Morgunblaðið - 21.09.1985, Blaðsíða 23

MORGUNBLAÐIÐ, LAUGARDAGUR 21. SEPTEMBER1985
23
Thatcher
styður
tillögur
Husseins
Aqaba, Jórdanfu, 20. september. AP.
MARGARET Thatcher, forsætisrád-
herra Breta, kom í dag til borgarinnar
Aqaba vió Rauðahaf þar sem síðustu
viðrseður hennar og Husseins Jórd-
aníukonungs munu fara fram. I’ar
með lýkur opinberri heimsókn hennar
til Jórdaníu en áöur var hún í Egypta-
landi.
„Tilgangur minn með komu
minni til Egyptalands og Jórdaníu
var að leggja áherslu á stuðning
Breta við friðarsamninga milli ríkj-
anna í þessum heimshluta," sagði
Thatcher í gær, fimmtudag, á fundi
sem 64.000 manns sóttu. Fór hann
fram í Baqaá-búðunum, flótta-
mannabúðunum fyrir Palestínu-
menn, og sagði Thatcher fólkinu, að
hún styddi tillögur Husseins kon-
ungs um að friður yrði saminn við
Israela gegn því að þeir skiluðu aft-
ur þeim landsvæðum, sem þeir her-
tóku árið 1967, og að komið yrði á
fót sérstöku ríki Palestínumanna.
Eftir breskum embættismönnum er
hins vegar haft, að Bretar séu and-
vígir því, að Sovétmenn verði kall-
aðir til í friðarviðræðunum.
Filippseyjar:
Hermenn
felldu fjór-
tán manns
Bacolod, Filippseyjum, 20. sept AP.
FJORTAN manns féllu í dag í bænum
Escalante á Nigroæeyju, þegar her-
menn skutu á stjórnarandstæðinga,
sem safnast höfðu saman í tilefni þess,
aö 13 ár eru liðin frá því að Ferdinand
Marcos forseti lýsti yfír herlögum í
landinu.
Isidoro de Guzman, yfirmaður
hersins í héraðinu, kvað fjóra
menn auk þess hafa hlotið alvarleg
sár í hríðinni. Hann sagði, að sleg-
ið hefði í brýnu, þegar mótmæla-
fólkið hefði ráðist að hermönnun-
um, er þeir hefðu ætlað að dreifa
mannfjöldanum.
Frakkland:
Eiturlyfja-
hringur
upprættur
l'arís, 20. september. AP.
FRANSKA lögreglan hefur ákært 118
manns, aðallega menn frá Pakistan og
Sri Lanka, fyrir eiturlyfjasmygl og
-verslun og eru ákærurnar árangur sjö
mánaða langrar rannsóknar á umsvif-
um eiturlyfjahrings, sem teygir einnig
anga sína til Hollands og Belgíu.
Lögreglan komst fyrst á sporið í
febrúar sl. þegar hún handtók eitur-
lyfjasala í París en á heimili hennar
fannst hálft kíló af hreinu heróíni og
100.000 frankar, um 460.000 ísl. kr. A
síðustu tveimur mánuðum hefur lög-
reglan lagt hald á 20 kíló af heróíni á
Parísarsvæðinu og handtekið Kín-
verja frá Hong Kong og Tyrki, öfga-
sinnaða vinstrimenn, sem hafa fjár-
magnaö hryðjuverkastarfsemi með
eiturlyfjaverslun. Aðalmennirnir
eru hins vegar tveir Pakistanar.
Barátta sovéskra stjórnvalda gegn ofdrykkju:
Enn vantar mikið á að nægi-
legur árangur hafi náðst
Moskvu, 19. september. AP.
I NTLEGRI ályktun miðstjórnar sovéska kommúnistaflokksins er kvartað
yfir því, að sumir Sovétborgarar hafi ekki tekið nógu alvarlega baráttu
flokksforystunnar í Kreml gegn misnotkun áfengis. Er varað við, að enn
verði til muna hert á baráttunni.
I ályktuninni, sem birtist á
forsíðu flokksmálgagnsins,
Pravda, í dag, sagði, að mið-
stjórnin væri samþykk, að sett
yrðu ný lög, sem styddu of-
drykkjuvarnir.
Mikhail S. Gorbachev flokks-
leiðtogi telur breytta áfengis-
málastefnu mikilvægan hluta
heildarstefnu sinnar í innanrík-
ismálum, og það var fyrir hans
tilstilli, að í maímánuði var hafin
herferð gegn óhóflegri áfengis-
neyslu landsmanna.
Afgreiðslutími áfengisversl-
ana var styttur og sumum útsölu-
stöðum lokað fyrir fullt og allt.
Aldursmörk vegna áfengiskaupa
voru hækkuð úr 18 árum í 21 ár.
Dregið var úr áfengisveitingum
við opinberar athafnir og aðgerð-
ir lögreglu vegna áfengisdrykkju
á almannafæri hertar að mun.
I ályktun miðstjórnarinnar
sagði, að mikið hefði áunnist í
þessum efnum og margir lagt
gjörva hönd á plóginn, en ekki
væri þó unnt að horfa fram hjá
því, að enn vantaði mikið á, að
nægilegur árangur hefði náðst.
I ályktuninni sagði, að „yfir-
gnæfandi meirihluti" sovéskra
borgara styddi viðleitni stjórn-
valda, en aðrir „sýna aðgerðun-
um andúð eða tómlæti og bíða
þess að úr baráttunni dragi".
En miðstjórnin heitir, að hin-
um veiklyndu skuli ekki verða
kápa úr því klæðinu, herferðinni
muni ekki linna.
„Það er ákaflega áríðandi, að
fólki skiljist það í eitt skipti fyrir
öll, að ekki verður slakað á eða
gefið eftir í þessari baráttu,"
sagði í ályktun miðstjórnarinn-
ar.
Við rýmum til fyrir nýrri árgerð og bjóðum Opel Corsa, Opel
Kadett og Opel Ascona á vildarkjörum til 10. október eða á
meðan birgðir endast. 60% lán er aðeins ein leið af mörgum
sem við bjóðum nú til að auðvelda þér að eignast góðan bíl:
• Verðlækkun
Við bjóðum ríflega verðlækkun.
Pannig lækkar t.d. Opel Kadett LS úr 431.500 í
398.500!1>
• Gamli bíllinn tekinn upp í
Pað kemur sér e.t.v. bestfyrir þig að setja gamla bílinn
upp í. Lítum á dæmi:
Nýr Kadett LS (eftir lækkun) kr. 398.500
Sá gamli kostar t.d. kr. 175.000
Þá er útborgun kr. 143.500
og afganginn greiðir þú með jöfnum
afborgunum á 6 mánuðum kr. 80.000
kr. 398.500
Allt að
• 30.000kr. staðgreiðsluafsláttur
ef bíllinn er greiddur innan 45 daga frá afhendingu.
• 60% lánað
Þú getur líka samið við okkur um lánafyrirgreiðslu.
Dæmi:
Nýr Kadett LS kr. 398.500
útborgun 40% kr. 159.400
Helming eftirstöðva lánum
við síðan í 3 mánuði kr. 119.550
og afganginn í 12 mánuði kr. 119.550
kr. 398.500
• Þínar óskir
Við erum alltaf til viðræðu um aðrar leiðir en þær sem
hér hafa verið nefndar. Þú ættir að hafa samband og
kanna málið.
BÍLVANGURsf
HÖFÐABAKKA 9 SÍMI 687300
1) Miðað við gengi 18. sept. '85