Morgunblaðið - 02.04.1985, Blaðsíða 4
4
MORGUNBLAÐIÐ, ÞRIDJUDAGUR 2. APRÍL 1985
Skákeinvígi Margeirs og Shvidlers:
Aðalritari FIDE
reynir að ná sáttum
„ÞAÐ er að komast einhver hreyfing á þetta mál. Aðalritari FIDE hefur
ákveðið að ganga ( það og reyna að finna lausn á því. Ennfremur hefur
Helme, svaeðisforseti FIDE, varpað fram þeirri hugmynd að svæðisráðið
kosti ferð Margeirs til fsrael að einhverju eða öllu leyti,“ sagði I»orsteinn
Þorsteinsson, forseti Skáksambands íslands, í samtali við Morgunblaðið.
Eins og fram hefur komið í
fréttum Morgunblaðsins hefur
sprottið upp misklíð vegna
ákvörðunar Helme, svæðisfor-
seta FIDE, þess efnis, að einvígi
Margeirs Péturssonar og ísra-
elska skákmannsins Shvidlers
um rétt til þátttöku á milli-
svæðamóti FIDE fari fram í
Ísrael og Skáksamband íslands
beri kostnaðinn af för Margeirs
fangað. Norðurlöndin eru ásamt
srael og nokkrum Mið-Evrópu-
löndum innan ákveðinnar svæð-
isstjórnar FIDE. Einvíginu átti
að vera lokið í lok marz, en enn
Langeygir
eftir sjálf-
virka
símanum
„VIÐ erum orðin langeyg eftir
sjálfvirka símanum hér í sveit-
inni. Fyrst átti hann að komast
í gagnið sl. haust, en svo frest-
aðist það æ ofan í æ og enn
bólar ekkert á honum,“ sagði
Bjarni Pétursson, bóndi á Herj-
ólfsstöðum í Alftavershrepp,
Vestur-Skaftafellssýslu í sam-
tali við blm. Mbl.
Álftavershreppur og Skaft-
ártunguhreppur eru enn án
sjálfvirks síma, en til stóð að
sveitirnar væru komnar með
sjálfvirkan síma sl. haust.
Sagði Bjarni að fyrst hefði
verið sagt að það frestaðist
fram til jóla að síminn kæmi.
Síðan hefði verið frestað á
nýjan leik fram til páska. Nú
síðast sagðist Bjarni hafa
heyrt að síminn kæmi ekki
fyrr en í júní eða júlí og þætti
íbúum sveitanna nú orðið nóg
um hversu mjög þetta dræg-
ist.
„Við fáum engin skýr svör,
þegar við spyrjum um ástæð-
ur þess að þetta dregst
svona,“ sagði Bjarni jafn-
framt.
er svigrúm til miðs aprílmánað-
ar. Náist sættir ekki fyrir þann
tíma, fer hvorugur þeirra á
millisvæðamótið.
Þorsteinn Þorsteinsson sagð-
ist binda vonir við það, að aðal-
ritari FIDE, Lim Kok Ánn, næði
einhverjum árangri í málaleitan
sinni. Skáksambandið hefði lagt
til, að einvígið færi fram í hlut-
lausu landi, Hollandi eða Þýzka-
landi til dæmis. Það væri ekki
bara kostnaðurinn við að senda
Margeir ásamt aðstoðarmanni
til ísrael, sem yxi þeim í augum,
heldur hvernig að ákvörðun um
mótsstað hefði verið staðið af
hálfu Helme. Hann virtist hafa
lofað Israelum einvíginu án þess
að ræða það við aðra aðila máls-
ins.
Margeir Pétursson, sagði í
samtali við Morgunblaðið, að
fyrir sitt leyti hefði hann ekkert
á móti ísrael sem mótsstað.
Hann styddi hins vegar Skák-
sambandið í því, að hnekkja
þessari valdníðslu Helme. Hann
væri orðinn þreyttur á þessari
löngu bið og vonaði að svo hrap-
allega færi ekki í þessu máli, að
hann yrði dæmdur frá einvíginu.
Bervfloirslysið:
Nótin fundin — Beðið fær-
is að hægt verði að kafa
ENN hefur leitin að mönnunum í
áhöfn vélbátsins Bervíkur frá
Olafsvík ekki borið árangur, en
áhöfn Auðbjargar frá Olafsvík
fann nót bátsins uppúr hádegi í
gær. Samkvæmt upplýsingum Em-
anúels Ragnarssonar formanns
Björgunarsveitar Ólafsvíkur var
ekki meira hægt að gera vegna
veðurs.
Fjörur eru gengnar reglulega
og varðskip bíður úti fyrir með
kafara um borð, sem bíða færis
að hægt verði að kafa niður að
þeirri þúst á 24 metra dýpi, sem
talin er vera bátsflakið.
Síðdegis í gær var enn all-
hvass vindur fyrir vestan, og var
heldur að bæta í. Tveir bátar
fóru út frá Ólafsvík til að að-
stoða við undirbúning á köfun,
en aðstæður leyfðu ekki að kafað
Hjúkrunarfræðingar vilja ráða sig í hálft starf:
Segjast fá helmingi hærri
laun með aukavöktum
„EF VIÐ fáum enga leiðréttingu á kjörum þá ráðum við okkur ekki á
sjúkrahúsin nema í hálfa vinnu,“ sögðu þær Jóna Dóra Kristinsdóttir, Guð-
rún Ólöf Jónsdóttir og Ingibjörg Sigurðardóttir, sem allar útskrifast frá
Hjúkrunarskóla íslands í vor.
Skömmu fyrir jól birtist auglýs-
ing i dagblöðunum frá hjúkrunar-
fræðinemum við Háskóla íslands,
þar sem þær óskuðu eftir vinnu og
tíunduðu menntun sína. Voru
hjúkrunarfræðingarnir tilvonandi
óánægðir með kjörin sem bjóðast
á sjúkrahúsum landsins og
skömmu eftir áramótin gengu
nemendur Hjúkrunarskólans til
liðs við háskólanemana.
Kröfur hjúkrunarfræðinganna
eru fjögurra launaflokka hækkun
og að greiddar verði 15 stundir á
mánuði, sem nýtast myndu til fag-
legra verkefna ýmiss konar.
„Byrjunarlaun hjúkrunarfræð-
inga eru nú rúmar 20 þúsund
krónur á mánuði fyrir 100%
vinnu, en fyrir 50% vinnu eru
mánaðarlaunin rúmar 10 þúsund
krónur. Ef einhver ræður sig í
50% vinnu og tekur kannski 10
aukavaktir á mánuði, þá eru laun-
in komin upp i 29 þúsund krónur á
mánuði," sögðu þær Jóna Dóra,
Guðrún Ólöf og Ingibjörg. „Þannig
þarf vinnuveitandinn i raun að
greiða helmingi hærri laun til
þeirra sem eru i 50% vinnu en
hinna sem eru þó augljóslega
traustari vinnukraftar, því hjúkr-
un verður auðvitað markvissari ef
viðvistartími hjúkrunarfræðinga
er í föstum skorðum."
Þær stöllur sögðu, að auðvitað
væru þær að notfæra sér að nú
væri mikill skortur á hjúkrunar-
fræðingum. „Þessi skortur er til
kominn vegna þess hve launin eru
Fékk ekki þau völd
sem forstjóri á að hafa
Hjörtur Pálsson um starf sitt við Norðurlandahúsiö í Færeyjum
Þórehörn í Færeyjura, 1. nprfl. Frá Asdini
Haraldadóttar, búóamanni Morjfunblaós-
HJÖRTUR Pálsson fráfarandi for-
stjóri Norðurlandahússins í Fær-
eyjum hélt í dag fund með blaða-
mönnum þar sem hann lagði fram
fréttatilkynningu. í tilkynningunni
gerir hann grein fyrir samskiptum
sínum við stjórnina og svarar einn-
ig þeim ásökunum sem komu fram
í tilkynningu hennar sl. miðviku-
dag.
Hjörtur sagði m.a. að ósam-
komulag hafi verið milli hans
annars vegar og hins vegar
formanns stjórnarinnar, Jan
Stjernstedt, varaformannsins
Danjals P. Daneilssen og fráfar-
andi forstjóra Norðurlandahúss-
ins, Steen Cold, en hann varð
stjórnarmeðlimur stuttu eftir að
hann hætti sem forstjóri. Einnig
hafi hann átt erfitt með að
starfa með Asu Justinussen sem
var áður fulltrúi forstjóra, en
var gerð að varaforstjóra þegar
Hjörtur tók við. Hann sagðist
hafa gert stjórninni viðvart
strax í nóvember um að sam-
starf í húsinu gengi ekki sem
best. Einnig kvartaði hann und-
an því að reglur sem settar
höfðu verið um hverjir ættu að
hafa umsjón með ýmiss konar
tæknivinnu í húsinu, væru mjög
þungar í vöfum og erfitt að
vinna eftir þeim. Hann hafi
komið fram með tillögur til úr-
bóta, t.d. lagt til að fá að nota
húsvörðinn meira þar sem hann
hefði hæfileika tii þess konar
vinnu, en þessar tillögur hafi
engar undirtektir fengið hjá
stjórninni. Hjörtur sagði að
hendur hans hafi verið mjög
bundnar og að hann hafi ekki
haft þau völd sem hann taldi að
forstjóri Norðurlandahússins
ætti að hafa.
í fréttatilkynningu stjórnar
hússins var Hjörtur einnig ásak-
aður um að hafa ekki lagt fram
áætlun um starfsemi í húsinu
fyrir 1985. Hjörtur sagðist ekki
skilja hvers vegna hann væri ás-
akaður um þetta, þar sem hann
hafi lagt fram bráðabirgða-
áætlun á stjórnarfundi í febrúar
sl. Hann sagðist hafa reynt að
finna áætlanir frá stjórnartíð
Steen Cold, en það hefði ekki
tekist. Hins vegar heyrði hann
Steen Cold leggja fram áætlanir
munnlega á stjórnarfundi sem
Hjörtur Pálsson
haldinn var áður en hann hætti f
september sl. Honum fyndist þvf
undarlegt að Steen Cold gæti
gagnrýnt þetta. Hjörtur Pálsson
yfirgaf Norðurlandahúsið sl.
föstudag. Hann hefur enn ekki
tekið ákvörðun um það hvenær
hann snýr aftur heim til íslands.
lág og það er fáránlegt að það
skuli vera hentugra að ráða sig í
50% vinnu og taka síðan auka-
vaktir. Það hlýtur að vera sjúkra-
húsunum í hag að hafa fastar
manneskjur á hverri deild, en
þurfa ekki að hóa í starfskrafta af
öðrum deildum til að hlaupa í
skörðin, starfskrafta sem þekkja
ekki til deildarinnar. Nú standa
mörg rúm auð á sjúkrahúsunum
vegna skorts á hjúkrunarfræðing-
um og það kemur dálítið spánskt
fyrir sjónir ef það telst hentugra
að nýta ekki rúmin í stað þess að
hækka laun okkar, fyrir utan það
að þjónusta við sjúklinga er auð-
vitað í Iágmarki þegar þeir fá ekki
inni vegna skortsins. Nú vantar 60
hjúkrunarfræðinga á Borgarspít-
ala, Landsspítala og Landakot, en
um 70 útskrifast í vor frá Hjúkr-
unarskólanum og Háskólanum.
Okkur finnst því að kröfur okkar
séu ekki nema réttmætar, því ef
gengið verður að þeim, hækkum
við í launum um rúmar 6 þúsund
krónur, miðað við 100% starf.“
Að sögn þremenninganna styðja
Starfandi hjúkrunarfræðingar
baráttu þeirra og komið hefur til
tals á sjúkrahúsum, að verði ekki
gengið að kröfunum muni allir
hjúkrunarfræðingar, sem eru i
80—100% starfi, segja upp og
endurráða sig í 50% vinnu, líkt og
nemarnir hyggjast gera. „Engin
okkar 70, sem útskrifast í vor hef-
ur ráðið sig til starfa enn og sam-
staðan er því mikil.“
Þær Jóna Dóra, Guðrún Ólöf og
Ingibjörg sögðust þess fullvissar,
að nóg væri af menntuðum hjúkr-
unarfræðingum, en þær skiluðu
sér ekki til starfa eftir nám vegna
lélegra kjara. Hjúkrunarfræð-
ingar væru „kvennastétt" og því
væri alltaf eitthvað um að konur
heltust úr lestinni vegna fjöl-
skyldustofnunar, en þær tryðu því
að mun fieiri kæmu til starfa ef af
leiðréttingu á kjörum yrði.