirburðum.
Alkmaar varð í þriðja sæti hol-
lensku deildarinnar í vor.
Fer Bond til Benfica?
Portúgalska knattspyrnufélagið
fræga Benfíca er að gera hosur sínar
grænar fyrir enska framkvæmda-
stjóranum John Bond, sem stjórnað
hefur um hríð hjá Manchester City.
Er það svar Benfíca við velgengni
nágrannaliðsins Sporting sem hefur
unnið bæði deild og bikar í Portúgal
undir stjórn hinns kunna Malcolm
Allison, en hann var áður stjóri hjá
Man. City. Það einkennilega er, að
City hrundi næstum til grunna undir
stjórn Allisons.
Víst er, að Bond mun yfirgefa
City á næstunni, ekkert gekk hjá
liðinu seinni hluta mótsins og var
jafnan mikið baulað á Bond og
ekki síst son hans, Kevin Bond,
sem sá gamli hefur kinnroðalaust
teflt fram í liðinu og tekið fram
yfir vinsælli leikmenn félagsins.
sumar verða í lok júní en þá leikur
liðið á stóru móti í Júgóslavíu.
— í fræðslumálum er það helst
að frétta að í haust munu öll 12
ára börn í landinu fá bækling, sem
heitir betri handknattleikur en
ætlunin er að kynna handknatt-
leikinn rækilega í skólum lands-
ins. í haust fer fram Norðurlanda-
mót karla hér á landi hjá landslið-
um 21 árs og yngri. Mót þetta
verður hér 5 til 7 nóvember. Þá
hefur stjórnin sótt um B-keppnina
árið 1985 og gerir sér vonir um að
nú verði keppnin hér á landi. En
við höfum sótt um einu sinni áður
að halda keppnina. Þá á HSÍ 25
ára afmæli á árinu, þann 11. júní,
og verður afmælisins minnst með
ýmsu móti, meðal annars með sér-
stakri fjáröflun, landsleikjum, og
hófi svo eitthvað sé nefnt, sagði
Júlíus Hafstein, formaður HSÍ. Og
í þessu stutta spjalli við Júlíus má
heyra að forystumenn handknatt-
leikshreyfingarinnar hafa í mörgu
að snúast á nýbyrjuðu starfsári.
- ÞR.
Þaö verður mikið um að vera hjá handknattleiksmönnum á næsta keppnis-
tímabili. Fleiri landsleikir en oftast áður og félagsliðin leika fleiri leiki en
nokkru sinni fyrr.