Morgunblaðið - 06.12.1984, Qupperneq 52

52
MORGUNBLAÐIÐ, FIMMTUDAGUR 6. DESEMBER 1984
Stefnumót, laufskálinn, sem nýlega var tekinn í notkun.
Brauðbær heldur upp á
20 ára afmæli í desember
Eitt af herbergjunum á hótelinu.
Á horni Týsgötu og Þórsgötu, við
Óðinstorg hefur í mörg ár verið
rekinn veitingastaðurinn Brauð-
bær. í tímans rás hefur staðurinn
tekið miklum stakkaskiptum. í
desember á Brauðbsr 20 ára af-
msli og voru þeir Bjarni Árnason
og Gísli Thoroddsen teknir tali í
tilefni þess.
Bjarni sagði að árið 1964 hefði
Brauðbær hafið starfsemi sína,
sem smurbrauðsstofa á danska
vísu. „Árið 1967 markaðssettum
við fyrstir samlokur til dreif-
ingar í verslanir og söluturna.
Komust samlokurnar fljótlega í
tísku og byrjaði Brauðbær að
framleiða þær í stórum stíl til
dreifingar. Árið 1969 hófst síðan
sala á heitum mat í Brauðbæ, þó
með öðru sniði en nú, því staður-
inn hefur tekið miklum breyt-
ingum á þessum fimmtán árum.
Brauðbær starfrækir einnig
veislumiðstöð, sem býður m.a.
upp á að útvega allt til veislunn-
ar nema tilefnið. Stórar veislur,
smáar veislur, ekkert mál,“ sagði
Bjarni.
Þetta er m.a. sú starfsemi sem
Brauðbær hefur verið með þar
til í vor, þegar opnað var hótel á
vegum fyrirtækisins. Hótelið
stendur við hlið Brauðbæjar við
Óðinstorg og nefnist Óðinsvé.
Nýjasta viðbótin við starfsemina
er þó glerhús sem nýlega var
byggt og snýr út að Þórsgötu.
Þetta er einskonar götuveitinga-
hús eða laufskáli. En því miður
þurfa götuveitingahús að vera
undir þaki á íslandi. Skálinn
hefur orðið til samhliða því, að
verið er að gera Þórsgötuna að
vistgötu. Það er opið á milli veit-
ingasalarins og laufskálans og
eru þessir tveir salir reknir í
sameiningu, þó þeir bjóði upp á
gjörólíka stemmningu. í fram-
tíðinni mun nafnið óðinsvé
verða á veitingahúsinu auk hót-
elsins. Bjarni sagði að laufskál-
inn hefði hlotið nafnið Stefnum-
ót, svona rétt til að halda róm-
antíkinni á lofti. „En Brauð-
bæjarnafnið verður ekki aflagt,
samlokuframleiðslan og
smurbrauðstofa fyrirtækisins
verða áfram undir því nafni,
ennfremur við Gísli, sem verðum
illþekkjanlegir öðruvísi en ná-
tengdir Brauðbæjarnafninu."
En er þetta hentugt húsnæði
fyrir rekstur sem þennan?
„Já, það er orðið það í raun-
inni. Fyrst í stað leigðum við
húsnæðið þar sem veitingasalur-
inn og eldhúsið er. Það stóð allt-
af til að við flyttum starfsemina,
en hætt var við það. Þess í stað
keyptum við hér þrjú hús, Þórs-
götu 1 og 3 og Týsgötu 7. Síðan
höfum við eiginlega „holað" hús-
in að innan eins og ostbita og
endurskipulagt. Við fengum leyfi
til þess að byggja einskonar
tengihús á baklóðinni. Með þessu
höfum við getað mótað húsnæðið
eftir okkar þörfum. Húsnæðið
sem hótelið er í, var allt gert upp
og krafðist það mikillar vinnu og
tíma. En viðgerðin hefur tekist
vel og húsið er orðið mjög vist-
legt. Þar eru nú um 20 gistiher-
bergi, auk setustofu fyrir hótel-
gesti, og er ætlunin að fjölga
þeim eitthvað."
En hvenær var ákveðið að fara
út í hótelrekstur?
„Það var ákveðið fyrir rúmu
ári, þar sem við höfðum yfir að
ráða talsverðu ónotuðu rými,
sem hæfði einkarvel þessari
starfsemi. Það fer ekki milli
mála að hótelrekstur og veit-
ingahússrekstur eiga mjög vel
saman. Við bjóðum hér upp á á
gistingu á viðráðanlegu verði og
með heimilislegum blæ í gömlu,
grónu hverfi í hjarta höfuðborg-
arinnar og erum vissir um að
margir kjósa að gista hér stað-
setningarinnar vegna. Enda
gekk þetta mjög vel hér sl.
sumar, eða þangað til verkfallið
skall á. í upphafi lögðum við
áherslu á að ná fram séríslensk-
um heimilislegum blæ á hótelið.
Þar var næsta auðvelt fanga, ís-
lensku ullarteppin, glugga-
tjöldin, áklæðin og værðarvoð-
Gísli Thoroddsen, matreiðslumeistari, Lv., og Bjarni Árnason,
veitingamaður.
irnar frá Álafossi hf. ásamt sér-
smíðuðum hótelhúsgögnum frá
Kristjáni Siggeirssyni hf. tala
sínu máli. Þetta er þvi allt í ný-
tískulegum íslenskum stíl, ef svo
má að orði komast, og erum við
mjög ánægð með útkomuna.
Rúnar Gunnarsson, arkitekt,
annaðist alla hönnun fyrir
okkur.“
Gísli Thoroddsen matreiðslu-
meistari í Brauðbæ var spurður
um þær breytingar sem væru á
döfinni í eldhúsi hans í tilefni
afmælisins.
Hann sagði að margar nýjung-
ar væru að koma fram í dags-
ljósið. „Við höfum þegar tekið
upp þá nýbreytni að hafa
fiskhlaðborð í hádeginu á föstu-
dögum og hefur það mælst vel
fyrir," sagði hann. „Mest spenn-
andi er þó að vita hvernig til
tekst með að láta framboð á úr-
valshráefni að mestu ráða gerð
matseðilsins á hverjum degi. Á
listmálaratrönum með „pall-
ettu“ látum við kokkarnir ljós
okkar skína. Þar ber að líta þá
rétti, sem við mælum með
hverju sinni og eru þeir réttir þá
nær undantekningarlaust mat-
reiddir úr fersku hráefni. Einn
góðan veðurdag gæti það ef til
vill gerst, að kokkurinn fengi að
ráða hvað gestirnir veldu sér,
svo einfalt er það. Með því að
velja daglega ferskt gott hráefni
til matargerðar í eldhúsi mínu,
eins og ég geri reyndar, gæti
skapast það traust milli okkar
og matargestanna að þeir spyrji
er þá ber að garði „hvað á ég að
borða í dag?“. Þetta kann nú að
vera framúrstefnuhjal, þó e.t.v.
ekki svo fjarlægt í raun og veru.
En það verður framtíðin og gest-
ir okkar að skera úr um.
Fljótlega fer í gang enn ein
nýjung hjá okkur, en það er að
gera fimmtudaginn að sérstök-
um karrýdegi. Ég er með öll
spjót úti núna til þess að útvega
krydd, svo ég geti blandað sjálf-
ur karrý, ekta indverskt karrý.
Hér á landi hefur ekki verið á
boðstólnum slíkur matur, en við
vitum að margir Íslendingar
hafa kynnst ekta karrýmat víða
erlendis og sakna þess að geta
ekki fengið hann hér. f desember
munum við svo hafa danskt jóla-
borð fyrir gesti okkar, eins og
gert var með góðum árangri í
fyrra,“ sagði Gísli.
Þeir Bjarni og Gísli voru sam-
mála um að íslendingum hafi
farið mikið fram í sambandi við
matargerð og matarvenjur og
telja þeir að hér á landi séu mjög
frambærilegir matreiðslumenn
starfandi. „Að vísu er boðið upp
á mjög mismunandi þjónustu á
veitingahúsunum, en almennt er
boðið upp á góðan mat á viðun-
andi verði og geta íslendingar
verið stoltir af því,“ sagði Bjarni
Árnason að lokum.
Ný kvenfata-
verslun opnuð
NÝ VERSLUN með kvenfatnað hefur verið opnuð í Pósthússtræti 13. Verslunin
ber heitið „Christine" og að sögn eigandans, Kristínar Rósinkranz, er hér um að
ræða verslun með vandaðan kvenfatnað í sérflokki.
„Við erum hér bæði með sígildan
kvenfatnað og tískuvörur," sagöi
Kristín Rósinkranz i samtali við
blaðamann Morgunblaðsins. Kristín
sagði, að til að byrja með yrði lögð
áhersla á fimm vönduð merki í fatn-
aði, sem eru „Rocco-Barocco" frá It-
alíu, „Filiderba-Gouadie", sem einn-
ig er ítalskt, svo og „Dino Valiano".
Þá væri einnig um að ræða merkin
„Anastazsia” frá Frakklandi og
„Saint Mignar“ frá Þýskalandi, en
allt eru þetta vönduð merki og góð
efni að sögn Kristínar Rósinkranz.
Þá er verslunin einnig með ítölsk
belti af gerðinni „Gioiello el i
frenze".
Kristín Rósinkranz er fædd og
uppalin í Þýskalandi, en kynntist ís-
lenskum eiginmanni sínum er hann
var við nám í verkfræði í heima-
landi hennar. Hún fluttist með hon-
um til íslands fyrir 18 árum og er nú
íslenskur ríkisborgari. Hún rak áð-
ur kaffistofuna „Café Torg“ við
Lækjartorg í Reykjavík.
Eigandinn Kristín Rósinkranz
í verslun sinni „Christine**
Morminblaöið/Árni SæberK