Morgunblaðið - 03.12.1985, Blaðsíða 26

26
MORGUNBLAÐIÐ, ÞRIÐJUDAGUR 3. DESEMBER1985
• •
Onnur skáld-
saga Stefaníu
Þorgrímsdóttur
ÚT ER komin hjá Forlaginu ný
skáldsaga eftir Stefaníu Þorgríms-
dóttur og nefnist hún Nótt í lífi
Klöru Sig. Þetta er önnUr skáldsaga
Stefaníu en fyrir tveimur árum sendi
hún frá sér Söguna um Önnu.
„Hver er Klara Sig? Hálffertug,
glæsileg, gift öndvegismanni í góðri
stöðu. Nótt eina býður hún karl-
manni með sér heim af balli. Eigin-
maðurinn er fjarverandi og ljúft
helgarævintýri í vændum. En
speglarnir, sem Klara skoðar sig í,
brotna og hún stendur varnarlaus
frammi fyrir nóttinni. I tíu ár hefur
hún verið Klara, sterk, sjálfbjarga,
frambærileg. Hún hefur bælt ótta
sinn, agað vilja sinn, unnið sigra.
Gætt þess að vega fremur en að
vera vegin. — Af óvenjulegu næmi
lýsir Stefanía Þorgrímsdóttir ótta
og einsemd þess sem reist hefur
hús sitt á sandi."
Nótt í lífi Klöru Sig. er 1.256 bls.
Prentsmiðjan Oddi hf. prentaði.
Ragnheiður Kristjánsdóttir hann-
aði kápu.
Heiðinn siður á ís-
landi í nýrri útgáfu
BÓKAÚTGÁFA Menningarsjóðs
hefur gefið út á ný ritið Heiðinn
siður á íslandi eftir Ólaf Briem, en
frumútgáfa þess kom út 1945.
Um bók og höfund segir m.a. á
kápu:
„Olafur Briem fyrrum mennta-
skólakennari á Laugarvatni er
bæði vandvirkur fræðimaður og
listrænn rithöfundur. Kunnasta
rit hans mun Heiðinn siður á fs-
landi (1945) sem hér birtist í nýrri
útgáfu endurskoðaðri og aukinni.
Bókin greinir frá átrúnaði forfeðra
okkar í árdögum íslandsbyggðar
og hefur talist öndvegisrit um ís-
lensk fræði í fjóra áratugi en lengi
verið ófáanleg á almennum mark-
aði. Má þessvegna ætla að lærðir
og leikir fagni því að Heiðinn siður
á íslandi skuli gefinn út aftur og
nú miklu ítarlegri en fyrri prent-
unin með hliðsjón af nýjustu rann-
sóknum.
Bókin skilgreinir heiðinn sið,
trú og guði fornmanna og áhrif
heiðninnar í menningu okkar og
þjóðhætti en meginkaflar hennar
bera þessar fyrirsagir: Goð, Land-
vættir, Dauðir menn, Hof og blót.
Ólafur Briem
Örlög heiðninnar. Heiðinn siður á
íslandi er einstakt rit á sviði ís-
lenskra fræða og merkilegt fram-
lag til sögu og mennta."
Heiðinn siður á íslandi er 216
bls. að stærð, og prýða þessa nýju
útgáfu margar myndir efninu til
skýringar. Kápu gerði Sigurður
Örn Brynjólfsson, en Prentsmiðja
Hafnarfjarðar annaðist setningu,
prentun og bókband. Menningirejóður
Háskólatónleikar
í Norræna húsinu
HÁSKÓLATÓNLEIKAR verða
haldnir í Norræna húsinu á morgun,
miðvikudag, og hefjast þeir kl. 12.30.
Daði Kolbeinsson leikur á enskt
horn og óbó, Julíana Elin Kjart-
ansdóttir á fiðlu, Sesselja Hall-
dórsdóttir á lágfiðlu og Carmel
Russill á hnéfiðlu. Þau leika verk
eftir Wolfgang Amadeus Mozart,
kvartett fyrir óbó og strengi, K 370
og Adagio fyrir enskt horn og
strengi, K 94. Tónleikarnir standa
í u.þ.b. hálftíma.
(FrétUtilkynning.)
5 STJÖRNUKVÖLD
MAGNÚS ÞÓR
EINARJÚLÍUSSON
^ ir
JÓHANN HELGASON
SIGMUNDSSON
ANNA VILHJÁLMSDÓTTIR jf
* JÓHANN G. JÓHANNSSON
PÓNIK OG EINAR
LEIKA
FYRIR DANSI
JÚLÍUS BRJÁNSSON
KYNNIR
ÞORSCAFE
FÖSTUDAGS- OG LAUGARDAGSKVÖLD • HÚSIÐ OPNAÐ KL. 1900
STÓRKOSTLEG ÞRÍRÉTTUÐ MÁLTÍÐ • ÓLI OG JÚLLI SJÁ UM DISKÓTEKIÐ
Morgunbladið/Emilía
F.v.: Atli Rafn Kristinsson, frkvstj. Iðnskólaútgáfunnar, Jón Múli Árnason
höfundur bókarinnar, Hjálmar Arnason, stjérnarformaður Iðnskólaútgáf-
unnar og Sverrir Garðarsson, formaður FIH.
„Djass“ — ný bók eftir
Jón Múla Árnason
FÉLAG íslenskra hljómlistarmanna
(FlH) og Iðnskólaútgáfan hafa í
sameiningu gefið út bókina Djass
eftir Jón Múla Árnason. Bókin er
yfirlitsverk um þá jasstónlist sem
gefin var út á hljómplötum frá árinu
1917 «11967.
Jón Múli Árnason hefur kennt
sögu jassins við Tónlistarskóla
FIH frá því að hann tók til starfa
árið 1980. Á fundi, sem haldinn
var með fréttamönnum í tilefni af
úkomu bókarinnar, kom fram að
upphaflega hefði verð ætlunin að
gera stutta handbók um jass til
hagræðis fyrir nemendur Tónlist-
arskóla FÍH en fljótlega hefði
orðið ljóst að efnið væri viðameira
en svo að unnt væri að gera því
viðunandi skil í litlu kveri. Hefði
því orðið úr að Jón Múli tók að sér
að semja yfirlitsverkið sem nú
hefði litið dagsins ljós og væri
fyrsta íslenska upplýsinga- og
fræðsluritið um jass.
í bókinni Djass, sem er öðrum
þræði hljómplötuskrá, er fjöldi
ljósmynda af þekktum islenskum
og erlendum jassleikurum, allt frá
fyrstu tíð og fram á síðustu ár. 1
eftirmála bókarinnar kemst höf-
undur svo að orði: „I bókinni er í
aðalatriðum miðað við djass í 50
ár, frá 1917 til 1967 - hálfa öld
af djassi á plötum og kann æsku-
fólk að sakna síðustu djassára. Því
er til að svara að einum gömlum
manni er það ofviða að fylgjast
af nokkru viti með öllu því sem
spilað er á plötur og segulbönd nú
á dögum og réttara að ungir menn
segir fréttirnar af því og sjái um
framhaldið þegar þar að kemur."
Jón Múli sagði á fundinum með
fréttamönum að handrit bókarinn-
ar hefði orðið til á síðustu fimm
árum en í raun væri 45 ára vinna
að baki.
Rafreiknir hf. bauð fulltrúum framhaldsskóla til kynningar í húsnæði fyrir-
tækisins og er myndin tekin við það tækifæri.
Rafreiknir hf. gefur skólum
einnar milljón kr. hugbúnaÖ
RAFREIKNIR hf. hefur ákveðið að gefa skólum hugbunað að verðmæti
yfir einnar milljón króna og er tilefnið sú nauðsyn sem þykir á að tengja
meira saman atvinnu- og skólalíf en gert hefur verið til þessa, ekki síst á
sviði tölvunotkunar, svo sem mikil umræða hefur verið um.
Framhaldsskólarnir eru flestir
komnir með góðan tölvukost en þó
vantar í skólana ýmsan þann
hugbúnað sem notaður er í at-
vinnulífinu. Starfsmenn Rafreikn-
is hafa útbúið launaforritið „Laun“
þannig að nota megi við kennslu
I skólum og hafa margir fram-
haldsskólar og tölvuskólar þegið
boð fyrirtækisins um að nota
hugbúnaðinn við kennslu. Mennta-
skólinn á Akureyri hefur þegar
ákveðið að nota forritið við
kennslu á þessu misseri.
Síðan í byrjun þessa árs hefur
Iaunaforritið „Laun“ verið á boð-
stólum á almennum markaði.
JLaun“ er bókhaldsforrit fyrir
almenna Iaunaútreikninga og sér
forritið um allar færslur, útreikn-
inga og skýrslugerð fyrir almenna
launaútreikninga. Forritið er hægt
að nota á tölvum með MS-DOS
stýrikerfi og má þar nefna IBM
PC/XT/AT, Atlantis og fleiri, en
þessar tölvur eru almennt kallaðar
PC tölvur.
Á fyrstu níu mánuðum þessa árs
hafa yfir 50 fyrirtæki tekið forritið
í notkun. í hverjum mánuði er
forritið notað til að gefa út 10.000
til 20.000 launaseðla í ýmsum fyr-
irtækjum. Forritið kostar rúmlega
30.000 krónur og ef skólarnir
þyrftu að kaupa slíkan hugbúnað
væri hér um umtalsverðar upp-
hæðir að ræða þar sem fjöldi ein-
stakra tölva í skólum skiptir tug-
um og jafnvel hundruðum.
Rafreiknir hf. var stofnað 1983
af Lúðvík Friðrikssyni iðnaðar-
verkfræðingi, Pétri Friðrikssyni
kerfisfræðingi og nokkrum öðrum
einstaklingum. Sama ár hóf Raf-
reiknir hf. þróun á launaforritinu
og um sl. áramót var það sett á
almennan markað. Af annarri
starfsemi fyrirtækisins má nefna
rekstrarráðgjöf og forritun fyrir
ýmis fyrirtæki. Nýlega tók Raf-
reiknir hf. að sér einkaumboð fyrir
bandaríska hugbúnaðarfyrirtækið
„Satellite Software" og í framhaldi
af því er ritvinnsluforritið „Word
Perfect" nú fáanlegt í flestum
tölvuverslunum landsins. í sept-
eftiber sl. flutti fyrirtækið í nýtt
húsnæði í Ármúla 40. Starfsmenn
' Rafreiknis hf. eru þrír.