Morgunblaðið - 22.11.1985, Qupperneq 41
MORGUNBLAÐIÐ, FÖSTUDAGUR 22. NÓVEMBER1985
41
Fáskrúðsfjörður:
Jólabasar til
styrktar dvalar-
heimili aldraðra
FáNkrúðsfírdi, 20. nóvember.
SAMSTARFSHÓPUR kvenna um
öldrunarmál á Fáskrúðsfirði undirbýr
nú af kappi jólabasar til styrktar
dvalarheimili aldraðra sem verið er
að byggja hér á staðnum. Basarinn
verður haldinn 24. nóvember í Grunn-
skólanum, og veröur þar einnig kaffi-
sala.
Er þetta fjórði jólabasarinn sem
konurnar efna til. Á síðastliðnu ári
tóku þær sig til og gáfu einangrun
í dvalarheimilið og límdu hana
sjálfar upp í húsið. Var það verk-
efni sem metið var á 100 þúsund
krónur. - Albert
Ráðstefna
um stöðu hús-
verndunar
RÁÐSTEFNA Torfusamtakanna um
stöðu húsverndunar verður haldin 23.
nóvember 1985 í Litlu Brekku á Bern-
höftstorfu. (Bankastræti 2).
Á nokkrum seinustu árum hafa
Torfusamtökin einbeitt sér að við-
gerð og endurbyggingu húsanna á
Bernhðftstorfunni og minna hefur
farið fyrir virku almennu félags-
starfi en áður var.
Lítil umræða hefur farið fram um
húsaverndunarmál á þessum árum
og um tíma virtist sem húsverndun-
arstefna hefði aukist mjög mikið
fylgi í kjölfar þess að húsin á Bern-
höftstorfu voru endurbætt og opnuð
almenningi.
Nú bendir hins vegar ýmislegt til
þess að við höfum lagt rangt mat á
stöðuna.
Húsafriðunarsinnar hafa senni-
lega blundað á verðinum því nú er
boðað stórfelldara niðurrif gamalla
húsa í miðbæ Reykjavíkur á næstu
árum en menn óraði fyrir.
Fjalakötturinn, eitt stærsta og sér-
stæðasta timburhús í miðbænum,
var rifinn fyrir fáeinum dögum og
tugir annarra húsa virðast eiga að
fylgja í kjölfarið á næstu árum.
Torfusamtökin bjóða nú af þessum
sökum öllum þeim sem áhuga hafa
á því að ræða stöðu húsverndunar-
og húsafriðunarmála til eins dags
ráðstefnu laugardaginn 23. nóvem-
ber nk.
Dagskrá ráðstefnunnar er sem hér
segir: Formaður Torfusamtakanna
setur ráðstefnuna kl. 10.00. Hjörleif-
ur Stefánsson. íslensk húsfriðunar-
stefna: Hörður Ágústsson listmálari.
Viðhorf arkitekta til endurnýjunar
gamalla húsa: Þorsteinn Gunnarsson
arkitekt. Umræður. Matarhlé. Stefna
borgaryfirvalda í varðveislu gamalla
bæjarhluta: Þorvaldur S. Þorvalds-
son forstöðumaður Borgarskipulags.
Hvernig tryggja má varðveislu
gamallar byggðar: Guðrún Jónsdótt-
ir arkitekt. Umræður.
Basar í Hjúkr-
unarskólanum
Hjúkrunarskóli Islands gengst
fyrir basar í skólanum á Eiríksgötu
34, föstudaginn 22. nóvember á tíma-
bilinu frá klukkan 13.00 til 18.00. Til
sölu verða jólakort, kerti, kökur, jóla-
rósir o.fl.
heimili landsins!
; fHargmifrlafrifr