Morgunblaðið - 03.10.1985, Blaðsíða 32

32
MORGUNBLAÐIÐ, FIMMTUDAGUR 3. OKTÓBER1985
Enginn er verri þótt hann vökni segir máltækiö.
Þeir segja að bað í Laugarvatni geri mann gott.
Fleiri nemendur við Mennta-
skólann á Laugarvatni en áður
Laugarvatni, 29. Heptember.
MENNTASKÓLINN að Laugarvatni var settur
sunnudaginn 22. september. Fjöldi nemenda við
upphaf skólaárs er 203 og hafa þeir aldrei orðið
jafnmargir fyrr. Sama er að segja um fjölda ný-
nema en þeir eru alls 81. Heimavist ML. dugir
hvergi nærri til að hýsa allt þetta fólk, og fék skól-
inn til þess afnot af tveim húsum Héraðsskólans,
þar sem rúmast þrjátíu manns.
Kristinn Kristmundsson skólameistari telur að
hin skyndilega fjölgun nýnema, sem hófst haustið
1984, eigi rætur að rekja til vaxandi tiltrúar manna
á hefðbundna menntaskóla. Einnig hafi heimavist
skólans aðdráttarafl. Kristinn telur ekkert því til
fyrirstöðu að ML verði yfir 200 manna skóli fram-
vegis, en að vísu veri þá að auka við húsnæði bæði
nemenda og kennara og líklega að fjölga kennurum.
óvenjumiklar breytingar urðu í haust á kennara-
liði ML. Meðal annars hurfu frá skólanum tveir
reyndir máttarstólpar og gekk treglega að ráða I
þeirra stöður, þó það tækist um síðir.
Nemendur notuðu veðurblíðuna í síðustu viku ti
busavígslu. Sú athöfn felst einkum í því að skíra
nýnema upp úr Laugarvatni en það hefur löngum
Morgunblaðið/ Davíð
Busi skírður á tilheyrandi hátt.
þótt gott manni. Meðfylgjandi myndir sýna að-
ferðirnar. Davíð
„Bjórinn mun
einungis auka
áfengisvandanna
— Jón Helgason dómsmálaráðherra á
fundi með JC Reykjavík á Hótel Borg
A að leyfa sölu og bruggun á
áfengu öli á íslandi? Er ástæða til
að banna sölu á „bjórlíki"?
Þessum spurningum var varpað
fram á fundi hjá JC Reykjavík á
Hótel Borg í fyrrakvöld og voru
þeir Jón Helgason dómsmálaráð-
herra og Jón 0. Ragnarsson dósent
sérstakir gestir kvöldsins og skipt-
ust á skoðunum um ágæti bjórsins.
Jón Helgason taldi áfengis-
vandamál fslendinga umtalsverð
og vart á þau bætandi, og vitnaði
m.a. í tölur úr heilbrigðisskýrslum.
Hann sagði það einnig niðurstöður
kannana, að sífellt stærri hluti
unglinga væri farinn að neita
áfengis og sumir hverjir farnir að
deyja áfengisdauða og missa
minnið, en það eru fyrstu stig
áfengissýki. Taldi hann að bjórinn
myndi eingöngu bætast við þá
áfengisneyslu sem fyrir er, og
bætast við áfengisvandamál lands-
manna.
Jón 0. Ragnarsson var á önd-
verðum meiði og kvað eðlilegt að
leyfa sölu á áfengum bjór hér á
landi sem annarstaðar í hinum
vestræna heimi. Hann sagði að
bjórinn væri veikasti, hættu-
minnsti og hollasti áfengi drykk-
urinn á markaðnum, og því ætti
að hvetja fólk til að drekka bjór
og létt vín í stað sterkra vína.
Besti kosturinn væri þó að sleppa
því alfarið að neyta áfengis.
Að loknum málflutningi þeirra
Jóns Helgasonar og Jóns Ragnars-
sonar komu fram nokkrar fyrir-
spurnir. Jón Helgason var m.a.
spurður hvort hann hefði farið á
krárnar og kynnt sér málin af
Bjór eða ekki bjór ... Jón Helgason
á fundi hjá JC Reykjavík.
eigin raun áður en hann ákvað að
banna bjórlíkið, og svaraði ráð-
herra því til að það hefði hann
ekki gert, hinsvegar hefði hann
beðið lögregluna um upplýsingar
um málið og fengið frá þeim grein-
argóða og yfirgripsmikla skýrslu.
Hann var jafnframt spurður að
því hvort það væri ekkert ósam-
ræmi í því að hann treysti mönn-
um til að kjósa fulltrúa sína til
að stjórna landinu, en treysti þeim
hinsvegar ekki til að velja sjálfir
hvort og hvenær þeir drykkju
áfengt öl. Fyrirspyrjendur bentu
einnig á að auðvelt væri að nálgast
áfengt öl hér á landi, þar sem það
er flutt til landsins löglega sem
ólöglega, og kvað ráðherra sig
fremur hlynntan því að leggja
niður allar undanþágur til inn-
flutnings á áfengu öli, svo sem til
ferðamanna, í stað þess að auka
bjórinnflutning.
Bændur teknir tali
Sveinn ÞórÖarson
Innri-Múla, Barðaströnd:
Allt í blóma nema
sauðfjárræktin
„TÍÐIN hefur verið góö og sumar-
blíðan leikur við okkur hér, en
bændur eru óánægðir yfir því að
slátrun hefur enn ekki hafist í slát-
urhúsinu á l'atreksfirði," sagði
Sveinn Þórðarson á Innri-Múla
Barðaströnd í samtali við Morgun-
blaðið.
„Komið hefur til tals í stjórn
kaupfélagsins að leggja sláturhús-
ið niður og senda bændur annað
með fé sitt í slátrun og var m.a.
rætt við forráðamenn sláturhúsa
á Króksfjarðarnesi og á Þingeyri.
Hins vegar gekk illa að fá ieyfi þar
og með þrýstingi frá bændum
greiddi kaupfélagsstjórnin at-
kvæði um málið og var samþykkt
að slátra á Patreksfirði með þrem-
ur atkvæðum gegn tveimur. Slát-
urhús verður að vera á Pat-
reksfirði, en þó gerum við bændur
okkur grein fyrir því að nýtingin
verður að vera betri á húsinu."
Sveinn sagði að húsið væri tvær
hæðir. í sumar var efri hæðin tek-
in undir rækjuvinnslu og yrði þar
líklega áfram. Gert er ráð fyrir að
slátrun hefjist um 10. október.
Hún tekur tæpar þrjár vikur. Um
2500 fjár verður slátrað auk 300
nautgripa. „Við fórum illa út úr
riðuveikinni i fyrra. Um 1500 full-
orðnu fé varð þá að slátra en
bændur eru óðum að rétta úr
kútnum nú og gera þeir flestir ráð
fyrir að hafa náð sér eftir þetta
áfall næsta haust."
Sveinn sagði að heyforði væri
nægur og góður, en þó væri nú
farið að bera ögn á vatnsskorti.
„Mjólkurframleiðsla gengur vel og
er afkoman hjá mjólkurstöðinni á
Patreksfirði góð.
Hrefnuveiðin hefur gengið held-
ur illa en aðeins er eftir að veiða
Sláturtíðin stendur nú sem hæst.
örfáar hrefnur svo að veiðunum
fer að ljúka og er þá vonast til að
skelvinnslan hefjist. Grásleppu-
karlar voru ánægðir með sinn hlut
í sumar. Nokkuð var um að menn
færu í þangskurð fyrir þörunga-
vinnsluna á Reykhólum og höfðu
ágætt upp úr því,“ sagði Sveinn.
Björn Erlendsson,
Skálholti:
Bændur ánægöir
með ástand fjár
SLÁTRUN hófst 26. október sl. í
sláturhúsinu í Laugarási og er gert
ráð fyrir að milli 40—50.000 fjár
verði slátrað þar og á Selfossi.
„Um síðustu helgi fóru leitar-
menn í aðrar göngur sínar og
fundu 50 kindur. Sláturtíð lýkur í
kringum 20. október en féð virðist
ætla að flokkast vel eftir svona
gott sumar og bændur eru yfirleitt
ánægðir með ástand fjárins,"
sagði Björn Erlendsson í Skál-
holti.
„Góð nýting hefur verið á heyj-
um. Þó heyrist að heldur sé það
minna en undanfarin ár. Sprettan
var lélegri nú en oft áður vegna
þurrka. Sumir bændur áttu eftir
hey síðan í fyrra. Heyskapur gekk
þó vel í ár. Flestir voru búnir um
mánaðamótin júlí-ágúst sem er
mjög óvenjulegt hér á Suðurlandi.
Kartöflur hafa skemmst nokkuð
undir grösum vegna næturfrosta
sem komu í lok ágúst. Á mörkun-
um er að vatnsbirgðir séu nægar
en við bíðum eftir rigningardögum
svo það bjargist," sagði Björn í
Skálholti.
Guttormur Þormar
Geitagerði, Fljótsdal:
Mikill heyfengur,
en misjafn að gæðum
„HEYFENGUR hefur verið með
mesta móti í ár en þó hafa hey verið
misjöfn að gæðum sérstaklcga eftir
miðjan ágúst og kartöfluuppskera
hefur verið léleg í ár vegna kulda,“
sagði Guttormur Þormar í Geita-
gerði, Fljótsdal, í samtali við Morg-
unblaðið.
„Góður vöxtur hefur verið á
trjágróðri, einkum lerki og greni
og eins hefur verið mikið sveppa-
ár. Lerkisveppurinn hefur vaxið
vel. Þó virðist sama lögmál ekki
ganga yfir okkur Íslendinga og
Finna, en þeir telja að ef gott er
sveppaár, þá séu væn hreindýrin.
Hreindýrin hér austanlands hafa
hins vegar ekki verið væn í ár á
heiðunum hér í nágrenninu.
Réttað var í Fljótsdalsrétt 21.
september sl. og var þar saman-
komið um 10.000 fjár. Mannmargt
var í réttunum og komu m.a. fjór-
ar rútur með skólabörn úr nær-
liggjandi skólum. Réttardansleik-
ur var síðan haldinn í Végarði um
kvöldið."
Slátrun stendur nú yfir í slát-
urhúsum austanlands og er væn-
leiki dilka með lélegasta móti sök-
um kuldakasta í sumar. Farið
verður í eftirréttir fyrir miðjan
október og um það leyti lýkur
slátrun.
Benedikt Guðmundsson,
Staðarbakka, Miðfirði:
Vantar fólk í
sláturhúsin
„SLÁTURTÍDIN hjá okkur hófst 17.
september í tveimur sláturhúsum,
hjá Kaupfélagi Vestur-Húnvetninga
og hjá verslun Sigurðar Pálmasonar
á Hvammstanga og virðist fé í með-
allagi í ár,“ sagöi Benedikt Guð-
mundsson, Staðarbakka í Miðfirði.
„Fólk vantar þó í vinnu á slát-
urhúsin. Sveitafólk er í meirihluta
þar, en ekki er lengur hægt að
byggja á skólafólki því nú eru allir
skólar hér byrjaðir.
Heyskapur gekk yfirleitt vel hjá
bændum. Ekki voru eins miklir
þurrkar hjá okkur og á Suðurlandi
og ekki eins mikil væta og á Norð-
urlandi. Við hér í Húnavatnssýsl-
unni erum oft í millibilsástandi
hvað veður snertir. Heyskapur var
snemma búinn og hey voru góð.
Grös eru nokkuð fallin vegna tíðra
næturfrosta síðan um miðjan
september, en þó eru menn yfir-
leitt ánægðir með veðursæld
haustsins," sagði Benedikt.
Færanleg heykögglavél, sem fé-
lagið Heimafóður hf. á og er eign
húnvetnskra bænda, er um þessar
mundir að hefja vinnslu í Mið-
fjarðarsveit. Starfsemin hefur
reynst vel á undanförnum árum
og fer þátttaka vaxandi.
Veiði í Miðfjarðará varð mun
betri en menn bjuggust við í
sumar. Talið er að mikill fiskur sé
í ánni og veiði hefur reynst auð-
veld í klak, sem fer til uppeldis í
laxeldisstöðina Hólalax hf., að
sögn Benedikts.