Morgunblaðið - 02.04.1985, Side 28

28
MORGUNBLAÐIÐ, ÞRIÐJUDAGUR 2. APRÍL 1985
Tyggðu
í takt við
„Meat Is Murder"
gramm
Laugavegi 17,
sími 12040.
Póstsendum
samdægurs.
ATH: Einnig fjölbreytt úrval af bókum, blöðum
og merkjum með Duran Duran, Wham, Prince
o.fl. o.fl.
Eigum fyrirliggjandi fjölbreytt úrval af allskonar
tónlist s.s. jazz, blues, soul, afrískri tónlist o.fl. o.fl.
o.fl.
Nýja SMITHS platan er komin aftur ...
Meat Is Murder stendur fyllilega við þær vænt-
ingar sem við The Smiths voru bundnar. Hljóm-
sveitin er um þessar mundir sú umtalaðasta í Bret-
landi. Breska poppblaðið NME segir m.a. i dómi
um plötuna: „Meat Is Murder inniheldur stórkost-
legustu melódíur Smiths til þessa. Tónlist hennar
og athyglisverðir textar falla fullkomlega saman".
Fallegur og tilfinningaríkur söngur Morrisseys
prýðir tónlist Smiths á þann hátt að flestir falla
fyrir henni. Enda sigldi Meat Is Murder rakleiðis í
1. sæti breska vinsældalistans.
O Pat Metheny Group —
First Circle
Hljómsveit gítarleikarans Pat
Metheny er tvimælalaust vinsæl-
asta jazzhljómsveitin um þessar
mundir og nokkur undanfarin ár.
First Circle, nýjasta plata Pat
Metheny Group, fékk nýlega 5
stjörnu gagnrýni i jazztimaritinu
Down Beat. Sem sagt frábær.
Auk þess þarf vart aó geta þess
að Pat Metheny-hljómsveitin að-
stoðar David Bowie í nýjasta lag-
inu hans.
PAT METHENY GROUP
, v i U V i i
O Hringurinn — Lár-
us Halldór Grímsson
Tónlistin úr kvikmynd Friðriks
Þórs Friðrikssonar, Hringurinn,
er nú fáanleg á hljómplötu.
Hugljúf og heillandi synthesizer
tónlist, sem þegar hefur fengið
lofsamlega umsögn gagnrýn-
enda.
Metsölubku) á hverjum degi!
Frá landsfundi KRFÍ.
Mikilvægt að hver
einstaklingur
nýtist sem best
— frá landsfundi Kvenréttindafélags íslands
Á 16. landsfundi Kvenréttindafélags íslands sem haldinn var 15. og 16.
marz sl. var rætt um áhrif tölvuvæAingar á störf kvenna, launamál og
skattamál.
Ýmsar ályktanir voru sam-
þykktar, m.a. áskorun til
menntamálaráðuneytisins um að
starfsfræðsla í skólum verði
stóraukin með sérstakri áherslu
á jafnrétti, þannig að unglingum
finnist sjálfsagt að fara nýjar
leiðir þegar þeir velja sér nám og
framtíðarstarf. Einnig var sam-
þykkt áskorun til forsætisráð-
herra, að hann láti fara fram
könnun á þvi hvers vegna launa-
munur kynjanna sé svo mikill
sem raun ber vitni. Þá var sam-
þykkt áskorun á stjórnvöld að
halda áfram á braut til sérskött-
unar við álagningu tekjuskatts á
hjón og áréttaðar fyrri tillögur
KRFÍ um skattalegar ívilnanir
til þeirra sem annast uppeldi
barna og umönnun annarra á
heimilum.
í lok fundarins fóru fram pall-
borðsumræður um spurninguna
„Hvert stefnum við í jafnréttis-
baráttunni?". Þátttakendur voru
Esther Guðmundsdóttir, Guðrún
Ágústsdóttir, Inga Jóna Þórð-
ardóttir, Jóhanna Sigurðardótt-
ir, Lára Júlíusdóttir og Unnur
Stefánsdóttir. Umræðustjóri var
Erna Indriðadóttir.
í umræðunum kom fram
nokkur bjartsýni á framtíðina,
mikið hefði áunnist í jafnréttis-
baráttunni, þó henni væri hvergi
lokið. Ytri skilyrði, s.s. sveigjan-
legur vinnutími, samfelldur
skóladagur og nægt framboð á
dagvistarrýmum og skóladag-
heimilum réðu miklu um mögu-
leika ungra kvenna til starfa
utan heimilis.
Auka þyrfti skilning samfé-
lagsins á jafnri foreldraábyrgð
og rétti karla til annast börn sín,
það ætti t.d. ekki að þykja óeðli-
legt að þeir gætu fengið leyfi frá
vinnu til að annast veik börn.
Lögð var áhersla á mikilvægi
heimilisins, sem væri sá grund-
völlur sem framtíð nýrrar kyn-
slóðar byggðist á.
Rætt var um nauðsyn þess að
brjóta upp hefðbundið náms- og
starfsval pilta og stúlkna. Konur
væru í tiltölulega fáum, en stór-
um starfsstéttum, gjarnan í
þjónustu hins opinbera og erfitt
væri fyrir þessa stóru hópa að fá
launahækkanir. Endurmeta
þyrfti störf á vinnumarkaðnum,
því þar virtist ábyrgð á pening-
um skipta meira máli, en ábyrgð
á mannslífum!
Lögð var áhersla á mismun-
andi þarfir hinna ýmsu aldurs-
hópa kvenna: ungra stúlkna sem
væru að velja sér lífsbraut,
ungra kvenna með börn og eldri
kvenna er hefðu alið upp sín
börn. Mæta yrði þessum þörfum
á raunhæfan hátt, því ljóst væri
að við lifðum hraðara breyt-
ingaskeið en undangengnar kyn-
slóðir og allir, konur jafnt sem
karlar, þyrftu að aðlagast hinum
breyttu aðstæðum.
Mikilvægt væri fyrir okkar
litla samfélag, að hver einstakl-
ingur nýttist sem best og það
gerðist helst ef konur og karlar
fengju sömu aðstöðu og tækifæri
til að njóta hæfileika sína.
„Hljóta að eiga að fara fram fjár-
magnstilfærslur á í‘ramsóknarvísu“
— segir Bjai P. Magnússon um bleyjumálið
„Ég fæ ekki betur séð en að í þess-
ari deilu séu einhver annarleg sjón-
armið á ferðinni," sagöi Bjarni P.
Magnússon, eigandi fyrirtækisins
Bossa, í samtali við blm. Mbl. um
deilur þær er upp eru komnar milli
aðila í Vík í Mýrdal og á Akureyri,
sem báðir vilja hefja framleiðslu á
bleyjum og dömubindum. Þá hefur
einn aðili á EgHsstöðum komið við
sögu málsins og virðist enginn hafa
vitað af hinum í þessum áformum.
Sem kunnugt er brann húsnæði
fyrirtækisins Bossa, sem fram-
leiddi bleyjur og bindi, fyrir
nokkru, en Bjarni kvað framleiðsl-
una vera komna á fullan skrið aft-
ur eftir brunann og framleiðir fyr-
irtæki hans nú 12.000 bleyjur á
dag, að hans sögn. En á sl. 4 árum
hefur fyrirtæki Bjarna framleitt
yfir 6 milljón bleyjur.
„Það eru um 50% af markaðnum
hér á landi,“ sagði Bjarni, „þannig
að þessir aðilar geta ekki talað eins
og enginn sé fyrir á markaðnum.
En það hafa þeir gert og deilan
virðist ganga mikið til út á það, að
það sé ekki rúm fyrir nema einn.
framleiðanda á markaðnum. Ef sú
röksemd er rétt, ætti enginn að
fara af stað með þessa framleiðslu.
Ef svo er hins vegar ekki þá
hljóta að eiga að fara fram ein-
hverjar fjármagnstilfærslur á
framsóknarvísu. Eg vil ekki ganga
svo langt að halda því fram, að það
standi til að niðurgreiða bleyjur og
bindi eins og landbúnaðarvörur, en
þarna eru einhver annarleg sjón-
armið á ferðinni," sagði Bjarni.
„Þá hefur viðskiptaaðili, sem
mér er mjög annt um og hef átt
traust og góð viðskipti við, dregist
inn í þetta mál. En það er sænska
fyrirtækið Dambi, sem bæði Sjöfn
á Akureyri og þeir í Vík eru að
kaupa vélar af. Þ.e. Dambi seldi
bara eina eina vél, til Sjafnar, en
þeir í Vík keyptu sína vél í gegn um
England." Kvaðst Bjarni álíta að
þau kaup hefðu farið fram í gegn
um einhvern þriðja umboðsaðila í
Englandi, jafnvel án þess að
Dambi-fyrirtækið vissi hver væri
endanlegur áfangastaður vélanna
og þætti sér afar leitt, að þessi
vélakaup hefðu orðið til þess að
Dambi-fyrirtækið hefði verið
„rakkað niður á fslandi".
„í þriðja lagi finnst mér alveg