Morgunblaðið - 28.06.1986, Blaðsíða 14
14
MORGUNBLAÐIÐ, LAUGARDAGUR 28. JÚNÍ1986
Vörður 60 ára í ár
Skálinn við Tjaidvatn. Myndimar tók Einar Þ. Guðjónsen.
heitinn Jónasson, fjallabílstóri, á
ferðum sínum og þar með urðu
ferðir í Veiðivötn mun auðveldari.
Margar sögur eru sagðar af ferð-
um Guðmundar með útlenda
ferðamenn. Það mun hafa verið
einhveiju sinni á Hófsvaði, að
Guðmundur óð út í til að finna
góða leið yfir. Útlendu ferða-
mennimir horfðu í andakt á
Guðmund vaða út í á litlum stíg-
vélum og smám saman hækkaði
vatnið. Alltaf óð Guðmundur
dýpra og dýpra og var að lokum
kominn upp fyrir mitti. Kemur
þá aðvífandi stór jeppabifreið og
ekur viðstöðulaust út í ána og
framhjá þeim stað, er Guðmundur
var. Ferðamennimir sáu að vatnið
var ekki dýpra en svo, að rétt
vatnaði yfir felgumar á jeppanum.
Þá kom í ljós að Guðmudur hafði
verið á hnjánum í vatninu. Þetta
átti Guðmundur til, fyrst og
fremst til þess að gefa útlending-
um kost á góðu myndefni og jafn-
vel til að mikla örlítið fyrir þeim
aðstæður.
Frá fomu hefur verið sæluhús
við Tjaldvatn og var það jafnan
nefnt Tjarnarkot. Þama gistu
bændur sem stunduðu veiðiskap
í og við vötnin. Landsmenn sóttu
bæði fisk í vötnin og veiddu álftir
í sámm. Nú sækja ferðamenn
nokkuð í Veiðivötn, enda er þar
ágæt veiði. Hins vegar verður að
Varðarferð
í Veiðivötn
BROTIÐ er nú blað í ferðum landsmálafélagsins Varðar og fanð
utan hinna hefðbundnu leiða um Suðurlands- og Borgarfjarðar-
byggðir og lagt í Veiðivötn á Landmannaafrétti. Varðarferðin
verður farin laugardaginn 5. júlí undir leiðsögn Einars Þ. Guðjóns-
en. Þetta er í 33. sinn sem efnt er til Varðarferðar og hafa á
þeim tíma aðeins tveir menn verið aðalfararstjórar, Arni Óla,
blaðamaður, og Einar Þ. Guðjónsen. Varðarferðir hafa ætíð notið
vinsælda meðal Sjálfstæðismanna. Fjölmennasta ferðin, sem farin
hefur verið, var 1977, en í hana fóru um 1100 manns og lá leiðin
m.a. í Sigöldu.
Tilhögun Veiðivatnaferðar
Varðar er á þessa leið: Lagt verð-
ur af stað frá Valhöll við Háaleit-
isbraut klukkan 8 að morgni,
laugardaginn 5. júlí. Farið verður
sem leið liggur austur fyrir fjall,
í gegnum Selfoss, upp Skeiðin,
um Gnúpveijahrepp og í Þjórsárd-
al. Áð verður um klukkan ellefu
í skóginum við Skriðufell. Þar
mun Jónas Bjamason, formaður
Varðar, flytja ávarp. Að því loknu
verður haldið áfram upp úr Þjórs-
árdal, um Hrauneyjarfossvirkjun
og Sigöldu og þaðan inn á Veiði-
vatnaleið. Haldið verður rakleiðis
að Tjaldvatni í Veiðivötnum þar
sem verður stoppað í tvo tíma.
Einar Þ. Guðjónsen mun þar segja
frá staðháttum og Þorsteinn Páls-
son, formaður Sjálfstæðisflokks-
ins og íjármálaráðherra, mun
flytja ræðu.
Frá Tjaldvatni verður ekinn
hinn svonefndi Veiðivatnahringur,
hringleið milli hinna fjölmörgu
vatna á þessum slóðum. Þá verður
ekið niður í Landsveit og áð í
Galtalækjarskógi. Komið verður
aftur til Reykjavíkur um kvöld-
matarleytið.
Unaösreitur á
hálendinu
„Sumir halda að Veiðivötn séu
einhvers staðar langt uppi á há-
Iendi og þangað sé ekkert annað
að sækja en veiði. Því fer þó víðs
fjarri. Veiðivötn eru unaðsreitur
á hálendinu. Þangað er örskammt
úr byggð á góðum vegi,“ sagði
Einar Þ. Guðjónsen, aðalfarar-
stjóri í Varðarferðinni.
„Þama er ákaflega fagurt og
indælt að dvelja. Þetta er að vísu
uppi á hálendinu, en þangað ligg-
ur mjög góður vegur, raunar fær
öllum bflum."
Það var hugmynd Einars að
breyta formi Varðarferðarinnar
að þessu sinni. Ástæðan er fyrst
og fremst sú, að kjmna þennan
fagra stað fyrir þeim sem vilja
og hvetja fólk til ferðalaga.
Leiðin sem nú er farin í Veiði-
vötn liggur úr Sigöldu, eins og
áður sagði. Áður fyrr var farið
•yfír Tungnaá á svokölluðu Hófs-
vaði. Það vað fann Guðmundur
kaupa veiðileyfí á Skarði í Land-
sveit.
Miðar í Varðarferðina verða
seldir í Valhöll á miðvikudag til
föstudags í næstu viku og kostar
farið kr. 700 fyrir manninn, kr.
400 fyrir böm frá 6 ára aldri. í
Morgunblaðinu næsta miðvikudag
verður fjallað um Veiðivötn í
greinaröðinni Áfangastaður.
Myndin er tekin í Fossvatnahrauni.
Myndin er tekin í Pyttlum, en það er svæðið skammt sunnan og austan við Tjaldvatn.