Morgunblaðið - 29.07.1986, Síða 31

MORGUNBLAÐIÐ, ÞRIÐJUDAGUR 29. JÚLÍ 1986
31
Afmælisrokk
á Arnarhóli
AFMÆLISNEFND Reykjavíkur
hefur falið íþrótta- og
tómstundaráði að hafa umsjón
með rokktónleikum á Arnarhóli
þriðjudaginn 19. ágúst nk., í
tengslum við 200 ára afmæli
borgarinnar.
Þær hljómsveitir sem hafa áhuga
á því að spila á „Afmælisrokkinu“
þurfa að skrá sig í síma 3 59 35
(Ólafur Jónsson) eða 62 21 20 (Jó-
hannes Hauksson). Skráningar-
frestur rennur út 6. ágúst og mun
þá sérstök nefnd velja hljómsveitir
úr hópi umsækjenda.
Á tónleikunum verður nýttur all-
ur sá ljósa- og hljómtækjabúnaður
sem settur verður upp í tengslum
við afmælishátíðina.
Miklaholtshreppur:
Útlit f yrir
góðan heyskap
Borg I Miklaholtshreppi.
GOTT útlit er nú fyrir góðan
heyskap hér um slóðir. Að vísu
var grasvöxtur seinni á ferðinni
en í fyrra. Sólarleysi í júní tafði
fyrir sprettunni, allt hey sem
búið er að hirða er slegið í 1
sprettu og ætti fóðurgildi þess
að vera gott.
Þá er búið að setja klæðningu á
þjóðveginn frá Vegamótum að
Stóru-Þúfu. Er það góð samgöngu-
bót sem við öll fögnum. Hið árlega
hestamannamót Snæfellinga var
um síðustu helgi á Kaldármelum.
Mikil umferð hestamanna var hér
á vegum síðari hluta vikunnar. Á
laugardagskvöldið var svo dansleik-
ur á vegum hestamannafélagsins í
Lindartungu.
Tvö umferðaróhöpp urðu hér um
helgina. Annað fyrir vestan Vega-
mót, en hitt hjá Furubrekku í
Staðarsveit. Engin slys urðu á fólki
og farartæki lítið skemmd. Mikil
umferð ferðafólks hefur verið hér
um héraðið undanfarandi daga.
Enda veður eins gott og getur ver-
ið, bjart og hlýtt. Ferðamaður sem
leggur leið sína um Snæfellsnes í
góðu veðri hefur margt að skoða í
tilbreytingarríku og sögufrægu hér-
aði sem hefur margbreytilegt
landslag, sem gleður auga ferða-
mannsins.
Páll
Heíta vatnið
erekki óþrjótandi nema
Sum lífsþægindi eru svo
samtvinnuð daglegu lífi okkar
að við tökum naumast eftir
þeim. Þannig finnst okkur
heita vatnið ósköp hversdags-
legt og lítilvægt, nánast jafn-
sjálfsagt og andrúmsloftið.
Ekkert er t.d. eðlilegra en að
geta skotist í heitt og notalegt
bað hvenær sem er nema...
nema ef lokað er fyrir heita
vatnið. Þá vekur köld gusan
okkur til umhugsunar og
skyndilega er smáatriðið orðið
að aðalatriði. Allt í einu jafnast
ekkert á við heitt vatn.
Heitt vatn úr iðrum jarðar er
auðlind sem mikilvægt er að
nýta. Hitaveita Reykjavíkur
kappkostar að miðla þessari
verðmætu orku skilvíslega og
hnökralaust til notenda. Til að
það sé unnt verða orkukaup-
endur að greiða skilvíslega
fyrir þjónustuna. Hafðu hug-
fast að heita vatnið er ekki
óþrjótandi nema þú greiðir
orkureikninginn.
Láttu orkureikninginn hafa
forgang.
RAFMéGNSVEITA
REYKJAVÍKUR
SUDURLANDSBRAUT 34 SÍMI686222
Ný nuddstofa í Garðahæ
Sigrun Gunnsteinsdóttir nuddari hefur opnað nuddstofu í Iðnbúð 4, Garðabæ, þar sem fyrir er
Hárgreiðslu- og snyrtistofan Andrómeda. Í fréttatilkynningn segir að þar sé boðið upp á almennt
líkamsnudd og „kwik slim“-vafninga í þægilegu andrúmslofti.
Frá unglingamóti i Vatnaskógi 1985.
Vatnaskógur:
Kristilegt ungl-
ingamót um verslunar-
mannahelgina
UM Verslunnarmannabelgina
verður haldið kristilegt ungl-
ingamót í Vatnaskógi við Hval-
fjörð. Mótið er haldið af KFUM
og K og er yfirskrift þess „Jesús
lifir, en þú?“
Ymislegt verður til skemmtunar á
mótinu, t.d. knattspyma, kodda-
slagur, hæfíleikakeppni, reiptog
fjörusöngur, eldvera, biblíulestrar,
kvöldvökur og fleira. Mótsgjald er
kr.500.
Mótið verður að mestu sniðið
fyrir ungt fólk en allir eru velkomn-
ir. Áfengi og önnur vímuefni eru
stranglega bönnuð. Hægt erður að
fá keyptan mat og einnig verður
sjoppa á staðnum. Gist er í tjöldum
en þeir sem vilja heldur gista inni
geta pantað fyrir 30.júlí á skrif-
stofu KFUM og K f síma 23310.