Morgunblaðið - 27.04.1985, Blaðsíða 51

MORGUNBLAÐIÐ, LAUGARDAGUR 27. APRlL 1985
51
Að fagna sigri, talið frá vinstri: Einar Árnason, eigandi Jumbo-samloka, Þórarinn Guðlaugsson, eigandi Meistarans
hf., Lárus Loftsson, forseti NKF-klúbbsins á íslandi, Brynjar Eymundsson, yfirkokkur á Gullna hananum, Gísli
Thoroddsen, yfirmatreiðslumaður á Óðinsvé, og Kristján Sæmundsson hjá sjónvarpinu.
MATREIÐSLUMEISTARAKEPPNI
ÍSLENDINGAR
í FYRSTA SÆTI
etta var mjög gaman, lærdómsríkt en erfitt, sögðu
þeir fimm matreiðslumeistarar, sem nýkomnir eru
heim úr keppni með gullverðlaun fyrir hæfni sína á sviði
matreiðslu. Þeir tóku þátt í keppni á vegum NKF (Nord-
isk kokkenchefs forening) eða Norðurlandasamtaka
matreiðslumeistara. Blm. spjallaði stuttlega við þá fé-
laga um ferðina.
— Þessi keppni er haldin annaðhvert ár og þetta
er í fjórða skipti sem íslendingar taka þátt í henni. I
þetta skipti fengum við 1922 stig, en Danirnir fengu
1432 stig. Við þurfum ekkert að skammast okkar
fyrir frammistöðuna og Danirnir höfðu orð á því að
við ættum ekki heima lengur í keppni sem þessari,
heldur á Evrópumeistaramóti eða í heimsmeistara-
móti.
— Hvernig fer svona keppni fram?
— Undirbúningurinn tekur u.þ.b. þrjá mánuði. Við
byrjuðum í janúar að finna hvað við ættum að laga
og æfa okkur. Okkur var fyrirskipað að vera með 15
atriði á sýningunni, þ.e. þrjú sígild köld föt, sex svo-
■ kölluð „restaurant“-föt, og sex diska eftir frjálsu
—■ vali.
Við unnum stanzlaust í sólarhring áður en við
stilltum stykkjunum upp á sýningunni. Þetta var
dæmt af fimm dönskum dómurum sem allir eru mjög
virtir matreiðslumeistarar, en fimmti dómarinn í
keppninni hjá hinum aðilunum var Kristján Sæ-
mundsson. Það er hægt að fá mest 45 stig fyrir hvert
stykki og fyrst er dæmt hvernig það lítur út í upphafi
fyrir augað, hvernig samsetningin er, fagleg vinna,
hvort það er tæknilega flókið að búa til og að síðustu
er tekið tillit til frumlegheita og nýjunga.
Við hlutum sem sagt farandbikarinn að þessu sinni
og einnig fengum við sérstök verðlaun fyrir tækni-
lega og faglega vinnu.
— Var eitthvert verkanna er vakti sérstaka at-
hygli?
— Við fengum ekki að vita hvert þeirra hlaut flest
stig hjá okkur, en ugglaust vöktu bóndabærinn og
víkingahjálmurinn mesta athygli.
— Fenguð þið einhver tilboð út úr þessu?
— Við erum þegar búnir að fá tvö tilboð. Annað er
frá Finnlandi og þeir bjóða okkur fríar ferðir og
uppihald, ef við komum til þeirra með sömu stykki og
við sýndum núna. Okkur hefur einnig boðist að taka
þátt i keppni í Júgóslavíu, en líklega þyrftum við þá
að vera meðlimir í alheimssamtökunum.
— Er ekki dýrt að fara í keppni sem þessa?
— Jú, kostnaður er mikill við þetta en fyrirtæki í
matvælaiðnaði hafa styrkt okkur. Við leituðum til
ferðaskrifstofa til að fá afslátt, en var synjað. Það er
í raun furðulegt því vart er til betri landkynning
fyrir þá.
Firmakeppni hesta-
mannafélagsins Gusts
veröur haldin í dag, laugardag 27. apríl. Keppn-
in hefst kl. 14.00. Knapar mæti meö hesta sína
kl. 12.30. Firmanefndin
\feNN OG
VEGLEGUR

Ergo-data stóllinn frá Drabert er stíl- |
hreinn og sterkur. Hann verndar heilsu
þína. Hann er veglegur og óskaplega
vœnn vinnufélagi.
Þú situr rétt í Ergo-data stól. Hann
passar höfuð, herðar, hné og tœr og
allt par á milli.
WSKRIFSTOFU HUSGOGN
HALLARMÚLA 2. SÍMI 83509
EINKABÍLASTÆÐI KL. 830-18
STURLAUGUR JÓNSSON&co.
(OPIÐ FYRIR GÓÐA NÁGRANNA FRÁ 18-830)
Óvenjulegt skilti
Hann Ólafur K. Magnússon Ijósmyndari rakst á þetta
skemmtilega skilti á ferö sinni um bæinn. Þaö heföi
kannski mátt sleppa oröinu „góöa“ því einhversstaöar
veröa vondir líka að „parkera" í lífinu. Ekki satt?
Bladburóarfólk
óskast!
Austurbær:
Sóleyjargata
Uthverfi:
Langholtsvegur 71 — 108
Sunnuvegur.