Morgunblaðið - 03.12.1985, Blaðsíða 40

40
MORGUNBLAÐIÐ, ÞRIÐJUDAGUR 3. DESEMBER1985
Heilbrigðisráðuneytið var-
ar við sælgætisalmanökum
aðrar þjóðir og tannskemmdir eru
í samræmi við það. Aðeins með
fræðslu og sameiginlegu átaki
tekst að breyta þessu og rjúfa
þennan vítahring. Vonandi sjá
viðkomandi aðilar ástæðu til að
breyta hér um fyrir jólin á næsta
ári.
o
INNLENT
Innanlandsflug Flugleiða:
HEILBRIGÐIS- og tryggingamála-
ráðuneytið hvetur forráöamenn
barna til að stilla í hóf kaupum á
svokölluðum sælgætisalmanökum,
sem algeng eru hér á landi fyrir jól-
in og flest börn þekkja. Þau eru
hönnuð með það í huga að börnin
opni eitt hólf á dag í desembermán-
uði fram til aðfangadags og nái þar
í súkkulaðimola, eða annað sælgæti.
í tilkynningu frá heilbrigðisráðu-
neytinu segir að eitt af því sem heil-
brigðisyfirvöld á Norðurlöndum hafi
barist hvað mest á móti sé einmitt
dagleg sælgætisneysla barna, sem
leiki tennurnar grátt. Segir í til-
kynningunni að á síðasta tann-
verndardegi hafí verið reynt að
koma á þeim sið hérlendis að börn
neyttu sælgætis í mesta lagi einu
sinni í viku.
í tilkynningu ráðuneytisins seg-
ir orðrétt: „Vitað er að sum félaga-
samtök hafa staðið fyrir sölu og
dreifingu á fyrrnefndum almanök-
um og öðru sælgæti undanfarin
ár. Þess vegna var þeim félögum
sent bréf í mars sl. til að vekja
athygli á þessu með góðum fyrir-
vara, í þeirri von að hægt yrði að
finna aðra heppilega fjáröflunar-
leið eða breyta þessari, til dæmis
með því að hafa annað en sælgæti
í hólfunum.
Því miður hafa ekki allir séð sér
það fært og því er ástæða til að
hvetja forráðamenn barna til að
stilla í hóf kaupum á sælgætis-
dagatölum eða reyni að minnsta
kosti að fá börnin til að safna
sælgæti vikunnar saman, svo að
þau neyti þess aðeins einu sinni í
viku.
íslendingar neyta meiri sykurs,
sælgætis og gosdrykkja en flestar
Adventukvöld í
Bústaðakirkju
HÚSFYLLIR var á aðventukvöldi í
Bústaöakirkju á sunnudagskvöldið.
Halldór Reynisson forsetaritari flutti
ræðu kvöldsins. Kirkjukór Bústaða-
kirkju og Lögreglukórinn sungu og
Blokkflautusveit ungra barna úr
Tónlistarskóla Hafnarfjarðar lék
undir stjórn Guðna Þ. Guðmunds-
sonar organista í Bústaðakirkju. Síð-
an var helgistund í umsjá séra Ólafs
Skúlasonar. Að henni lokinni fékk
hver kirkjugestur kerti. Ljósið var
slökkt í kirkjunni og tveir menn
gengu með logandi kertaljós með-
fram bekkjunum og kveiktu Ijós hjá
þeim sem sátu í ystu sætunum. Síðan
kveikti hver Ijós hjá sínum sessu-
naut og að lokum héldu allir kirkju-
gestir á logandi kertum sem lýstu
upp kirkjuna.
Yfir sautján þúsund
farþegar í nóvember
FLUGLEIÐIR fluttu 17.253 farþega
f innanlandsflugi í nóvember sam-
kvæmt bráðabirgðatölum og er
þetta mesti fjöldi farþega sem félag-
ið hefur flutt í nóvembermánuði til
þessa. Næstmestur fjöldi farþega í
nóvember var f fyrra en þá fluttu
Flugleiðir 15.849 manns.
Áður hafði farþegafjöldi tvisvar
komist jrfir 15.000 í nóvember, en
það var á árunum 1977 og 1978.
Að sögn Einars Helgasonar yfir-
manns innanlandsdeildar Flug-
leiða er ástæöan fyrir þessari
fjölgun aðallega sú að óvenjumikið
hefur verið um fundi og ráðstefnur
nú miðað við árstíma. Auk þess
hefur töluvert verið um helgar-
ferðir fólks utan af landi til
Reykjavíkur og einnig Reykvík-
inga út á land. Einar sagði að góða
veðrið hefði einnig haft sitt að
segja.
Ríó-plata eftir 8 ára hlé:
„Lengi getur
vont versnaÖ“
Nýr sendiherra páfa-
stóls á Norðurlöndum
„LENGI getur vont versnað" heitir
ný plata með fimmmenningunum í
Ríó, sem síðast sendu frá sér plötu
fyrir átta árum. Þeir tóku við sér á
ný í fyrrahaust þegar þeir byrjuðu
að skemmta í veitingahúsinu Broad-
way í Reykjavík — og héldu fullum
dampi fyrir fullu húsi í nær átta
mánuði.
Á nýju plötunni eru ellefu ný lög
úr ýmsum áttum — léttar grín-
vísur, ástarljóð og norræn sönglög,
svo eitthvað sé nefnt. Um tuttugu
ár eru liðin síðan Rió-trióið var
stofnað en síðan hefur fjölgað í
„tríóinu" og skipa það nú þeir
Ágúst Atlason, Gunnar Þórðarson,
Helgi Pétursson, Jónas Friðrik og
Ólafur Þórðarson.
Lögin eru öll erlend utan eitt,
sem Olafur Þórðarson hefur gert.
Textarnir eru allir eftir Jónas
Friðrik, skáld og aflraunamann á
Raufarhöfn. Upptaka plötunnar
fór fram í Hljóðrita í Hafnarfirði
í október sl., undir stjórn Gunnars
Þórðarsonar. Vélamenn voru Jón-
as R. Jónsson og Sigurður Bjóla
Garðarsson en hljóðblöndun var
gerð í London undir stjórn Geoff
Calvers.
Platan er gefin út af Ríó og mun
nú vera til í hljómplötuverslunum
um allt land.
Á síðastliðnu hausti lét Luigi Bell-
otti erkibiskup af embætti sem
sendifaerra páfastóls á Norðurlönd-
um. „Katolsk orientering“, málgagn
kaþólsku kirkjunnar í Danmörku,
segir frá 27. f.m. að brátt taki nýr
maður við embættinu og komi til
Kaupmannahafnar, þar sem aðsetur
sendiherrans er, en um komutíma
hans þangað er blaðinu ókunnugt
ennþá.
Hinn nýi sendiherra sem þegar
hefur verið skipaður í embættið,
er belgískur, Henri Lemaitre að
nafni, erkibiskup, 64 ára að aldri.
Lemaitre erkibiskup fæddist í
Antwerpen 17. október 1921 og
þáði prestvígslu 28. júlí 1946. Hann
las siðan kirkjurétt og tók doktors-
gráðu i honum og biskupsvigslu
hlaut hann 1969. 1952 var honum
falið fyrsta embættið í utanríkis-
þjónustu Vatikansins. Hann hefur
gegnt embættum i Jerúsalem,
Líbanon, íran, Madagaskar, Hol-
landi og Vínarborg. 1969 var hann
skipaður sendiherra páfastóls i
Saigon og 1975 i Uganda. Lemaitre
erkibiskup er góður tungumála-
maður og talar auk hollensku,
frönsku, ensku, þýsku, itölsku og
spænsku.
Þess má vænta að hinn nýi
sendiherra afhendi embættisskil-
ríki sín hér á landi á næsta ári.
Lýst eftir
yitnum
FIMMTUDAGINN 28. nóvember
varð árekstur á mótum Suður-
landsbrautar og Hallarmúla. Þrjár
bifreiðir skullu þar saman laust
fyrir miðnætti. Tvö vitni gáfu sig
fram við ökumann, en voru farin
af vettvangi þegar lögreglu bar að.
Lögreglan í Reykjavík biður við-
komandi vinsamlega að gefa sig
fram.
Kaupmenn gera ráð fyrir svipuðu
verði og í fyrra á jólarjúpunni
Sala á rjúpum hefst í næstu viku
Jólarjúpurnar eru komnar í
flestallar verslanir, en sala á þeim
hefur ekki hafist þar sem útsölu-
verð er óákveóið.
Sigurður Garðarsson, verslun-
arstjóri í Víði, Austurstræti,
sagði í samtali við blaðamann,
að líklega yrði verðið ákveðið í
þessari viku. „Ég reikna með
álíka verði og í fyrra, en þá var
óhamflett rjúpa seld á 150 krón-
ur.“
Ómar Gunnarsson, verslunar-
stjóri í Kjötbæ á Laugavegi,
sagðist vera að bíða eftir lækk-
andi verði þar sem svo mikið
framboð virtist vera á rjúpunni
í ár. „Ég held að verðið nú verði
lítið hærra en í fyrra. Óham-
flettar rjúpur hjá okkur þá voru
á 135 krónur og 150 krónur
hamflettar."
Ragnar Halldórsson hjá Hag-
kaup sagði að búið væri að kaupa
nokkrar rjúpur inn af gömlum
vana þó lítið væri upp úr sölunni
að hafa. „Pekingendur virðast
ætla að verða vinsælar í jóla-
smatinn ef marka má eftirspurn-
ina eftir henni undanfarið. Kílóið
af pekingönd kostar aöeins 167
krónur. Hver önd er um tvö kíló,
sem ætti að næga fjögurra
manna fjölskyldu. Salan dróst
þó heldur saman við lambakjöts-
útsöluna en er nú að glæðast á
ný. Verð á rjúpum er hinsvegar
óákveðið."
Hrafn Bachmann, verslunar-
stjóri í Kjötmiðstöðinni, Lauga-
læk, sagðist hafa selt nokkrar
rjúpur á 155 krónur stykkið til
viðskiptavina, sem senda vildu
þær til vina og ættingja erlendis
fyrir jólin, en þó hefði almenn
sala í versluninni ekki enn hafist
þar sem verðið væri ekki endan-
lega ákveðið. „Fleiri rjúpnaskytt-
ur virðast hafa farið á fjöll nú
en endranær. Þó virðist hver
þeirra koma með færri rjúpur
en oft áður.“
Hrafn sagði að verð á rjúpum
héldist yfirleitt í hendur við kíló-
ið af góðu lambakjöti og ætti því
að vera á bilinu 150-170 krónur
í ár. „Síðustu þrjú til fjögur árin
hefur rjúpnasalan lítið sem ekk-
ert gefið af sér. Samkeppnin er
orðin svo gífurleg og fólk hefur
einfaldlega ekki það mikla pen-
inga milli handanna að það geti
keypt sér dýrar steikur.
Nokkrir kaupmenn hafa t.d.
tekið sig saman um að hætta að
selja hreindýrakjöt vegna of
hárrar verðlagningar. Veitinga-
húsin eru að selja 200 grömm af
hreindýrakjöti á 1.000 krónur,
sem þýðir að við þyrftum að selja
kílóið á milli 1.300 og 1.400 krón-
ur. Fólk kaupir kjötið ekki á
þessu verði. Ekki má heldur
gleyma því að búið er að selja
yfir 25.000 pekingendur að und-
anförnu, sem allar fara á jóla-
borð landsmanna og hafa þær
lækkað um 120 krónur frá því í
fyrra," sagði Hrafn.