Morgunblaðið - 02.04.1985, Blaðsíða 65

MORGUNBLAÐIÐ, ÞRIDJUDAGUR 2. APRÍL 1985
65
ölvun við akstur eða ólögleg
lyfjanotkun."
Hjalti Zóphóníasson, deildar-
stjóri í dómsmálaráðuneytinu,
var spurður hvað tölvuvæðingu
liði hjá löggæslunni.
„í dómsmálaráðuneytinu er í
undirbúningi heildartölvuvæð-
ing dómsmála. Hjá Rannsókna-
lögreglu ríkisins er til dæmis
unnið að skráningu allra mála
sem þeir hafa til meðferðar. Auk
þess eru uppi hugmyndir um að
tölvuskrá alla dóma hjá dóm-
stólunum, en slíkt mundi spara
mikla vinnu, til dæmis þegar
verið er að leita að gömlu for-
dæmi áður en dómur er kveðinn
upp,“ sagði Hjalti. „Hvað viðvík-
ur almennri löggæslu er þegar
búið að tölvuskrá allar bifreiðir i
landinu, þannig að menn geta
auðveldlega komist eftir, með
hjálp tölvu, hver á hvaða bifreið.
Stefnan er að tölvuskrá einnig
til dæmis vegabréf, ökuskírteini
og byssuleyfi. Þetta hefur verið
gert víða í nágrannalöndum
okkar og erum við á eftir þeim í
þessum efnum. Tölvuþróun er
svo ör að menn eru farnir að sjá
að þetta er það sem koma skal og
mun koma til með að verða lög-
gæslunni ómetanlegt hjálpar-
gagn á mörgum sviðum í fram-
tíðinni."
„Félag yfirlögregluþjóna var
fyrst og fremst stofnað sem
hagsmunafélag yfirlögreglu-
þjóna," sagði Páll Eiríksson,
formaður félagsins. „Löggæslan
býr við misjafnar aðstæður á
landsbyggðinni og félaginu er
fyrst og fremst ætlað að sam-
ræma þær. Þetta er ekki kjara-
baráttufélag, en menn geta kom-
ið ábendingum og fyrirspurnum
varðandi starfið á framfæri við
félagið."
Félag yfirlögregluþjóna sam-
þykkti á fundinum þrjár álykt-
anir til dómsmálaráðuneytisins.
í fyrsta lagi að hafist verði
handa við byggingu nýrrar álmu
við lögreglustöðina við Hverfis-
götu. Þar á lögregluskólinn og
íþróttaaðstaða fyrir lögregluna
að vera til húsa. I öðru lagi var
ályktað, að komið yrði á fót
minjasafni lögreglunnar, með
gömlum munum, sem tengjast
lögreglustörfum. í þriðja lagi
var samþykkt ályktun um að
hafist verði handa við að skrifa
sögu lögreglunnar á fslandi, en
fyrstu lögreglumenn landsins
hófu störf 1803.
Yfirlögregluþjónar af öllu landinu, sem sátu fund dómsmálaráðuneytisins.
MorpinblaAM/Bjarni.
Kynningarfundur yfirlögreglumanna:
„Dómsmálaráduneytiö undirbýr
heildartölyuvæðingu dómsmálau
— sagði Hjalti
Zóphóníasson,
deildarstjóri
Á undanförnum fimm árum hef-
ur dómsmálaráðuneytið boðað yfir-
lögregluþjóna af öllu landinu til
kynningarfundar einu sinni á ári.
„Hér eru samankomnir 36 yf-
irlögregluþjónar, úr Félagi yfir-
lögregluþjóna af öllu landinu, en
það er nauðsynlegt fyrir okkur
að koma saman til að samræma
störf lögreglunnar um allt land.
Á svona fundum koma oft fram
nýjar hugmyndir og ábendingar
um málefni er varða löggæsluna
frá þeim sem vinna þessi störf
að jafnaði," sagði Bjarki Elías-
son, yfirlögregluþjónn. „Meðal
þeirra mála sem hér hafa verið
rædd eru drög að nýjum umferð-
arlögum, sem umferðarlaga-
nefnd hefur unnið að á síðast-
liðnum fjórum árum og verða
Bjarki Elíasson, yfirlög- Ingólfur Ingvarsson, yfir- Hjalti Zóphóníasson, deild- Páll Eiríksson, formaður
regluþjónn. lögregluþjónn, Stykkis- arstjórí í dómsmálaráðu- Eélagsyfirlögregluþjóna.
hólmi. neytinu.
lögð fyrir alþingi til kynningar á
næstunni."
Einn fundarmanna, Ingólfur
Ingvarsson, yfirlögregluþjónn í
Stykkishólmi, var spurður hvað
hefði helst verið rætt á fundin-
um. „Það merkastasem hér hef-
ur verið fjallað um, finnst mér
vera umræða um nýju umferð-
arlögin. Það hefur verið farið yf-
ir allar breytingar sem gerðar
verða á lögunum og við höfum
haft tækifæri til að koma fram
með gagnrýni og ábendingar um
það sem okkur finnst betur mega
fara,“ sagði Ingólfur. „Umræðu-
efnið hefur verið mjög viðtækt
og fjallað um nánast allt, sem
varðar lögreglustörf. Fulltrúi
frá Vegagerðinni útskýrði til
dæmis samband vegalagna og
slysatíðni. Jóhannes F. Skafta-
son, deildarstjóri alkóhóldeildar
Rannsóknadeildar Háskólans,
flutti framsöguerindi um blóð-
og þvagsýni sem sönnunargögn
við rannsóknir á málum eins og
Nöfn fermingarbarna
í MORGUNBLAÐINU misritaðist
nafn stúlku, sem var fermd í Há-
teigskirkju á pálmasunnudag.
Hún heitir Guðmunda Inga Gunn-
arsdóttir til heimilis að Hlíðar-
byggð 42, Garðabæ.
Þá féll niður nafn drengs, sem
fermdist í Fella- og Hólakirkju.
Hann heitir Egill ólafsson til
heimilis Yrsufelli 26.
Föðurnafn
misritaðist
í FRÁSÖGN Morgunblaðsins á
sunnudaginn af íslandsmeistara-
keppni í gömlu dönsunum misrit-
aðist föðurnafn pilts í flokki 8 ára
og yngri. Hann heitir ómar örn
Pálsson og deildi öðru sæti í sín-
um flokki með Valdísi Önnu Garð-
arsdóttur.
Leiðrétting
DAGSETNINGARVILLA kom
fram í sunnudagsblaði Mbl., þar
sem auglýstur var fyrirlestur í
Norræna húsinu um stöðlun í
rafmagnsfræði á vegum Sam-
bands ísl. Rafveitna. Fyrirlestur-
inn var sagður eiga að vera 4. apríl
en hið rétta er að hann fer fram
10. apríl klukkan 16.00 og eins og
áður sagði í Norræna húsinu.
TUDOR Heavy Duty
Ný kynslóð rafgeyma sérbyggðir fyrir
norðlæga veðrattu. -
★ Óhemju kaldræsiþol
★ Þola betur högg og hristing
★ Minna viðhald
★ Þrælsterkur plastkassi
Fyrir vörubíla,
langferöabíla, dráttavélar,
vinnuvélar, báta og fl.
Laugaveg 180s. 84160
umboðsmenn um land allt.
..Já — þessir meb 9 lif!