Morgunblaðið - 06.06.1985, Síða 26

26
MORGUNBLAÐID, FIMMTUDAGUR 6. JÚNl 1985
Vestmannaeyjan
Metveiði hjá sjó-
stangaveiðimönnum
Vestmannaeyium.
MJÖG góð þátttaka og metveiði var
í hinu árlega Hvítasunnumóti Sjó-
stangaveiðilélags Vestmannaeyja
sem haldið var í Eyjum um helgina.
78 keppendur voru á mótinu og réru
þeir á 16 bátum árla morguns laug-
ardag og sunnudag. Fyrri veiðidag-
inn var talsverður skælingur en veð-
ur mjög hagstætt síðari daginn.
Alls veiddust tæp 13 tonn og
hefur aldrei fiskast betur á mót-
inu sem nú var haldið í 17. skiptið.
Þessi góðu aflabrögð á stengurnar
auka enn á vandann í sjávarút-
vegsráðuneytinu og höfðu gárung-
ar á orði að fastlega mætti búast
við að Halldór myndi skella kvóta
á mótið næsta ár.
Fjölmörg verðlaun voru veitt og
er hér getið helstu sigurvegara
mótsins. í sveitarkeppni varð sveit
Jóhanns Kristinssonar frá Akur-
eyri aflahæst með 857,1 kg en í
öðru sæti sveit Guðjóns Arnar
Guðjónssonar frá Vestmannaeyj-
um með 788,8 kg. í þriðja sæti
varð svo veit Aðalbjargar Bernód-
usdóttur frá Vestmannaeyjum
með 779 kg og vann hún að sjálf-
sögðu sveitarkeppni kvenna. Afla-
hæsti einstaklingur á mótinu varð
Jónas Þór Jónsson Reykjavík með
415,3 kg en annar varð Gunnar
Snorrason Vestmannaeyjum með
350,7 kg. Aflahæst kvenna, en
kvenfólkið fjölmennti í mótið,
varð Aðalbjörg Bernódusdóttir
Vestmannaeyjum með 341,8 kg.
Elínborg Bernódusdóttir veiddi
stærsta fisk mótsins, 19 kg löngu.
Flesta fiska fékk Jónas Þór Jóns-
son, alls 226 fiska, en flestar teg-
undirnar, 8, fékk Sigurður Sig-
urðsson Vestmannaeyjum. Afla-
sælasti báturinn var Bensi undir
skipstjórn Jóels Eyjólfssonar.
Mikill fjöldi bæjarbúa mættu á
bryRKjuna þegar bátarnir komu að
landi og var líflegt bryggjuspjall i
kringum sportveiöimennina rétt
eins og „alvörusjómennina". Mót-
Elinborg Bernódusdóttir fékk
stærsta fisk mótsins, 19 kg. löngu
(aðgerð vel að merkja), og er greini-
lega ánægð með þann stóra.
inu lauk siðan með verðlaunaaf-
hendingu og fjörlegum dansleik á
Skansinum. Eins og ávallt áður
var Magnús Magnússon móts-
stjóri. — hkj.
Þuríður Bernódusdóttir búin að inn-
byrða vænan ufsa um borð í „Gauja
gamla“.
Fimm systur kepptu á mótinu og voru allar fengsælar eins og geta má eftir brosmildum svip þeirra. Systurnar eru
taldar frá vinstri: Elín, Þuríður, Aðalbjörg, Elínborg og Þóra. Móðir þeirra, Aðalbjörg, er þriðja frá hægri.
Aflahæstu einstaklingar mótsins. Aðalbjörg Bernódusdóttir frá Vestmanna-
eyjum og Jónas Þór Jónsson fri Reykjavík.
Morgunbladid/Sigurgei r
Sigursveit Jóhanns Kristinssonar sem aflaði mest á mótinu, 857,1 kg.
Það befur sýnilega tekið í hji veiðimönnum nm borð f Kristínu.
Nýr landsforseti
J C-hr ey fíngar innar
Grétar D. Pálsson tek-
inn við forsetastörfum
og Marta Sigurðardótt-
ir kosin viðtakandi
landsforseti
KgiKsloduni, 27. mai.
24. landsþingi J('-hreyfingarinnar á
Islandi lauk hér á Egilsstöóum í gær.
Þá tók Grétar D. Pálsson, Stykkis-
hólmi, við embætti landsforseta hreyf-
ingarinnar — en til þess var hann
kjörinn á landsþingi að Bifröst í Borg-
arfirði fyrir réttu ári.
Marta Sigurðardóttir, Reykjavík,
var kjörin viðtakandi landsforseti
fyrst íslenskra kvenna og tekur hún
við embætti að ári — en sú venja er
ráðandi innan JC að viðtakandi for-
seti starfi eitt ár innan stjórnar áð-
ur en hann tekur við embætti.
Hátt á fjórða hundrað manns
sátu landsþingið víðs vegar af land-
inu auk nokkurra erlendra gesta.
Veður var leiðinlegt þingdagana og
breytti það áætlaðri dagskrá
eitthvað — en að öðru leyti mun vel
hafa tekist til með þinghaldið.
Sumir þingfulltrúar tóku börn
sín með til þings og var margt gert
til að hafa ofan af fyrir þeim meðan
foreldrarnir sinntu þingstörfum,
m.a. bauð Shell-stöðin á Egilsstöð-
um þeim til veislu þar sem pylsur
voru framreiddar ásamt viðeigandi
gosdrykkjum og auðvitað fengu all-
ir Shell-húfur til hlífðar gegn snjó
og siyddu.
JC-Hérað hafði veg og vanda af
þinghaldinu. Formaður undirbún-
ingsnefndar þinghalds var Einar
Rafn Haraldsson, en Jónas Jó-
hannsson er forseti JC-Héraðs.
— Ólafur
Grétar D. Pálsson frá Stykkishólmi, landsforseti JC-hreyfingarinnar á íslandi,
og Ingimar Sigurðsson, fráfarandi landsforseti.