Morgunblaðið - 02.04.1985, Blaðsíða 42

42
MORGUNBLADIÐ, ÞRIÐJUDAGUR 2. APRÍL 1985

* £ .
Ungir félagar Hestamannafélagsins Freyfaxa bjóða upp á hlutaveltu I
hestakerru.
MorKunblaöið/ Sig. Jónsson
Frá tollvörugeymslu Eimskips á Sel-
fossi.
EgiJsstaðir:
Útisölur hressa upp á mannlífíð
EgikrtMum, 24. nure.
ÞAÐ verður * algengara hér á Eg-
ilsstöðum að útisölur hvers konar
dafni — einkum síðla föstudags í
iðu umferðarinnar kringum kjör-
búð KHB. Þar eru þá oftast á ferð
áhugamannafélög og fylgja þá
gjarnan uppákomur og jafnvel
listflutningur eins og lúðrablástur
og því um líkt.
Síðasta föstudag höfðu t.d. tvö
áhugamannafélög komið vögn-
um sínum fyrir utan við kjörbúð
KHB. Þar voru á ferð ungir fé-
lagar úr Björgunarsveit Slysa-
varnadeildarinnar Gróar er
seldu árbækur Slysavarnafélags
Islands — og galvaskir félagar
úr Hestamannafélaginu Frey-
faxa er efndu til hlutaveltu í
hestakerru. Virtist þeim vel
ágengt í fjáröfluninni!
Og nú hefur atvinnumála-
nefnd Egilsstaðahrepps ákveðið
að halda áfram með rekstur úti-
markaðar — sem hafist var
handa um í fyrra. Til þeirra
þarfa er ætlunin að festa kaup á
sérstöku tjaldi. Útimarkaðurinn
verður opnaður í síðustu viku
maimánaðar, enda verða þá
haldin hér á Egilsstöðum fjöl-
menn landsþing JC og Lions.
Hreppsnefnd hefur skipað sér-
staka framkvæmdanefnd úti-
markaðarins og starfsmaður
hefur verið ráðinn.
Ekki er annað vitað en þessir
útimarkaðir hressi heldur upp á
mannlífið hér. — óiafur
MorgunblaðiA/Ólafur
Hreppsráð ásamt sveitarstjóra, Ulid frá vinstri: Björn Ágústsson, Ragnar Steinarsson, GuAmundur Magnússon og
Sveinn Þórarinsson.
Egilsstaðir:
íbúðarhúsið við Kirkjuveg f Vestmannaeyjum. MorgunbiaðiA/Sigurgeir
Vestmannaeyjar:
Nýtt íbúðarhús rís
í gamla bænum
VeKtmann»eyjum, 25. mtra.
Á TÆPU ári hefur þetta myndarlega íbúðarhús risið fullfrágengið í
miðbænum í Vestmannaeyjum. Trésmiðirnir Ársæll Sveinsson og Stein-
grímur Snorrason keyptu gamalt óíbúðarhæft hús við Kirkjuveg til niður-
rifs og byggðu á lóðinni 400 fm tveggja hæða hús með fjórum fbúðum.
Byggingaframkvæmdir hófust í maí 1984 og þeim lauk í þessum mánuði.
í húsinu eru tvær 80,80 fm tveggja herbergja íbúðir og tvær 104,25 fm
þriggja herbergja. Hönnuður hússins er Páll Zophoníasson.
Ibúðirnar voru afhentar full- fellur vel inn í gamalgróið íbúða-
frágengnar jafnt utan sem innan.
Söluverð tveggja herbergja íbúð-
anna var 1140 þús. kr. og verð
þriggja herbergja íbúðanna var
1560 þús. kr., en þeim fylgir bíl-
skúr sem kostar 325 þús. kr. Hús-
ið var til sýnis um fyrri helgi.
Þykir vel hafa til tekist, húsið
hverfi og frágangur allur til mik-
illar fyrirmyndar. Þeir félagar
Ársæll og Steingrímur hyggja á
frekari byggingaframkvæmdir á
þessari sömu línu og er þegar
mikil eftirspurn eftir íbúðum í
næsta áfanga.
- hkj
Upprennandi björgunarsveitarmenn bjóða árbækur SVFÍ til sölu.
Morgunblaðió/Ólafur
Trésmiðirnir Ársæll Sveinsson og Steingrímur Snorrason, sem reistu
íbúðarhúsið og hyggjast halda áfram á sömu braut.
Góð staða sveitarsjóðs
Egitagtoéum, 24. mara.
FJARHAGSÁÆTLUN Egilsstaðahrepps fyrir yfirstandandi ár var einróma
samþykkt á fundi hreppsnefndar nýlega. Skv. niðurstöðutölum fjárhagsáætl-
unar eru gjöld umfram tekjur rúmlega 6 milljónir króna, en skýringar þessa
mismunar er að finna í kaupum á húsnæði fyrir iðngarða, sem eru fjármögn-
uð með láni frá Iðnlánasjóði, en væntanlega munu leigutekjur af iðngörðum
standa undir fjármagnskostnaði vegna þeirra kaupa svo að þessi mismunur
niðurstöðutalna gjalda og tekna fjárhagsáætlunarinnar gefur ekki rétta
mynd af stöðu sveitarsjóðs.
„Staða sveitarsjóðs er góð og
hefur sjaldan verið betri,“ sögðu
þeir hreppsráðsmenn Egilsstaða-
hrepps er fjárhagsáætlunin var
kynnt fréttamönnum. „Til þessa
höfum við verið að raða málum í
forgangsröð en nú getum við nán-
ast framkvæmt allt það sem á
okkar könnu er komið að þessu
sinni,“ sagði einn hreppsráðs-
mannanna.
Ástæður þess að rýmra er nú
um ráðstöfunarfé en oft áður eru
fyrst og fremst þær að ýmsar fjár-
frekar framkvæmdir undangeng-
inna ára eru nú að mestu að baki.
Má þar til nefna byggingu íþrótta-
húss og verkamannabústaða auk
þess sem byrði Egilsstaðahrepps
af langtímalánum hefur aldrei
verið mikil. Nú eru afborganir og
vextir af langtímalánum kr.
2.480.000 eða sem nemur 7,1% af
tekjum.
Samkvæmt fjárhagsáætluninni
er gert ráð fyrir byggingu grunns
dagheimilis og til þess varið 2
millj. króna; þá eru áætlaðar 1,7
millj. til lokafrágangs 1. áfanga
íþróttahúss; gert er ráð fyrir ný-
byggingu áhaldahúss sveitarfé-
lagsins; tæp milljón rennur til
byggingar skólasels í Fellum og
fjárframlög eru áætluð til safna-
húss og íbúða aldraðra.
Þá kom það fram í máli
hreppsráðsmanna og sveitarstjóra
að aukin áhersla verður nú lögð á
sumarvinnu unglinga hjá Egils-
staðahreppi. Til svonefndar ungl-
ingavinnu er áætlað að verja að
þessu sinni 1,3 millj. kr. en 500
þús. var varið til þeirra mála á
síðasta ári.
Áætlað, er að verja tæpum 5
millj. kr. til gatnagerðar. M.a. er
áætlað að leggja olíumöl á Kol-
tröð, Ártröð, Brávelli og Tjarnar-
lönd og rykbinda fleiri götur. Þá
er áætlað að verja tæpum 2 millj.
til gangstéttagerðar og 1 millj. kr.
til holræsagerðar. Ennfremur er
áætlað að verja fjármunum til
lokafrágangs útiíþróttasvæðis
sveitarfélagsins og jafnframt til
þess að hefja framkvæmdir á nýju
skíðasvæði.
Að sögn sveitarstjóra, Guð-
mundar Magnússonar, var inn-
heima opinberra gjalda hjá Eg-
ilsstaðahreppi með lélegra móti á
síðastliðnu ári.
Við gerð fjárhagsáætlunar nú
var íbúatala Egilsstaðahrepps
1283 en var 1273 í fyrra. Hefur
íbúatalan ekki hækkað minna í
annan tíma.
Hreppsráð Egilsstaðahrepps
skipa eftirtaldir: Björn Ágústsson
Alþýðubandalagi, Ragnar Stein-
arsson Sjálfstæðisflokki og Sveinn
Þórarinsson Framsóknarflokki.
Selfoss:
Tollvörugeymsla Eim-
skips stækkuð um helming
Selfoasi, 26. mare.
STTÖÐUG aukning er í vöruflutning-
um Eimskips austur fyrir fjall. Það
sem af er þessum mánuði hafa 250
tonn farið um tollvörugeymslu Eim-
skips á Selfossi og athafnasvæði þess
við Gagnheiði.
Tollvörugeymsla Eimskips á Sel-
fossi var stækkuð um helming um
síðustu mánaðamót og er nú 300 m2.
Vöruflutningar hafa aukist mun
meira en gert var ráð fyrir í upp-
hafi og er ætlunin að lengja opnun-
artíma vörugeymslunnar og auka
um leið þjónustuna við viðskipta-
vinina.
Við stækkun vörugeymslunnar
var tekin í notkun lyftari en áður
var notast við lánstæki. Fjöldi
viðskiptaaðila sem flytja inn að
staðaldri er á fjórða tug og mest
áberandi í þessum innflutningi eru
vörur til iðnaðarframleiðslu. Um-
boðsaðili Eimskips á Selfossi er
Árfoss hf. sem hefur aðsetur að
Eyrarvegi 37. sig Jóns.