Morgunblaðið - 22.11.1985, Side 2
2
MORGUNBLAÐIÐ, FÖSTUDAGUR 22. NÓVEMBER1985
Verðið í
Fríhöfn-
inni lesið
af tölvum
í FRÍHÖFNINNI á Keflavíkurflug-
velli hefur verið tekið í notkun kerfí
í versluninni sem stimplar sjálfvirkt
í afgreiðslukassa tegund, stærð og
verð vörunnar. Slík kerfi eru algeng
erlendis en Fríhöfnin er fyrsta fyrir-
tækið hérlendis sem tekur það í
notkun.
Guðmundur Karl Jónsson fram-
kvæmdastjóri Fríhafnarinnar
sagði að tölvulesurum eða skynjur-
um væri komið fyrir í afgreiðslu-
borðum verslunarinnar. Af-
greiðslumennirnir drægju vörurn-
ar yfir lesarana og stimpluðust
tölvutækar upplýsingarnar sem
skráðar eru á vörurnar inn í af-
greiðslukassana. Afgreiðslumað-
urinn þyrfti síðan að ýta á takka
með þeirri mynt sem greitt væri
með og taka við peningunum.
Sagði Guðmundur Karl að kostir
kerfisins væru þeir að starfsmenn
losnuðu að miidu leyti við verð-
merkingar, afgreiðslan yrði hrað-
ari, minni hætta á mistökum við
afgreiðslu og meira öryggi fengist
í birgðabókhaldi. Kerfið hefði
verið tekið í notkun á þriðjudag
og hefði allt gengið eftir áætlun.
Afgreiðsluhraðinn væri enn svip-
aður og áður en þegar fram í sækti
ætti hann að geta aukist um 20%.
Að sögn Guðmundar er þetta loka-
punkturinn á tölvuvæðingu Frí-
hafnarinnar sem staðið hefur yfir
í fjögur ár. Þeir 10 tölvulesarar
sem keyptir voru kostuðu samtals
700 þúsund krónur.
Brúin á Bústaðavegi í notkun eftir hálfan mánuð
Reikna má með að brúin á Bústaðavegi yfir Kringlumýrarbraut í Reykjavík verði opnuð fyrir umferð eftir um það bil hálfan mánuð að
því er Ingi U. Magnússon, gatnamálastjóri, sagði blaðamanni Morgunblaðsins.
„Nú er unnið að því að setja upp handrið, ljósastaura og umferðarljós á brúarsporða," sagði Ingi. Framkvæmdir við brúna hafa staðið
síðan í júní-mánuði og átti þeim skv. áætlun að vera lokið fyrir áramót þannig að verkið er nokkuð á undan áætlun.
Árni Sæberg, ljósmyndari Morgunblaðsins, flaug yfir brúna í vikunni og tók þá þessa mynd.
if.
s
r
Samninganefndir hefja fundahöld:
Samráð ASI og BSRB
Kröfur verkalýðshreyfingarinnar fara óvenju mikið saman, segir Kristján Thorlacius
r
a
<)
B
'»
b
!s
a
SAMNINGANEFND Bandalags
starfsmanna ríkis og bæja hefur
kosið sér tíu manna undirnefnd til
að gera tillögur um útfærslu á kröf-
um bandalagsins í komandi kjara-
samningum. Formaður samninga-
nefndarinnar er Kristján Thorlacius,
formaður BSRB en varaformaður
Guðmundur Einarsson alþingismaður:
Óskar eftir að opin-
ber rannsókn fari fram
GUÐMUNDUR Einarsson, þing-
maður Bandalags jafnaðarmanna,
hefur ritað Matthíasi Bjarnasyni,
viðskiptaráðherra, bréf og óskað eftir
tafarlausri opinberri rannsókn á
rökstuðningi og sannleiksgildi yfír-
lýsingar bankastjóra Útvegsbankans
frá í júnísl.
í bréfi vísar Guðmundur til
þeirra orða fyrrverandi viðskipta-
ráðherra á Alþingi 18. júní sl. að
bankastjórar Utvegsbankans hafi
opinberlega gert grein fyrir trygg-
ingum bankans vegna skulda
Hafskips hf. Hafi þeir sagt, að
bankinn hefði tryggingu í eignum
fyrirtækisins og eignum hluthaf-
anna fyrir þeim skuldum sem
Hafskip væri í.
í ljósi þess að einungis fimm
mánuðum síðar sé augljóst sam-
kvæmt fregnum að Hafskip eigi
ekki fyrir skuldum sé krafan um
rannsókn sett fram.
Matthías Bjarnason, viðskipta-
ráðherra, vildi ekki tjá sig um
málið í gærkvöldi.
Lárus Jónsson, einn bankastjóra
Útvegsbankans, sagði: „Okkur
bankastjórunum fannst rétt að
taka það fram á þessum tíma að
tryggingar bankans i Hafskip
væru fólgnar í fleiru en eignum
fyrirtækisins, m.a. í eignum hlut-
hafa.“
Sjá nánar á þingsíðu, blaðsíðu 36.
hennar, Örlygur Geirsson, nýkjörinn
2. varaformaður bandalagsins.
Forystumenn BSRB áttu í gær-
morgun fund með forystumönnum
Alþýðusambands íslands um stöð-
una í kjaramálum og voru menn
þar sammála um að nauðsynlegt
væri fyrir launþegasamtökin að
skiptast á upplýsingum og hafa
náið samband um afstöðuna i
kjaramálum, að sögn Kristjáns
Thorlaciusar.
„Mér sýnist að meginkröfur
launþegasamtakanna fyrir samn-
ingana um áramótin fari óvenju-
mikið saman. Megináherslan er
lögð á kaupmáttartryggingu í
samþykktum þeirra verkalýðs-
samtaka, sem hafa haldið sina
fundi og þing að undanförnu, og
síðan er áhersla lögð á að launa-
misréttið verði lagað. Allir leggja
sömuleiðis áherslu á úrbætur i
vaxta- og lánamálum, sem tengj-
ast húsnæðismálum verulega,"
sagði Kristján.
A fundi samninganefndar BSRB
á miðvikudaginn setti Kristján
fram þá hugmynd um útfærslu á
kaupmáttarkröfunni, að sett verði
ákveðin viðmiðunarmörk á verð-
lagshækkanir. Þau mörk ættu að
vera skriflega tryggð af ríkis-
stjórninni en yrði farið fram úr
þeim ættu samningar að vera
sjálfkrafa iausir, til dæmis á
þriggja mánaða fresti. „Um hug-
myndir af þessu tagi virðist vera
almenn samstaða," sagði Kristján,
„og verkalýðshreyfingunni dugar
ekkert nú nema samstaðan".
Sigur Hólmfríð-
ar nýttur til
landkynningar
EIGENDUR „Miss World-keppn
innar“ í London hafa boðið íslensk-
um aðilum í ferðamanna- og út-
fíutningsiðnaði rétt á að nota nafn
Hóimfríðar Karlsdóttur - sem í
fyrri viku var kjörin fegursta stúlka
heims - í auglýsingum fyrir þjón-
ustu og vörur, sem framleiddar eru
á fslandi og öðrum Norðurlöndum
en seldar um allan heim. Er þetta
í fyrsta skipti sem aðilum frá landi
sigurvegarans í keppninni er boð-
inn slíkur samningur.
Að sögn eigenda keppninnar,
Júlíu og Eric Morley, er ástæðan
fyrst og fremst sú, að sigur
Hólmfríðar hefur vakið mikla
athygli á íslandi, bæði sérstöðu
landsins og smæð þjóðarinnar.
Segjast þau vilja með þessu
stuðla að því að íslenskir aðilar
geti nýtt sér ferðir Hólmfríðar
um veröldina til landkynningar,
svo og nafn hennar til að auglýsa
útflutningsvörur og ferðamanna-
þjónustu. Hólmfríður hefur þeg-
ar lýst áhuga sínum á þessu
samstarfi. Þá hafa fjölmargir
aðilar í þessum greinum sýnt
málinu áhuga.
Hólmfríður Karlsdóttir, nýkjörin
fegurðardrottning heims.
Krafa verkalýðshreyfingarinnar um að
ríkið tryggi kaupmáttinn:
„Ekki hægt að ætl-
ast til að einn að-
ili leysi vandann“
— segir Þorsteinn Pálsson fjármálaráðherra
„ÞAÐ ER ekki hægt að ætlast til
þess að einn aðili öðrum fremur leysi
þennan vanda, það þarf að gerast í
samvinnu," sagði Þorsteinn Pálsson
fjármálaráðherra er Morgunblaðið
leitaði álits hans á kröfum verkalýðs-
hreyfíngarinnar um að ríkisstjórnin
tryggi fullkomlega þá kauphækkun
og kaupmáttartryggingu, sem hreyf-
ingin krefst að verði samið um í
komandi kjarasamningum.
Öll helstu samtök launafólks
hafa á undanförnum vikum komist
að þeirri niðurstöðu, að svo hægt
verði að gera marktæka kjara-
samninga eftir að núgildandi
samningar renna út um áramótin,
þá þurfi ríkisvaldið að eiga aðild
að þeim samningum og tryggja
kaupmátt þeirra svo óyggjandi sé.
Fjármálaráðherra sagði sam-
þykktir launþegasamtakanna
„sýna vilja til að verkalýðshreyf-
ingin, atvinnurekendur og ríkis-
valdið freisti þess að finna farveg
til að verja kaupmátt og koma í
veg fyrir verðbólgu. Ef einhver
grundvöllur er til að komast að
allsherjar samkomulagi þessara
þriggja aðila, þá tel ég rétt að
reyna það til þrautar," sagði Þor-
steinn Pálsson.
„Hvernig menn svo orða þessa
hugsun er annað mál. Þetta tekst
ekki nema allir aðilar leggi sig
fram um að reyna að leysa vand-
ann. Það er ekki hægt að ætlast
til þess að aðeins einn þessara
aðilja geri það, heldur þarf að
vinna að því í sameiningu," sagði
fjármálaráðherra.