Morgunblaðið - 02.04.1985, Blaðsíða 63
MORGUNBLAÐIÐ, ÞRIÐJUDAGUR 2. APRÍL 1985
63
VELVAKANDI
SVARAR í SÍMA
10100 KL. 11-12
FRÁ MÁNUDEGI
TIL FÖSTUDAGS
/s i ik rwj i ui/
ujrj'u ir
Furðufréttir um Sovét
Einhvern tíma í febr. sl. sá ég í
Velvakanda fréttir frá Sovétríkj-
unum, sem H.Kr. skrifar. Ég vil
taka það fram að þessar fregnir
voru svo furðuleg fjarstæða að ég
trúi ekki að þessi H.Kr. sé Halldór
á Kirkjubóli. Enda þótt hann sé
ofstækismaður í áfengismálum
færir hann venjulega glögg rök
fyrir máli sínu.
H.Kr. segir um áfengismálin í
Sovétríkjunum:
„Drykkjuskapur þessara ára er
mesta hörmung rússneskrar sögu
í þúsund ár.“ Ætli síðari heims-
styrjöldin hafi nú ekki verið held-
ur verri? Þá segir hann: „40 millj-
ónir Sovétborgara eru opinberlega
skráðir ofdrykkjumenn og þar af
17 milljónir blátt áfram sjúkl-
ingar.“ Ég tel þetta ekki fjar-
stæðu, enda hef ég engar tölur þar
um. En rétt á eftir kemur önnur
fullyrðing, sem stangast algjör-
lega á við þessa. „Ríki, þar sem
annar hver fullorðinn maður er
alkóhólisti eða ofdrykkjumaður,
sem ekki getur unnið fyrir sér, á
sér ekki mikla framtíð."
Þetta kalla ég furðufrétt. Um
síðustu áramót voru Sovétmenn
276,3 milljónir talsins. Vinnuaflið
var 130 milljónir og nemendur í
háskólum og tækniskólum, voru 24
milljónir. Samtals er þá fulltíða
fólk um 154 milljónir og þá er
gamla fólkið ekki talið með. Ef
helmingur þessa fólks er áfeng-
issjúklingar, sem ekki getur unnið
fyrir sér, eru það hvorki meira né
minna en 77 milljónir. Það passar
ekki við 17 milljónir skráðra
áfengissjúklinga. Hugsið ykkur að
annar hver læknir, annar hver
kennari, annar hver lögreglumað-
ur, gætu ekki unnið sökum
ofdrykkju. Og hvað með allan her-
inn? Við á vesturlöndum þurfum
víst ekki að óttast slíkan her. Nei,
þetta getur hvergi gerst, ekki einu
sinni í Sovétríkjunum.
Loks segir H.Kr.: „Fyrir svo sem
tíu árum, eða tæplega það, ætluðu
Sovétríkin að laga áfengismál sín
með að beina neyslunni frá vodka
að áfengum bjór.“
Svo öll þessi hörmung er bjórn-
um að kenna. En ekki er það nú
alveg rétt að Sovétmenn hafi byrj-
að sína bjórdrykkju fyrir tæpum
tíu árum. Fyrir 28 árum var ég
hálfan mánuð í Moskvu. Þá fékkst
sterkur bjór í hverju veitingahúsi
og mig minnir fastlega einnig í
matvöruverslunum. Ekki veit ég
hvað þá var langur tími liðinn frá
því þeir hófu bjórdrykkju. Ég gæti
trúað að norrænir víkingar hafi
kneyfað áfengt öl þar eystra á ní-
undu og tíundu öld.
Önnur furðufrétt varðandi Sov-
étríkin.
Fyrir nokkru heyrði ég Reuters-
frétt í útvarpi þess efnis að ekki
yrði leyfð fjölgun starfsmanna í
sovéska sendiráðinu í Reykjavík,
enda hafði ekkert sendiráð í
Reykjavík fleira starfsfólk en það
sovéska. Ekki hef ég heyrt eða séð
leiðréttingu á þessari frétt, enda
þótt það væri upplýst á Alþingi á
síðasta ári að bandaríska sendi-
ráðið hefði talsvert fleira starfs-
fólk en það sovéska. Skylt er að
hafa það sem sannara reynist.
Ragnar úr Seli.
Daði segir að ölstofur séu ekki til komnar hér vegna frekju kaupsýslumanna heldur sé það vilji fólksins sem ráði
mestu þar um. - '
Bjórinn af hinu góða
Daði skrifar:
Mig langar til þess að svara
bréfi frá Borgara, sem birtist í
Velvakanda þann 28. febr. sl. und-
ir fyrirsögninni: „Bjórinn af hinu
illa.“
Borgari minnist á í bréfi sínu að
honum þyki illt til þess að vita að
ráðamenn þjóðarinnar sjái engan
kost betri til fjáröflunar en að
leyfa það að ölið „flæði“ yfir land-
ið. Það furðar mig ekki að ráða-
menn sjái ekki betri kost því að
peningalega séð er þetta betri
kosturinn til að býrja með a.m.k.,
hvað sem síðar verður og hefði ég
gaman af að fá betra ráð hjá
Borgara.
Borgari setur einnig lítillega út
út á bjórstofur og má skilja orð
hans á þá leið að honum finnist
þær lítt geðslegar. Það læðist að
mér sá grunur að hæstvirtur
Borgari hafi tæplega á ölstofu
komið, hvað þá setið þar kvöld-
stund með kunningjum og rætt
málin yfir kollu, því að af skrifum
hans má dæma að hann sé alger
bindindismaður.
Borgari minnist á frekju kaup-
sýslumanna sem hafi af gróðafíkn
opnað ölstofur. Mér finnst það
hvorki frekja né gróðafíkn að selja
bjórlíki og vil ég fræða Borgara
um það að ölstofur eru ekki til
komnar vegna frekju heldur vegna
fjölda áskorana um að slíkt yrði
gert. Hvað gróðafíknina varðar er
það að segja að veitingahús og
aðrir staðir sem hafa ölstofur
samhliða annarri þjónustu eru að-
eins að fiska eftir aukapeningum
sem þeim veitir svo sannarlega
ekkert af og sjálfur Borgari myndi
sennilega ekki fúlsa við. Hvað við-
víkur þeim stofum sem hafa ein-
ungis þennan rekstur með hönd-
um er það mín skoðun að þeir sem
fara út í þess konar rekstur verða
ekki ríkir á einum degi og veit ég
þess dæmi að slíkar stofur hafi
hreinlega farið á hausinn, sem
reyndar er eigi fátítt um fyrir-
tæki. Þetta tal borgara um gróða-
fíkn er því út í hött og mætti lfkja
því við að hæstvirtur Borgari spil-
aði í happdrætti af einskærri
gróðarfíkn en ekki til styrktar
góðu málefni.
Borgari talar um að hérna sé
verið að hræða áhrifamenn til að
láta undan þrýstingi. Það er nú
einu sinni svo að þrýstingurinn er
meiri en svo að afturhaldsseggir
eins og Borgari geti spornað við
honum. í bréfi Borgara er að lok-
um minnst á að þetta hitamál sé
tekið upp aftur og aftur af „frjáls-
hyggjupostulum", en nú vill svo
skemmtilega til að Borgari tekur
þetta hitamál upp, þannig að hann
bætist í hóp þeirra „frjálshyggju-
postula", nema að hæstvirtur
Borgari hafi í bréfi sínu gleymt að
minnast á afturhaldsseggi þá sem
sífellt finna málum þessum allt til
foráttu.
Að lokum er það ósk mín að
Borgari svari þessu bréfi mínu og
reyni að vera hreinskilinn í garð
meirihlutans en ekki með slíku
ofstæki sem varð reyndin í bréfi
hans.
Hæpin rökfræði
7167-6625 skrifar:
Framhaldsskólakennarar gum-
uðu mjög af mikilli menntun
sinni. Styrjöld þeirra og gfslatöku
nemenda er lokið. Þeir sögðust
engin lög hafa brotið, en samt
settu þeir fram skilyrði um sakar-
uppgjöf. Skyldu þeir hafa lokið
prófi í rökfræði?
Þegar maður hefur lesið skrif
Baldurs Hermannssonar og hlust-
að á útvarpserindi hans fyrir
skömmu hlýtur maður að spyrja:
Er þetta árangur langrar há-
skólagöngu?
Klassískt kvöld
í Amarhóli
nk. miðvikudagskvöld
Marakvartettinn
leikur kammertónlist undir borðhaldi. Nýr stór-
kostlegur sérréttaseðill.
I Koníaksstofunni
Sigurvegarinn í söngvakeppni sjónvarps-
ins, Ingibjörg GuðjónsdóOir, syngur
fyrir gesti okkar. Ingibjörg hefur
stundað nám við Tónlistarskóla Garða-
bæjar sl. 3 ár. Undirleik annast Snæ-
björg Snæbjarnardóttir. Notið þetta
einstæða tækifæri til að hlýða á þessa
efnilegu söngkonu.
Vinsamlegast pantid borð tímanlega.
Með ósk um að þið eigið ánægjidega kvöldstund.
ARNARHÓLL
Á horni Ingólfsstrætis og Hverfisgötu.
Boröapantanir í síma 18833.
Fermingargjöf
skíðaáhugafólks
SKÍÐAPAKKI Á ÓTRÚLEGU VERÐI
k
~ -skíöi. 140 til 190 sm.
SALOMOIVI -bindingar. 30 til 90 kg.
(saba
-skiöaskór. St. 36—46.
Skíöastafir, allar stæröir.
Þessi ótrúlegi skíðapakki er á aöeins
5.900
kr. en áöur verö 7.580 kr.
SKIÐAPAKKI
-skíöi. 170 til 185 cm.
wj -skíöaskór. St. 36 til 46.
SALOMON -bindingar. 30 til 90 kg.
Skíðastafir í öllum stæröum. Ótrúlegt verö
4.900 kr. áöur 8.430 kr.
ÞETTA ERU ÓSKAGJAFIR FERMINGAR-
BARNSINS Á ÓTRÚLEGU VERÐI
Póstsendum
um allt land
A
Sportval
\f Laugavegi 116 viö Hlemm.
Símar 26690 — 14390.