Morgunblaðið - 21.09.1985, Blaðsíða 21

MORGUNBLAÐIÐ, LAUGARDAGUR 21. SEPTEMBER1985
21
Um alla Mexíkóborg eru hrunin hús eða hálfhrunin eins Hjálparliðar flytja á brott slasaðan mann.
og þetta á myndinni.
Aðstoð berst víðs
vegar að úr heiminum
Fjársöfnun til styrktar hjálparstarfi og endurreisn víða hafin
Mexíkóborg, 20. september. AP.
SAMÚÐARKVEÐJUR og boð um
aðstoð streymdu til stjórnvalda í
Mexíkó í dag eftir að jarðskjálftinn
mikli reið yfir höfuðborg landsins í
gær og fjögur strandhéruð. Jóhannes
Páll II páfi minntist fórnarlamba
jarðskjálftans í bænum sínum og
sendi aðstandendum látinna samúð-
arkveðjur. Hjálpargögn, lyf, tjöld,
teppi og björgunarbúnaður streymdi
til Mexíkó í dag.
Spönsk stjórnvöld urðu fyrst til
að bjóða fram aðstoð vegna hörm-
unganna í Mexíkó. Þegar í gær-
kvöldi voru spánskar herflugvélar
reiðubúnar að fljúga með hjálpar-
gögn til Mexíkó; lyf, tjöld og teppi,
en fluginu var frestað til dagsins
í dag að beiðni sendiherra Mexíkó
í Madríd þar til stjórnvöld hefðu
gert sér betur grein fyrir ástand-
inu og þörf aðstoðar.
Frá höfuðstöðvum Rauða kross-
ins í Genf fór lið sérfræðinga til
Mexíkó til þess að meta þörfina á
aðstoð og tjón af völdum jarð-
skjálftans. Þrjátíu svissneskir
hjálparliðar Rauða krossins voru
væntanlegir í dag til Mexíkó með
sérþjálfaða leitarhunda og um 16
tonn af teppum, tjöldum, björgun-
artækjum hvers konar og lyfjum.
Frönsk stjórnvöld buðu fram að-
stoð 100 franskra lækna, sem
reiðubúnir eru að fljúga til Mex-
íkó, að því er Roland Dumas, utan-
ríkisráðherra Frakka, tilkynnti í
dag. Ronald Reagan, forseti
Bandaríkjanna, sendi Miguel de la
Madríd, forseta Mexíkó, samúðar-
kveðjur og bauð fram aðstoð
bandarískra stjórnvalda.
Fjárframlög Rauða kross-félaga
víðs vegar um heim tóku að
streyma til Mexíkó og fjársafnanir
hófust í löndum Efnahagsbanda-
lags Evrópu og í Bandaríkjunum
og Kanada. Rauði krossinn í Bret-
landi, Svíþjóð, Danmörku, Noregi
og Finnlandi sendi fé til fyrstu
aðstoðar; alls á aðra milljón doll-
ara.
Hálfrar aldar spenna
leystist úr læðingi
New York, 20. september. AP.
JARÐSKJÁLFTINN sem hörmungunum olli í Mex-
íkóborg, varð á svæði þar sem skálftavirkni er mjög
mikil að sögn sérfræðinga við Columbia-háskólann í
New York. Á þessum slóðum verður mjög mikill
jarðskjálfti á hverjum 60 árum eða svo.
Jarðskjálftinn varð um 400 km suðvestur af
Mexíkóborg við ströndina þar sem lítill hluti jarð-
skorpunnar, svokallaður Coccos-fleki, gengur
undir Mexíkó. Hefur þessi fleki verið aðþrengdur
af öðrum, sem nær yfir Mexíkó og Bandaríkin, og
hefur ekki haggast í hálfa öld. „Þennan tíma hefur
verið að safnast fyrir gífurlegur hiti og spenna.
sem skyndilega losnar um,“ sagði Tom Boyd, vís-
indamaður við Columbia-háskólann.
Jarðskjálftafræðingar vissu að hverju dró í
Mexíkó og voru búnir að koma fyrir miklu af alls
konar rannsóknartækjum. Styrkur sjálftans
mældist 7,8 á Richter-kvarða en við hvert stig, sem
skjálftinn vex, tífaldast krafturinn. Jarðskálfti
sem mælist 3,5 að styrkleika getur valdið dálitlu
raski, 4 nokkrum skemmdum, 5 allmiklum
skemmdum, 6 mikilli eyðileggingu og 7 er „stór-
skjálfti" með gífurlegri eyðileggingu. Ef hann er
8 má heita, að allt hrynji til grunna.
Bardagar í Angola:
Suður-Afríka ját-
ar stuðning sinn við
U nita-hrey f inguna
Lúwabon, 20. sepiember. AP.
STJORNIN í Angola tilkynnti í dag, að herlið hennar hefði náð aftur á sitt
vald bænum Cazombo, sem skæruliðahreyfingin Unita hefði haft á valdi
sínu. Hefði bærinn verið tekinn eftir tveggja mánaða stanzlausa bardaga við
skæruliða.
í tilkynningu frá Unita í dag var
það viðurkennt, að skæruliðar
hefðu yfirgefið Cazombo. Hefðu
þeir orðið að hopa fyrir skriðdrek-
um og herþotum stjórnarinnar
eftir harða bardaga. Sögðust
skæruliðar hafa fellt 58 hermenn
síðustu daga og hefðu margir
Kúbumenn verið á meðal þeirra.
Varnarmálaráðuneyti Angola
hélt því enn fram í dag, að innrás
Suður-Afríkumanna inn í landið,
sem hófst fyrir fimm dögum, hefði
verið gerð í því skyni að koma
skæruliðum til hjálpar, þar sem
þeir hefðu aldrei getað staðizt
sóknarþunga stjórnarhersins og
orðið að hörfa frá mikilvægustu
stöðvum sinum.
Stjórnvöld í Suður-Afríku við-
urkenndu það í fyrsta sinn í dag,
að þau hefðu látið skæruliðum,
sem berðust gegn marxistastjórn-
inni í Angola, í té „fjárhagslegan
og siðferðilegan stuðning". Sagði
Magnus Malan varnarmálaráð-
herra, að Suður-Afríka liti á
Unita-hreyfinguna undir forystu
Jonas Savimbis sem mikilvægan
bandamann í baráttunni gegn því
sem hann kallaði árásaraðgerðir
kommúnista á þessu svæði.
Fjársöfnun fyrir
Winnie Mandela
Nordurlöndin gáfu 22.000 dollara
New York, 20. september. AP.
NORÐURLÖNDIN Bmm gáfu í dag 22.000 dollara til fjársöfnunar, sem efnt
hefur verið til á meðal starfsmanna Sameinuðu þjóðanna til aðstoðar Winnie
Mandela, eiginkonu stjórnarandstöðuleiðtogans Nelsons Mandela, sem situr
í fangelsi í Suður-Afríku.
Það var Serge Elia Charles,
sendiherra Haiti hjá Sameinuðu
þjóðunum, sem skýrði frá þessu
framlagi Norðurlandanna, en
hann stjórnar fjársöfnuninni. Fé
þetta kom frá stjórnum Danmerk-
ur, Finnlands, lslands, Noregs og
Svíþjóðar. Charles sagði, að
markmiðið væri að safna 100.000
dollurum, svo að unnt væri að
reisa aftur hús frú Mandeia, en
það varð fyrir miklum skemmdum
fyrr í þessum mánuði er íkveikju-
sprengju var varpað á það.
„Það var ekki nóg fyrir þetta
fólk að fá samúðarskeyti," sagði
Charles, er hann gerði grein fyrir
því, hvers vegna hann hefði hafizt
handa með þessa fjársöfnun.
Hann er nú formaður þeirrar
nefndar hjá Sameinuðu þjóðunum,
sem vinnur gegn aðskilnaðar-
stefnunni.
GENGI GJALDMIÐLA
London, 20. september. AP.
BANDARÍKJADOLLAR féll veru
lega gagnvart flestum helztu gjald-
miðlum heims í dag í kjölfar síð-
ustu hagtalna í Kandaríkjunum,
sem reyndust lakari en vonir stóóu
til. Bandaríska vióskiptaráðuneyt-
ið skýrði svo frá í dag, að hagvöxt-
ur á þriðja ársfjórðungi þessa árs
yrði aðeins 2,8%, en áður var talið,
að hann yrði ekki undir 3%.
Dollarinn féll talsvert gagn-
vart sterlingspundinu, sem kost-
aði 1,3695 dollara í London síð-
degis í dag (1,3405). Gengi doll-
arans var að öðru leyti á þann
veg, að fyrir hann fengust 2,8595
vestur-þýzk mörk (2,89925),
2,3525 svissneskir frankar
(2,3810), 8,7250 franskir frankar
(8,8350), 3,2165 hollenzk gyllini
(3,2715), 1.922,50 ítalskar lírur
(1.954,00), 1,37625 kanadískir
dollarar (1,37975) og 241.20 jen
(242,53).
Kosningarnar í Punjab:
Friður skilyrði
framþróunar
— sagði Rajiv Gandhi f kosningaræðu
Ludhiana, Indlandi, 20. .september. AP.
Forsætisráðherra Indlands, Rajiv
Gandhi, dró að sér mikinn mann-
fjölda á kosningaferð sinni um 1‘unj-
abhérað á föstudag og fjölmargar ör-
yggissveitir voru sendar til þessa
órólega héraðs, sem er undir stjórn
síkha. Kosningar í l’unjab fara fram
á miðvikudag. í tilkynningu yfir-
valda segir að þeim hafi tekist að
koma upp um samsæri síkha um að
ræna fiugvél á kosningadaginn.
Hinn 41 árs gamli forsætisráð-
herra hélt ræðu yfir 50 þúsund
manns nærri samyrkjubúunum í
Tanda og Ludhiana. Síðan flaug
Gandhi með þyrlu til úthverfa
síkhaborgarinnar Patiala þar sem
25 þúsund manns höfðu safnast
saman. Hann mun einnig koma
við í Suðvestur-Punjab áður en
hann snýr aftur til Nýju Delhi á
föstudag. f kosningaræðum sínum
hvatti Gandhi kjósendur í ríkinu
til að sinna ekki áskorunum
herskárra síkha um að hundsa
kosningarnar, heldur greiða at-
kvæði „á móti hryðjuverkum",
eins og hann orðaði það. „Friður
er skilyrði framþróunar," sagði
hann í kosningaræðum sínum.
„Án friðar komum við engu til
leiðar, ef þið óskið framfara verðið
þið að leggjast á eitt með stjórn-
inni um að koma í veg fyrir
hryðjuverkastarfsemi."